shadow
Diocese de Dili > NOTÍCIAS > LETURA DIÁRIA > Segunda-Feira, III Semana da Páscoa

Segunda-Feira, III Semana da Páscoa

ANO B

 

Primeira Leitura                                                                                     Act. 6. 8-15

Lia housi Livro Apóstolo sira nia hahalok

Iha loron hira neba, Estevão iha graça no kbiit nakonu, halo buat foun no milagre oi-oin iha povo nia leet. Maibé, ema balun housi grupo sinagoga nian be hanaran Libertos, housi Cirene, housi Alexandria, housi Cilícia no Ásia, sira mai haksesuk malu ho Estevão, maibé sira la tahan nia matenek no Espírito nebé hodi nia ko’alia.

Sira futu lia ho ema balu atu dehan: “Ami rona Estevão hateten áat Moisés no hasouru Maromak”. Sira hasa’e lia ba povo, ba katuas no ba escriva sira. Hafoin, sira haruka ema ba káer nia; lori nia ba Sinédrio, hodi sasin bosok, hateten: “Ema ida ne’e, lor-loron, hateten lia áat hasouru Fatin Santo ne’e hodi ko’alia áat hasouru Lei. Basá, ami rona mós nia katak Jesus Nazaré ne’e, bele sobu fatin ne’e no haruka muda hahalok sira be ami simu housi Moisés”. Sira hotu nebé tur iha Sinédrio, hateke ba Estevão, sira haré nia oin hanesan anjo ida nian.

Maromak Futar Lia.

 

Salmo Responsorial                                                                                                                                       Sal. 118(119). 23-24, 26-27, 29-30 (R. 1b)

Refrão : Rahun di’ak ba sira be moris tuir Na’i Nia ukunfuan!!! Repete-se

Ou            Aleluia!

 

Maski liurai oan sira tesi lia hasouru ha’u;

Ita atan hanoin Ita lei.

Na’i, Ita ukunfuan mak ha’u ksolok;

Ita Nia hakaran mak ha’u lia meno. Refrão

 

Ba Ita, ha’u hasa’e moris ha’u moris;

Na’i, rona ha’u, hatudu Ita hakaran mai ha’u.

Hatudu Ita dalan mai ha’u,

Ha’u sei hanoin Ita kmanek sira. Refrão

 

Na’i, hasai housi dalan bosok nian;

Haraik tulun mai ha’u atu hatene Ita hakaran.

Na’i, ha’u hili dalan lós nian;

Iha ha’u oin, ha’u rai Ita ukunfuan sira. Refrão

 

Aclamação                                                                                                                                                                                                                    Mt. 4. 4b

Refrão : Aleluia, Aleluia!!! Repete-se

                  Ema la moris de’it ho aihan, maibé ho liafuan sira nebé

                  Sai housi Maromak futar ibun. Refrão

 

Evangelho                                                                                                                                                                                                                 Jo. 6. 22-29

+ Na’i Jesus Cristo Nia Evangelho nudar São João haktuir

Iha tempo neba, tuir loron haua’in pão no ikan nian, ema barak sei hela iha tasi Tiberíades nia sorin balu ba. Sira haré katak iha neba iha de’it ró ida; Jesus la tama iha ró hamutuk ho Nia escolante sira, maibé sira ne’e mesak mak ba tiha. La kle’ur de’it, ró selu-seluk housi Tiberíades to’o iha fatin nebé sira han pão ba. Wainhira Na’i fó tiha bensa. Ema sira haré katak Jesus ho Nia escolante sira la iha ona tasi ibun. Tan ne’e, sira sa’e hotu ba ró, hean to’o Cafernaum atu buka Jesus. Hetan tiha Jesus iha tasi sorin balu ba, sira dehan ba Nia: “Mestre, Ita to’o iha ne’e houri wainhira?”

Jesus lia tun ba sira: “Ha’u dehan tebes ba imi: imi buka Ha’u, la’os tan imi haré milagre sira, maibé tan imi han pão to’o bosu didiak. Imi sei káer serbisu la’os tanba aihan nebé mohu maibé tan aihan nebé la mohu tinan-ba-tinan. Ai-han ne’e Mane maksoyn mak sei haraik ba imi. Ba Mane Maksoyn ne’e duni mak Aman Maromak tau marka”. Sira hasa’e lia ba Nia, dehan: “Ami sei halo lós sá atu káer Maromak Nia serbisu?” Jesus lia tun ba sira: “Maromak Nia serbisu mak ida ne’e: Imi fiar Ida nebé Nia haruka mai”.

Lia Maksoyn.

Leave a Reply

Your email address will not be published. Required fields are marked *