shadow
Diocese de Dili > NOTÍCIAS > OPINIÃO > KETA TAUK HATAN, IHA TEMPO ATU HILI

KETA TAUK HATAN, IHA TEMPO ATU HILI

(Mario Oliveira)

 

Contextualiza Mensagem Papa Francisco Nian ba Jornada Mundial Joventude nian

ba dala XXXIII

 

Preliminar

                  Uainhira ha’u nia kakutak bilan hodi hanoin, tan preocupação lubuk nebé ha’u hasoru, ha’u lahetan tema interesante hodi hakerek kona ba “discernimento vocacional á luz da sagrada Escritura” nudar tema geral nebé secção academia Spepal nian fó, maibé iha ha’u nia hanoin lahetan ne’e, mosu duni vontade atu hakerek kona ba “discernimento vocacional” ne’e rasik, husi ne’e hotu diak mai ha’u atu foti tema “KETA TAUK HATAN, IHA TEMPO ATU HILI” nebé coincide kedas ho mensagem Papa Francisco nian ba Jornada Mundial juventude nian ba dala XXXIII ho ninia tema :”JOVENS,  FÉ NO DISCERNIMENTO VOCACIONAL” tamba ne’e diak tebes hodi contextualiza kedas mensagem Papa Francisco nian ba Jornada Mundial juventude ba dala XXXIII  ne’e, atu husi ne’e;  nebé fó duni anin foun iha mundo nebé nakonu ho buat nakukun ba ema hirak iha hela dalan fahe entre sim ou não. Loos duni “discernimento vocacional” hanorin dadaun ita atu conserva iha memória nebé liu ona; atu mos bele rona, hamutuk ho vontade tomak, ba Liafuan Maromak nian nebé infunde coragem no haraik graça necessária ba responde Maromak ninia bolu.

                  Laos ona tarde atu contextualiza“discernimento vocacional”, maibé precisa duni atu iha biban sira nebé situação husu atu halo “discernimento” ba ema ida-idak ninia an,  relaciona ho resposta ida lolos tamba vocação ne’e laos opção maibé resposta. Ba nune’e ho naroman Biblia nian ha’u hatur mos artigo simples ne’e iha pasagem biblico “«Keta tauk, Maria, basa o hetan rahun diak tebes iha Maromak futar oin» (Lc 1, 30). Hodi simplifica ba parte sira tuir mai.

  1. Keta tauk Hatan
  2. Iha Tempo Atu Hili
  3. Haksolok ho saida mak Hatan
  4. Lia taka

 

