shadow
Diocese de Dili > NOTÍCIAS > LETURA DIÁRIA > Quinta-Feira da Oitava da Páscoa

Quinta-Feira da Oitava da Páscoa

ANO B

 

Primeira Leitura                                                                                   Act. 5. 27-33

Lia husi livro Apóstolo sira nia hahalok

Iha loron hirak neba, comandante templo nian no guarda sira lori Apóstolo sira ba to’o iha tesi lia na’in sira oin. Sacerdote boot hateten nune’e ba Apóstolo sira: “Ami hateten ona atu imi la bele hanourin hodi Jesus nia naran. Maibé, imi hanourin liu imi nia doutrina iha Jerusalém tomak; imi hakarak mós du’un ema ne’e nia ran mai ami”. Pedro ho Apóstolo sira hatan: “Ami tenki halo tuir Maromak Nia hakarak liu ema sira nian. Ita amtau’ak sira nia Maromak halo moris hia’s Jesus, Jesus ida nebé imi oho hodi hedi ba Cruz. Maromak ho kbiit hahi duni Nia, halo Nia sai duni Na’i ulun no Maksoyn, atu Nia bele halo Israel hakribi sala hodi hetan perdua. Ami fó lia sasin ba buat hirak ne’e, amo ho Espírito Santo, Espírito nebé Maromak haraik ba ema sira nebé tuir Nia hakaran”. Wainhira rona tiha sira, judeu sira ulun laran sai nakali teb-tebes no buka maka’as atu oho sira hotu.

Maromak futar lia.

 

Salmo Responsorial                                                                                                                                        Sal. 33(34). 2, 9, 17-18, 19-20 (R. cf. 7ª)

Refrão : Ema kiak harohan, Na’i rona nia!!! Repete-se

Ou         Aleluia!

 

Hana’i nafatin ha’u Na’i,

Ha’u ibun hahí kalan loron.

Koko ba hodi haré oinsá Na’i nia di’ak,

Ksolok tebes ida bé hôrik iha Nia. Refrão

 

Na’i hirus hasouru ema áat sira

Atu halakon sira naran housi rai-klaran.

Na’i sei rona ema laran di’ak sira nia hakilar,

Sei soi sira housi nia susar laran. Refrão

 

Na’i besik fuan sira be hakribi salan,

Titu hein atu soi sira be laran nakraik.

Terus oi-oin monu ba ema laran mós nia leten;

Maibé Maromak sei soi nia housi terus hotu. Refrão 

 

Aclamação                                                                                                                                                                                                                  Jo. 20. 29

Refrão : Aleluia, Aleluia!!! Repete-se

                  Jesus lia tun teni ba Tomé: “Ó fiar tan ó haré tiha Ha’u.

                  Ksolok ba sira nebé fiar maski la haré”. Refrão

 

Evangelho                                                                                                                                                                                                                Jo. 3. 31-36

+ Na’i Jesus Cristo nia Evangelho nu’udar São João haktuir

Iha tempo nebá, Jesus lia tun ba Nicodemos: “Ida nebé mai housi áas, Nia iha ema hot-hotu nia leten; ida nebé rai ne’e nian, nia pertence ba rai, nia ko’alia kona ba rai nian. Ida nebé mai housi Lalehan, Nia iha ema hot-hotu nia leten; Nia fó sasin kona ba buat nebé Nia haré no rona, maibé ema ida la simu Nia sasin. Ida nebé simu Nia sasin, nia laran metin katak Maromak lós ida de’it. Ida nebé Maromak haruka mai, Nia fó sai Maromak Nia liafuan, basá Maromak Nia Espírito ita ema la bele sukat. Aman hadomi Oan no saran buat tomak ba Nia liman. Ema nebé fiar iha Oan, hetan moris rohan laek. Ida nebé lakohi fiar iha Maromak Oan, sei la haré moris, maibé Maromak Nia hirus hela iha nia”.

Lia maksoyn.

Leave a Reply

Your email address will not be published. Required fields are marked *