shadow
Diocese de Dili > NOTÍCIAS > Notícias > FIGURA BIBI ATAN NE’EBE LOS MAK OINSA!!

FIGURA BIBI ATAN NE’EBE LOS MAK OINSA!!

DCDD (22/04/2018) Bispo Dili D. Virgilio do Carmo da Silva wainhira visita povo sarani Turiscai nia hateten; Figura bibi atan ne’ebe los mak ida nebe rona no halo tuir. Tan ne’e mak wainhira koalia kona ba característica se mak bibi atan di’ak ‘Bom Pastor’ ne’e katak, ida ne’ebe hatene guia, hatene defende ninia bibi sira, alimenta ka fo han ninia bibi sira no lori nia bibi sira ba fatin ne’ebe di’ak.

Bibi atan ne’ebe di’ak ne’e mak bibi atan ne’ebe hatene hakuak no hakbesik ba ninia bibi sira, hatene defende ninia bibi sira liu-liu iha momento ne’ebe defícil, iha momento nebe bibi nee lao lakon, precisa defende bibi ida ne’e. Tan ne’e ita precisa bibi atan ida ne’ebe di’ak no forte. Forte katak laos ema ne’ebe isin boot, maibe fuan boot, hakarak boot no iha coragem.

Bispo reforça tan katak, figura bibi atan diak laos deit refere ba ema nebe hein bibi, maibe refere mos ba ema nebe ukun ‘Governa’. Bispo haktuir, Iha profeta sira nia tempo, sira laos dehan katak bibi atan ne’ebe di’ak deit, maibe iha mos bibi atan ne’ebe sira bolu dehan bibi atan at ‘pastores malvados’. Bibi atan a’at mak sira ne’ebe laos bali Maromak nia povo maibe sira bali fali sira nia-an, sira laos hein Maromak nia povo, sira hein sira nia-an, sira hein sira nia interesse, sira explora povo ne’ebe sira bali, sira laos halibur povo atu povo bele moris iha paz, maibe dala barak sira mak fahe fali povo e dala barak sira nia at ne’e soran e buka povo ne’e atu estraga povo. Ida ne’e mak iha Antigo Testameno ne’e bolu ka bibi atan a’at ‘pastores malvados’ bibi atan sira ne’ebe la lao tuir Maromak nia hakarak.

Sobre governa ka ukun Bispo dehan, Bibi atan ne’ebe di’ak laos deit hatene hadomi, maibe ida ne’ebe hatene hadomi lialos. Bain-bain iha liafuan tolu hanesan; verdadeiro, autêntico no corazoso katak bibi atan ne’ebe los, bibi atan nebe iha coragem atu koalia no bibi atan nebe defende nia bibi sira wainhira iha situação defícil.

Bispo hatutan tan katak, Iha ita nia tempo mosu mos ida ne’ebe ita hanaran Pastor Verdadeiro no Pastor Mercenário”. Pastor Mercenário ne’e mak sira ne’ebe servisu tanba osan. Ha’u servisu tanba osan, ha’u ukun tanba osan, ha’u halao ha’u nia kna’ar ne’e tanba contrato ida, tanba iha salario ida mak ha’u halo ida ne’e. Quando laiha osan ha’u la servisu, quando osan oituan ha’u la servisu. Então ha’u defende liu osan duque ha’u defende povo ninia di’ak, tan ne’e ida ne’ebe dehan katak pastor mercenário ne’e ida ne’ebe servi maibe hanoin kona ba osan, kona ba ninia poder, kona ba ninia interesse, ninia fama no ninia di’ak.

Bibi atan ne’ebe los ‘Verdadeiro’ mak bibi atan sira ne’ebe tem que koalia atu halo saida, laos buka poder, nia koalia wainhira hare nia bibi sira ema hanehan, wainhira ninia bibi sira ne’e moris iha injustiça laran, wainhira nia hare nia bibi sira ne’e terus tanba violéncia oin-oin ne’ebe mosu. (Lucio)

Leave a Reply

Your email address will not be published. Required fields are marked *