shadow
Diocese de Dili > NOTÍCIAS > Notícias > EDUCAÇÃO POLITICA LAIHA TANBA LIDER SIRA FALHA

EDUCAÇÃO POLITICA LAIHA TANBA LIDER SIRA FALHA

DCDC – Campanha ba Eleição antecipada tama ona ba iha loron 14, iha campanha hirak nee, lider partido político sira laos deit hato’o programa partido nian, maibé mos insulta malu. Iha dadalia ho Jornalista RTK, Iha Seminário Fatumeta Dili, 24-04-2018, Pe. Martinho Gusmão hateten katak campanha político hanesan tempo para hala’o educação cívica. “agora ita sei iha ambiente tempo páscoa, iha Bíblia quando ita koalia kona ba bom Pastor, ita koalia kona ba lider político. Quase fundador no lider sira iha Israel mesak bibi atan hotu significa Abrão, Isaac no Jacob, nee bibi atan diak. Wainhira ita koalia kona ba Libertador povo Israel Abrão, nee bibi atan diak no ikus liu Liurai David mós nudar bibi atan, tanba ne’e ita tem que hare ba saida maka saudoso Nicolau Lobato dehan, se ita koalia kona ba salvação ita koalia kona ba Libertação” Dehan Padre Martinho Gusmão.

Tuir Padre Martinho, Povo agora dadauk ne’e laiha ona lider, tuir saida maka Bíblia hateten katak ami laiha ona Liurai, laiha profeta no Nai Lulik. “Lider sira nebé ita hein atu sai Lider política maibé sira falha tanba sira agora sai deit hanesan ema sira nebé maka hakarak tutur Cadeira, então educação política mos laiha. Maibé iha nakukun laran Maromak tau hela lilin ida nebé maka bele fo naroman, lilin nee maka lider geração foun sira nebé maka iha situação nebé todan koko atu contribui pensamento nebe Suave” Dehan Membro Renetil nee.

Docente Filosofia iha Instituto Superior Filosofia e Teologia Fatumeta nee hatutan, Papa São Francisco I hato’o nia mensagem ba Bispo sira iha Timor-Leste kona ba Revolução de Ternura (Halo Política ho fuan no laran, Halo política ho domin) “ Revolução Ternura nee Nicolau Lobato hahu ona Wainhira nia hasai liafuan ida nune’e;  “A Independéncia nasce com povo, vive no ceio do povo e pulsa no todos os dias no coração do Povo” nee atu hateten mai ita katak povo nee maka halo uluk ona revolução de ternura no lider mai para atu hatudu deit dalan laos lider mai para hamriik iha oin para taka netik dalan. A Verdade Campanha Político agora nee ita la hetan ona liderança, Partido boot rua nee hanesan deit, hanesan mós quando ita kanta Ladainha wainhira to iha São Pedro ho São Paulo, sarani sira sei hatan dehan Hanesan deit” Padre Martinho Gusmão hateten. (R.Lenin)

Leave a Reply

Your email address will not be published. Required fields are marked *