  1. Keta tauk Hatan

                  Liafuan tauk no hatan hetan kedas polaridade negativa ho keta nebé hatur duni afirmação certa ida husi ema hirak nebé hela iha dalan fahek entre sim ou não, Keta tauk Hatan nebé tuir loloos hetan frase completo “keta tauk atu hatan” ho ninia sentido positiva provoca duni perturbação makaas iha fuan, surpreende ho saida mak diak liu no aat, hodi sukat mos ho identidade no vocação, nebé uluk liu bai-bain deit. Ema bai-bain, nune’e mos personagens lubuk tan husi Sagrada Escritura, tauk perante mistério husi Maromak ninia bolu, nebé, iha momento ida ba seluk, confronta ho imensidão  husi desígnio divino no sente dadaun ema ninia kbiit laek hanesan criatura rai rahun. Maromak, lê iha fuan nebé klean, no dehan ba ema : «Keta tauk»! Maromak lê mos iha ita ninia íntimo. Conhece didiak desafios nebé ita mos precisa enfrenta iha vida, sobretudo uainhira ita hela iha opções fundamentais de que depende saida mak ita no ita halo iha mundo ne’e. Hanesan buat ida hamosu «perplexidade» katak iha hela decisões kona ba ita ninia futuro, ita ninia estado de vida, ita ninia vocação. Iha momentos balun, ita mos hela iha nakdoko no hetan mos assalta ho tauk oi-oin. Tauk saida deit bele mosu, iha nebé ema preocupa liu profundamente ba saida mak tuir lolos, laimportante, laurgente no lanecessita.  Buat ida tauk «de fundo», nebé existe iha ema barak nia an, saida mak laos atu hadomi, laos mos atu habelun, husi buat nebé lasimu husi saida mak ema iha. Ohin loron, iha ema barak nebé, tenta hodi hariku an ho padrões frequentemente artificiais no inatingíveis, iha sensação hodi sai buat seluk husi saida mak iha realidade. Halo bebeik «foto-retoques» husi imagens próprias, helik an ho máscaras no identidades falsas, too quase atu halo sira an hanesan loos «fake» ida, falso ida. Barak mak iha obsessão hodi simu número possível barak liu husi apreciações «gosto» nian. No husi ne’e, halo com que sensação de desajustamento hirak ne’e, hamosu duni tauk lubuk no incertezas nabutuk. Seluk tan mak tauk hodi laconsegue  hetan segurança afetiva ida no moris mesak. Iha mos barak, ba hare fali husi serviço sira nebé lafolin, tama iha tauk hodi laconsegue hetan conveniente afirmação professional ida, hodi labele realiza sira ninia mehi. Sai aat liu mak consequencia mate ninia tali fukun lanamkore husi sira ninia kakorok.

                  Sei trata ho tauk nebé atualmente presente iha ema barak ninia an, ema fiar nain barak hanesan laos fiar nain. No husi sira rasik nebé acolhe ona dom husi fé no buka ho serio sira ninia vocação, por certo laescapa husi tauk. Balun mos mak hanoin: dalaruma Maromak halo exemplar no malorek liu; talvez, hodi hakat iha estrada nebé Maromak hatudu, la verdadeiramente feliz, ou laos ona buat nebé husu iha tempo nebé liu. Seluk nebé interroga: Se lao tuir dalan nebé Maromak hatudu mai ha’u, se mak sei garante mai atu ha’u consegue lao too nia rohan? Desanima sei mosu?  Lakon vontade? Sei diak liu mak persevere vida inteira ?

                  Iha momentos hanesan ne’e mak  fera dadaun fuan nebé nakonu ho dúvidas, nune’e necessário atu halo discernimento(“KETA TAUK HATAN, IHA TEMPO ATU HILI”). Ne’e mak permite ita liuhusi ordem confusão nebé  pensamentos no sentimentos iha, oferece duni biban atu iha momento kakutak lahasoru malun ho fuan, buka oinsa mak “ hili loloos no latauk atu hatan” hanesan resposta ida tamba vocação ne’e laos opção maibé resposta, hanesan  Ir. Graça Disingakala Nunes Profa. Dra. Ir. Aíla Luzia Pinheiro De Andrade, NJ iha sira ninia artigo ida :”A VOCACAO NÃO É UMA ESCOLHA MAS UMA RESPOSTA esclarece “a relação de intimidade com a pessoa de Jesus Cristo é a resposta incondicional do homem”.  Tamba ne’e evangelho ne’e mos, sai mata dalan hodi lao iha maneira justa no prudente, nebé ema bele moris iha resposta ida nebé loloos.  Bíblia lanega sentimento humano husi tauk, nem inúmeros motivos nebé bele provoca perturbação iha fuan nebé klean.  Mai kedas ho Abraão  ninia tauk(cf. Gn 12, 10-11), Jacob mos tauk (cf. Gn 31, 31; 32, 8), hanesan mos Moisés (cf. Ex 2, 14; 17, 4), Pedro (cf. Mt 26, 69-75) no Apóstolos (cf. Mc 4, 38-40; Mt 26, 56). Jesus rasik, embora  iha nível incomparável ida, sente tauk no angústia (cf. Mt 26, 37; Lc 22, 44).

