shadow
Diocese de Dili > NOTÍCIAS > LETURA DIÁRIA > Terça-Feira, III Semana da Páscoa

Terça-Feira, III Semana da Páscoa

ANO B

 

Primeira Leitura                                                                                    Act. 7. 51-8. 1ª

Lia housi Livro Apóstolo sira nia hahalok

Iha loron hira neba, Estêvão hateten ba povo, ba katuas sira no escriba sira: “Imi, be la haraik imi an, la loke imi fuan no imi tilun, imi hafunu nafatin hasouru Espírito Santo. Imi hotu hanesan imi nia bei-ala sira; ba profeta ida nebé mak imi nia bei-ala sira la halo áat? Imi nia bei-ala sira mós oho ema nebé haklaken kona ba Santo nebé atu mai. Housi sira mak imi mós, oras ne’e, sai laran makerek no oho-dor ema; imi be simu Anjo sira nia ordem maibé la halo tuir lolós”.

Rona tiha liafuan hirak ne’e, sira hahu hirus teb-tebes Estêvão, hodi run nehan hasouru nia.

Maibé, Estêvão ho Espírito Santo Nia kbiit foti matan ba Lalehan; haré Maromak Nia kmanek, no Jesus hamriik hela iha Nia sorin kuana, Estêvão dehan: “Ha’u haré Lalehan nakloke, Maromak Oan Mane Maksoyn hamriik hela iha Maromak Nia sorin kuana”. Sira hotu hakilar maka’as, taka sira tilun. Tuir mai, sira káer Estêvão, lori sai housi cidade, tuda mate tiha nia. Sasin sira tau tiha nia kapa iha foin-sa’e be hanaran Saulo ne’e nia ain.

Wainhira sira tuda dadaun Estêvão, nia harohan nune’e: “Na’i Jesus, simu ha’u klamar ba”. Hafoin, hakneak hodi hakilar: “Na’i, perdua sira housi sala ne’e”. Dehan tiha ne’e, Estêvão saran-an iha Na’i. Saulo mós hakarak atu oho Estêvão.

Maromak Futar Lia.

 

Salmo Responsorial                                                                                                                           Sal. 30(31). 3cd-4, 6ab, 7b, 8ª, 17, 21ab (R. 6ª)

Refrão : Na’i, iha Ita liman, ha’u saran ha’u klamar!!! Repete-se

Ou        Aleluia!

 

Ita fatuk metin ha’u heli-an-fatin,

Baki boot iha nebé ha’u soi-an.

Ita ha’u kbiit, ha’u Mahein,

Tan domin ba Ita naran, hatudu dalan mai ha’u. Refrão

 

Iha Ita liman, ha’u saran ha’u klamar;

Maromak laran lós, soi ha’u.

Na’i, iha Ita, ha’u tau ha’u neon;

Ha’u sei hahi no haksolok ho Ita laran-luak. Refrão

 

Halo nabilan Ita futar oin ba Ita atan;

Na’i, ho Ita laran di’ak, soi ha’u ba.

Iha mahan Ita futar oin nian,

Ita haksumik sira be neon metin

Housi ema laran áat. Refrão

 

Aclamação                                                                                                                                                                                                                  Jo. 6. 35ab

Refrão : Aleluia, Aleluia!!! Repete-se

                  Na’i lia tun, “Ha’u mak aihan moris,

                  ema sé mai iha Ha’u sei la hamlaha”. Refrão

 

Evangelho                                                                                                                                                                                                                 Jo. 6. 30-35

+ Na’i Jesus Cristo Nia Evangelho nudar São João haktuir

Iha tempo neba, ema lubun boot hasa’e lia ba Jesus: “Ita halo milagre sá atu ami haré hodi fiar? Ita halo buat foun sá? Iha rai-fuik-maran ami nia bei-ala sira han maná,  nu’udar Escritura hateten: ‘Sira han pão ida tun housi Lalehan.’” Jesus lia tun ba sira: “Tebes, tebes duni, Ha’u dehan ba imi: La’os Moisés mak fó ba imi pão be tun housi Lalehan; Ha’u Aman mak fó aihan lolós nebé tun housi Lalehan. Maromak Nia aihan mak tun housi Lalehan atu fó moris ba mundo”. Sira dehan ba Nia: “Na’i, haraik nafatin aihan ne’e mai ami!” Jesus hatan ba sira: “Ha’u mak aihan moris nian; ema nebé hakbesik mai Ha’u, nia sei la hamlaha tan; ema nebé fiar Ha’u, nia sei la hamrook tan”.

Lia Maksoyn.

Leave a Reply

Your email address will not be published. Required fields are marked *