shadow
Diocese de Dili > NOTÍCIAS > LETURA DIÁRIA > Sábado da oitava da Páscoa

Sábado da oitava da Páscoa

ANO B

 

Primeira Leitura                                                                                      Act. 6. 1-7

Lia  housi livro Apóstolo sira nia hahalok

Iha loron hirak neba, escolante sira hetok sai wa’in ba bei-beik. Sira be housi grupo grego nian hahu mumuk hasouru sira housi grupo hebraico, tanba, iha serbisu lor-loron nian sira la hamatan ba sira nia feto faluk sira. Tan ne’e, Apóstolo sira sanulu resin rua halibur malu ho escolante sira seluk hodi hateten ba sira: “Ita la bele husik hela haklaken Maromak futar-lia, hodi halo fali serbisu de’it ba ita nia kábun”. Ne’e duni, maun-alin sira, imi buka hili housi imi leet ema na’in hitu nebé naran di’ak, hakonu-an ho Espírito Santo no matenek atu hala’o knaar ne’e. Kona ba ami, ami fó-an tomak ba harohan no ba haklaken liafuan nian”. Sira hotu simu hodi halo tuir buat nebé hakotu iha libur malu; sira hili Estevão, ema fiar na’in no iha Espírito Santo nakonu, Filipe, Prócuro, Nicanor, Timão, Parmenas no Nicolau, prosélito ida housi Antioquia. Sira lori ema sira ne’e ba Apóstolo sira; harohan tiha sira tau liman ba sira leten.

Maromak Futar Lia.

 

Salmo Responsorial                                                                                                                                                   Sal. 32(33). 1, 2, 4-5, 18-19 (R. 22)

Refrão : Na’i, ami hein iha Ita laran-luak!!! Repete-se

Ou           Aleluia!

 

Ema santo haklaken Maromak,

Tan ema laran lós sei hahi Nia.

Fó agradece ba Na’i,

Hananu ho harpa no cítara. Refrão

 

Na’i nia liafuan lós tebes,

Bele laran metin iha Nia liman nia hahalok sira,

Na’i hadomi justiça no dalan lós;

Na’i nia domin naburas iha Rai. Refrão

 

Na’i tau matan ba sarani sira,

Ba sira nebé hein Nia,

Atu hasai sira housi mate,

Hodi fó moris iha susar laran. Refrão

 

Aclamação                                                                                      

Refrão : Aleluia, Aleluia!!! Repete-se

Cristo moris hi’as; Nia mak halo sasan hotu no sadi’a ema hotu. Refrão

 

Evangelho                                                                                                                                                                                                                Jo. 6. 16-21

+ Na’i Jesus Cristo nia Evangelho nu’udar São João haktuir

Iha tempo neba, loron tun daudaun, wainhira halo wa’in liu tiha pão no ikan, Jesus nia escolante sira tun ba tasi. Sira sa’e tiha ba ró ida hodi hakur liu ba tasi sorin balu ba, ba lós iha Cafarnaúm. Rai nakukun tiha ona, maibé Jesus seida’uk to’o mai hamutuk ho sira. Tan anin huu maka’as, tasi sai siak. Wainhira sira nia ró la’o daudaun ona metro rihun tolu ho balu ka rihun lima, sira haré Jesus la’o iha tasi leten hodi hakbesik mai ró. Sira ta’uk teb-tebes. Maibé Jesus dehan ba sira “Ha’u duni, keta ta’uk”! Nune’e sira simu Nia iha ró; no ró hahu hakbesik ba rai, ba fatin nebé sira hakarak atu ba.

Lia maksoyn.

Leave a Reply

Your email address will not be published. Required fields are marked *