shadow
Diocese de Dili > NOTÍCIAS > LETURA DIÁRIA > Segunda-Feira, VI Semana da Páscoa

Segunda-Feira, VI Semana da Páscoa

ANO B

 

Primeira Leitura                                                                                   Act. 16:11-15

Lia housi livro Apóstolo sira nia hahalok 

Iha loron hirak neba, Paulo ho ami ho nia maluk sira seluk, ami sai housi Tróade hodi ba lós Samotrácia. Iha seluk, ami sai housi Tróade hodi ba lós Samotrácia. Iha loron tuir mai, ami liu ba Neápoles hodi ba to’o Filipos, cidade boot no furak iha Macedónia, iha Roma nia ukun. Ami hela loron ruma iha cidade ne’e. Iha Sábado, ami sai housi cidade hodi ba mota ida nia ninin hodi hanoin katak iha fatin ida atu halo oração.

Iha ne’e ami tur hodi hahu ko’alia ba feto lubun ida nebe halibur malu iha fatin ida ne’e. Feto ida naran Lídia, ema faan-dor hena seda púrpura housi cidade Tiatira nian nebe loron kalan hahi hana’i Maromak; nia hahu rona buat nebe ami hateten ba sira. Maromak loke nia fuan  atu nia bele simu liafuan be Paulo haklaken. Uanhira ho nia família tomak simu tiha baptismo, nia husu baa mi nune’e: ”Imi hanoin duni karik, katak Ha’u mós Maromak Nia oan ida, ne’e sá, mai hela iha Ha’u nia uma”. Nia husu barak tebes atu ami hatan ninia hakaran.

Maromak Futar Lia.       

        

Salmo Responsorial                                                                                                                                                     Sal. 149. 1-2, 3-4, 5-6ª, 9b (R. 4ª)

Refrão : Na’i hadomi Nia povo!!! Repete-se

Ou            Aleluia!

Hananu ba Na’i knananuk foun ida;

Assembleia santo sira nian hahi Nia.

Israel haksolok ba Na’i be hakiak nia;

Sião  nia oan haksolok iha nia liurai. Refrão 

 

Haklala hahi nia naran;

Hananu hamutuk ba ita Maromak.

Na’i hadomi nia povo,

Nia sei fó prémio manan nian

Ba ema haraik-an sira. Refrão

 

Haksolok ema laran mós sira,

Maromak Nia Santo sira haksolok;

Basá hahi hana’i la hotu housi sira ibun.

Ne’e mak Na’i nia emar sira nia glória. Refrão

 

Aclamação                                                                                                                                                                                                       Jo. 15. 26b, 27a

Refrão : Aleluia, Aleluia!!! Repete-se

                   Na’i dehan: “Espírito lialós nian, nebe mai housi Aman.

                   Nia mak sei sasin ba Ha’u, imi mós sei fó sasin”. Refrão

 

Evangelho                                                                                                                                                                                                       Jo. 15. 26-16. 4ª

Na’i Jesus Cristo nia Evangelho tuir São João

Iha tempo neba, Jesus lia tun ba escolante sira, dehan: “Uainhira Tulun-Na’in mai, nebe Ha’u sei haruka housi Aman, Espírito lialós nian, nebe mai housi Aman, Nia mak sei sasin ba Ha’u. imi mós sei fó sasin, tanba imi hela ho Ha’u houri uluk kedas. Ha’u hateten sai liafuan hirak ne’e ba imi housi Sinagoga sira; iha loron ikus uainhira  to’o oras, sira nebe oho imi, ida-idak sei hanoin katak buat áat be sira halo, sira halo hodi hahi Maromak. Sira sei halo nune’e, tanba sira la hatene Ha’u Aman no mós la hatene Ha’u. Maibe Ha’u hateten liafuan hirak ne’e ba imi, atu uainhira to’o nia oras, imi hanoin hikas fali buat nebe Ha’u hateten ona ba imi.

Lia Maksoyn.

Leave a Reply

Your email address will not be published. Required fields are marked *