shadow
Diocese de Dili > NOTÍCIAS > LETURA DIÁRIA > Quarta-Feira, da II Semana da Páscoa

Quarta-Feira, da II Semana da Páscoa

ANO B

 

Primeira Leitura                                                                                      Act. 5. 17-26

Lia husi livro Apóstolo sira nia hahalok

Iha loron hirak neba, Na’i lulik boot ho nia emar sira mai, tan laran moras, sira káer tiha Apóstolo sira hodi hatama iha kalabosu.

Maibe, kalan boot, Na’i nia anjo loke tiha kalabosu nia odamatan, lori sira ba liur hodi dehan ba sira: “ imi ba hatudo imi-an iha templo hodi haklaken liafuan moris hirak ne’e ba povo”. Sira rona tiha no rai-hun-mutin sira tama iha templo hodi hahu hanourin.

La kle’ur na’ilulik boot ho nia emar sira to’o mai. Sira haruka halibur ema tesi lia na’in sira ho ema le’i na’in sira housi Israel hodi haruka bolu Apóstolo sira iha kalabosu mai. Guarda sira ba iha neba, maibé la hetan sira iha kalabosu. Sira fila hodi hato’o nune’e: “Ami haré kalabosu taka metin hela; ema sira be hein kalabosu iha hela odamatan. Maibé, wainhira ami loke odamatan, ami tama ba, ami la hetan ema ida iha laran”. Wainhira rona tiha lia hirak ne’e, comandante templo nian no na’ilulik boot sira, la hatene atu halo lós oinsá kona ba Apóstolo sira. Sira dehan: “sá lós mak ne’e?” maibé ema balun mai fó hatene ba sira: “ ema sira nebé imi hatama iha kalabosu, oras ne’e sira iha templo hodi hanourin hela povo”. Nune’e comandante templo nian ba ho guarda sira hodi lori siram mai, maibé la halo áat ida ba sira. Sira ta’uk tamba povo bele tuda mate sira ho fatuk.

Maromak Futar Lia.

 

Salmo Responsorial                                                                                                                                         Sal. 33(34). 2-3, 4-5, 6-7, 8-9 (R. cf. 7ª)

Refrão : Ema kiak harohan, Na’i rona nia!!! Repete-se

Ou           Aleluia!!!

 

Ha’u sei hahi Na’i loron kalan,

Nia rahun diak iha nafatin ha’u ibun.

Ha’u klamar fó glória ba Na’i;

Sira be haraik-an rona no haksolok.    Refrão

 

Ha’u sei haksolok ho Na’i,

Ita sei hahi hamutuk nia naran.

Ha’u buka Na’i, Na’i rona ha’u;

Nia hasa’i ha’u husi buat áat hotu. Refrão

 

Imi fila ba Na’i, imi sei hetan ksolok.

Imi seia la moe lerek.

Ema kiak harohan, Na’i rona nia,

Soi nia husi buat áat hotu. Refrão

 

Na’i nia Anjo tau matan ba sira nebé hamta’uk nia,

No tahan sira husi buat áat,

Koko ba no hare oinsá Na’i nia di’ak;

Rahun di’ak ba ema nebé hôrik iha nia. Refrão

 

Aclamação                                                                                                                                                                                                                      Jo. 3. 16

Refrão : Aleluia, Aleluia!!! Repete-se

                  Maromak hadomi tebes mundo, to’o fó nia oan-mane-mesak,

                  atu ema hotu nebé fiar iha nia hetan moris rohan laek. Refrão

 

Evangelho                                                                                                                                                                                                                 Jo. 3. 16-21

Na’i Jesus Cristo nia Evangelho tuir São João.

Iha tempo neba, Jesus lia tun ba Nicodemos: “Maromak hadomi tebes mundo to’o fó nia oan-mane-mesak, atu ema hotu nebé fiar iha nia, la bele lakon, maibé hetan moris rohan laek. Basá, Maromak la haruka oan mai iha mundo atu fó terus mundo, maibé, atu hodi nia tulun, mundo hetan maksoyn. Ema nebé fiar iha nia, la hetan todan, maibe ema nebé la fiar, hetan ona castigo; basá, la fiar Maromak oan mesak nia naran. Hetan todan tamba ne’e: Roman mai iha mundo, ema sira hadomi nakukun liu roman. Tamba sira hahalok áat, hewai roman, la besik ba roman atu ema keta haré nia hahalok. Maibé, ema nebé moris tuir lialós, hakbesik ba roman, atu mosu momós katak buat hotu nebe nia halo, halo iha Maromak”.

Lia Maksoyn.

Leave a Reply

Your email address will not be published. Required fields are marked *