                  Hanesan ne’e ba  ema precisa duni iha coragem atu dehan ho fuan “Fala, Senhor; o teu servo escuta”» (1 Sm 3, 9). Iha ema ninia dúvidas, sura mos ho Igreja nebé tinan 2018 nia laran. Hatene katak iha bons sacerdotes, consagrados no consagradas, fiéis-leigos – sira hirak ne’e ema baibain –, maibé necessário atu loke cidades no comunidades hodi cresce, mehi, perscruta horizontes foun!  Nunca  sai nain ba prazer hodi goza  encontro, amizade, prazer  husi mehi hamutuk, hodi lao hamutuk ho sira seluk. Cristãos autênticos labele tauk atu nakloke ba ema seluk, hodi compartilha espaços vitais sira hodi transforma dadaun  iha espaços de fraternidade. Ohin loron labele deit atu halibur maibé labele husik, jovens sira no sira hirak nebé hakarak buka ksolok juventude nian iha escuridão sala taka metin nian ida, iha nebé iha deit única janela atu hare mundo,  seja husi deit computador no husi smartphone. Loke husi par em par odamatan sira moris nian! sira ninia espaços no tempos hodi bele habita husi  pessoas concretas, relações profundas, nebé imi fo possibilidade hodi compartilha experiências autênticas no reais lor-loron nian.

 

  1. Iha Tempo Atu Hili

                  Ho certeza katak  graça Maromak nian iha ita, prova duni ho força ida atu iha coragem ba presente: coragem atu hasoru pergunta rua nebé mak mai satan: magia no marketing. Parece que consegue atrai pessoas atu hatan ba  Cristo ninia bolu no resolve  problema contradição mundo nian. Maibé, no fim, sei faan ba mercado ilusões individualistas nian. Magia mak fuga husi  alteridade, husi comunidade. Trata Evangelho hanesan buat ida nebé bele adquire ba sacrifícios ninia folin, promessas no ofertas. Hasai tiha ema husi comunidade hodi coloca mes-mesak iha Maromak futar oin, atu halo barter ho Maromak, hodi sosa graças no bênçãos no  milagres husi Maromak. Serve hanesan força  husi palavrórios humanos no devocionismos baratos, nebé no fundo atu resolve  problema pessoal ida, atu alcança cura ida, atu supera crise ida etc., no too atu adquire ingresso antecipado ida ba lalehan. Haluha tiha katak Evangelho laos sosa no faan, maibé atu moris! Evangelho Jesus Cristo ninia mak vinda gratuita Maromak nian ba ita, ne’e mak encarnação Maromak nian nebé mai hasoru malun ho ita. Pluralismo religioso no ético sociedade atual nian lori duni ema sira atu halo fali religião sai assunto privado ida deit. Cristianismo hanesan religião ida nebé hatuur kedas iha relação entre ema ho Maromak no entre ema ho ema, hanesan religião ida ho resposta ba transformação mundo nian.  Nebé ninia consequencia logico mak simplicidade husi sasin moris, husi convivência cotidiana ho ema fiar nain sira, husi pertença comunidade simples ida nebé nakonu ho fé, pequeno grupo de reflexão no oração, iha nebé hirak ne’e sei converte ba Cristo. Será precisa atu  adapta tuir iha tempo nebé lao ba bebeik ho resposta ida loloos “iha tempo atu hili” hanesan teólogo Karl Rahner  ninia liafuan “respeito de todos os cristãos: o cristão do século XXI ou sera um místico ou simplesmente não será cristão. Sem mística, sem santidade, o presbítero não será ninguém e nada terá a oferecer a seu povo. Apresentando os desafios da Igreja para o futuro. Liutan ne’e Rahner reclama ausência husi mestres no discípulos, hodi salienta :“Onde existem ainda os ‘pais espirituais’, os gurus cristãos, que possuem carismas para iniciar os discípulos na meditação e, até mesmo, no misticismo, onde se poderá reconhecer a realidade definitiva do ser humano, isto é, sua união com Deus, como uma coragem sagrada? Onde estão os que têm coragem de ser discípulos desses pais espirituais?”. Iha tempo atu hili, hili didiak atu keta hili sala hanesan deit opção ida maibé hili hanesan resposta. Tamba hili hanesan opção no hili hanesan resposta buat rua nebé lahanesan ho ninia consequencia nebé lahanesan mos.

