shadow
Diocese de Dili > NOTÍCIAS > Notícias > Dom Esmeraldo Visita Sarani Comunidade Ornai

Dom Esmeraldo Visita Sarani Comunidade Ornai

DCDD (29/04/2018) Dom Esmeraldo Farias Presidente da Comissão Missionária da CNBB (Conferência dos Bispo de Brazil) wainhira halao ninia visita mai iha Timor, Dom Geraldo mos hetan comvite hodi participa iha evento festa Padroeira Capelinha Ornai santa Catarina de Sena nebe hamutuk mos ho Ilas Cruz Santa nebe visita comunidade sarani iha Capelinha Ornai.

Hau nia hakuak boot ba sarani hotu husi Santa Catarina de Sena nebe ohin marca presença iha evento nee, agradece ba ita boot sira ba tempo kmanek ida nee bele hamutuk ho ita boot sira ho convite husi Dom Virgilio do Carmo da Silva bispo da Diocese de Dili. antes hau atu fila ba Brazil hau hakarak dehan liafuan balu sobre cruz nee rasik. Cruz ida nee forma husi traço rua hanesan traço Vertical nebe liga husi leten ba kraik no traço Horizontal nebe liga husi karuk ba los. Hateke ba cruz katak hare ba Maromak nebe liu husi Jesus Cristo mai iha mundo ida nee. E hare ba cruz hodi comprende katak Cristo nebe mak reuni ita ida deit. Ita contempla ba cruz hodi halo sinal cruz iha ita fo hanoin mai ita Maromak nia domin nebe mak hakuak ba ita ida-idak.

Então ita sai nudar Jesus nia Escolante ka seguidores Cristo nian hodi hatudu iha ita nia moris Maromak ninia domin. Ho cruz nebe mak halo ita hamutuk liu-liu Jovem sira atu hare ba cruz hanesan força ida atu bele manan dificuldade moris nian. Tanba nee, Cristo nia cruz significa sinal vitória Maromak nia Domin. Cristo nia cruz significa manan tentação sira nebe tenta ita iha mundo nee. Tanba nee buka hakbesik ba cruz iha ita nia moris lor-loron nian. Tanba nee iha cántico ida nebe ema hananu iha ita nia hirus matan ita lori cruz, iha ita nia fuan Jesus koalia.

Ho presença Bispo de Brazil Dom Geraldo Farias nian iha Ornai, Pároco de Paróquia Dare lori sarani comunidade Dare agradece ba presença Bispo nian hodi fo coragem hodi hametin liu tan sarani sira nia fiar iha Creda Timor liu-liu sarani comunidade Dare.

Leave a Reply

Your email address will not be published. Required fields are marked *