shadow
Diocese de Dili > NOTÍCIAS > LETURA DIÁRIA > Segunda-Feira, V Semana da Páscoa

Segunda-Feira, V Semana da Páscoa

ANO B

 

Primeira Leitura                                                                                      Act. 14. 5-8

Lia housi livro Apóstolo sira nia hahalok :

Iha loron hirak neba, iha Icónio hala’o tiha movimento ida housi ema gentio ni judeu sira hamutuk ho sira ulun, hodi futu lia atu halo áat ba Apóstolo Barnabé ho Paulo, hodi buka atu tuda mate tiha sira. Wainhira sira hatene buat ne’e, sira na’in rua halai tiha ba cidade sira Licaónia, Listra no Derbe nian, no ba iha fatin seluk-seluk iha besik neba. Iha neba sira na’in rua haklaken Na’i nia Lia-Foun.

Iha rai Listra, iha ema ida ain áat houri moris mai nebé la la’o. Nia rona tiha Paulo nia liafuan. Paulo fihir nia meti-metin. Haré katak ema ne’e iha fiar maka’as atu hetan isin di’ak, dehan tiha ho lian maka’as atu hetan isin di’ak, dehan tiha ho lian maka’as; “Ó hamriik ba, hodi halo lolós ó ain”. Ema ain áat ne’e fó haksoit ida hodi hahu la’o daudaun.

Haré tiha buat hirak nebé Paulo halo, ema lubun boot ne’e hasa’e lia hodi hateten ho lia Licaónico: “Maromak sira halo-an ba ema hodi tun to’o mai ita”. Sira hanaran Zeus ba Bernabé ho Hermes ba Paulo, basá ida ne’e mak ko’alia ba sira. Hafoin amululik Zeus housi rai-ketan cidade nian lori karau vaka sira hamutuk ho ai-funan futu be furak hod mai iha odamatan no hakarak, hamutuk ho ema lubun boot sira atu hasa’e sacrifício ida ba sira nain rua. Wainhira sira rona buat ne’e, sira lês tiha sira unuk, haksoit ba sira klaran hodi hateten ho lian maka’as: “Na’in sira, imi halo sá ne’e? Ami mós ema hanesan imi, ami mai haklaken atu imi husik Maromak falso hodi fila ba Maromak moris; nia hakiak lalehan no rai, tasi no buat tomak nebe hetan iha sira. Hori uluk liu, nia husik ema hot-hotu hili hodi tuir ida-idak nia dalan. Maibé, maski nune’e, nia haraik nia tulun nafatin hodi fó udan no tempo di’ak oi-oin ba imi hodi hetan aihan wain no ksolok ba imi nia moris”. Ho liafuan hirak ne’e, maski susar teb-tebes, atu tahan sira hodi hakiak ema lubun ne’e atu la bele hasa’e sacrifício ba sira na’in rua.

Maromak Futar Lia.

 

Salmo Responsorial                                                                                                                                                  Sal. 113b(115). 1-2, 3-4, 15-16(R. 1b)

Refrão : Glória, Na’i, ita naran!!! Repete-se

Ou           Aleluia!

 

La’os mai ami, Na’i, la’os mai ami,

Maibe hasa’e glória ba ita naran;

Tamba ita fó domin no fidelidade.

Tan sá ema gentio siras hateten:

“sira nia Maromak iha nebé?” Refrão

 

Ami nia Maromak iha lalehan;

Na’i halo buat hotu nebe monu ba nia laran!

Nia la hanesan Maromak falso sira,

Nebe ema halo ho liman,

Husi osan mean no osan mutin. Refrão

 

Rahun di’ak ba Na’i

Nebe halo Lalehan no Rai.

Lalehan mak Na’I nia hôrik fatin;

Rai, nia saran ba ema. Refrão

 

Aclamação                                                                                                                                                                                                                   Jo. 14. 26

Refrão : Aleluia, Aleluia!!! Repete-se

Na’i dehan: “Espírito Santo sei horik imi buat hot-hotu,

Nia mak sei halo imi hanoin hetan fali buat tomak nebé Ha’u hanorin ona ba imi”. Refrão

 

Evangelho                                                                                                                                                                                                              Jo. 14. 21-26

+ Na’i Jesus Cristo nia Evangelho tuir São João :

Iha tempo neba, Jesus lia tun ba nia escolante sira dehan: “ Ema nebé moris tuir Ha’u nia ukun-fuan hodi rai didiak, ema ne’e hadomin Ha’u. Ha’u Aman mós sei hadomi nia; Ha’u sei hadomi nia, Ha’u sei hatudu Ha’u An ba nia”. Judas, ida be la’os escariotes, hasa’e lia ba nia, dehan: “ Na’i, oinsá mak ita hatudu ita-an mai ami no la hatudu ba mundo”? Jesus hatan ba nia: “Ema nebé hadomi Ha’u, nia sei halo tuir Ha’u nia Liafuan. Liafuan imi rona daudaun, la’os Ha’u nian, maibe Ha’u Aman nian, Aman ida nebé haruka Ha’u mai. Ha’u hateten sai lia hirak ne’e ba imi, wainhira Ha’u sei hela iha imi leet. Maibé, ksolok-Na’in, katak Espírito Santo, ida be Ha’u Aman haruka mai hodi Ha’u nia naran, nia mak sei hanourin imi ba buat hot-hotu. Nia mak sei halo imi hanoin hetan fali buat tomak nebé Ha’u hanourin ona ba imi”.

Lia maksoyn.  

Leave a Reply

Your email address will not be published. Required fields are marked *