 

  1. Haksolok ho saida mak Hatan

                  Vocação mak ação bolu husi Maromak, hanesan ninia iniciativa domin nian nebé corresponsável (Is 59,1; Jr 1,5; Rm 9,12; Gl 1,15; 5,8). Maromak bolu tamba hadomi (cf. Dt 7,6-8; 23,6; Jo 15,16; Mc 3,12). Tuir Bíblia, missão mak elemento central husi vocação.  Quando Maromak bolu ema balun, haruka nia ba missão ida, ho ninia fim mak halo oinsa ema ida ninia função bele lao diak iha comunidade ida ninia leet.  Missão mak sempre encargo ida. Tamba ne’e mak São   JOÃO PAULO II. Hatoo Mensagem iha ocasião ba Jornada Mundial da Juventude nian bad ala XV iha tinan 1999 dehan “Deus criou-nos para compartilhar a sua própria vida; chama-nos para sermos seus filhos, membros vivos do Corpo místico de Cristo, templos luminosos do Espírito do Amor.  Chama-nos para ser “seus”: quer que todos sejam santos”.  Hafoin Maromak bolu tiha cada ema, precisa liu-liu mak iha coragem atu husik buat hotu, sei abandona buat hotu nebé pertence ba mundo ninia soin, ba iha nebé Nia haruka no halo saida mak Nia husu. Coragem mak passo ida importante liu ba dalan vocacional ida bem-sucedido. Ne’e duni mak precisa iha coragem hodi entrega an ba Maromak ninia liman no husik atu Nia mak ukun ita, atu mos ita bele hasoru tempestades hotu iha dalan nebé ita liu, vicissitudes hotu nebé iha ho haksolok. Coragem atu husik buat hotu no dehan Sim ba Maromak ! Não temas, “Coragem! Levanta-te, ele te chama.” (Mc 10 49). Loos duni husi domin ne’e mak Nia bolu, ho domin ne’e mak ita hatan, ho domin ne’e mos mak ita halao missão ho ksolok no domin ne’e rasik mak ita sai ita an rasik laos tuir fali ema seluk dehan saida kona ba ita. “Amor é a origem e o fim de toda vocação e o Deus que nos criou sem nós não nos salva sem nós, hanesan Santo Agostinho afirma.  Ita hotu hetan bolu atu colabora iha plano salvação nian. Nia precisa husi ita ninia sim nebé mai husi laran hanesan hatan nebé haksolok no haksolok ho saida mak ita hatan.

 

  1. Lia taka

                  Quando ita koalia discernimento vocacional. Ida ne’e tamba atu efetiva fali vocação nebé ema iha, tuir projeto Maromak nian, contribui ba buat nebé diak laos deit pessoal ou husi instituição ba saida mak ema pertence, maibé, husi isin lolon tomak : criatura Maromak nian.  vocação ne’e rasik ato dinâmico ida, procedimento gradual ida, história domin ida, relacionamento profundo ho Maromak  liuhusi Nia Oan Mane iha Espírito Santo, no husi ne’e mak,  husu liu-liu atu tama iha intimidade ho Maromak, sai ida deit iha escola Mestre nian, pois vocação, hanesan ato husi bolu, conta mos ho envolvimento husi sujeitos nain rua: Maromak nebé bolu no ema hatan. Ikus mai. KETA TAUK HATAN, IHA TEMPO ATU HILI. (Assim Seja e Bem Hajam)

 

Referências Bibliográficas

Leave a Reply

Your email address will not be published. Required fields are marked *