shadow
Diocese de Dili > NOTÍCIAS > LETURA DIÁRIA > Sexta-Feira, V Semana da Páscoa

Sexta-Feira, V Semana da Páscoa

ANO B

 

Primeira Leitura                                                                                    Act. 15. 22-31

Lia housi livro Apóstolo sira nia hahalok

Iha loron hirak neba, Apóstolo sira ho katuas sira, hamutuk ho kreda hotu, hakotu lia atu fihir maun-alin balu hodi haruka sira ba Antioquia hamutuk ho Paulo no Barnabé; Judas, ida be hanaran  Barsabás no Silas, mesak ema lia na’in de’it iha maun alin sira leet. Sira haruka lori surat ida ne’e: ”Apóstolo sira no katuas sira, imi nia maun alin sira, ba maun-alin sira nebe mai housi gentio  sira leet iha Antioquia, iha Síria no iha Cilícia, ami nia ksolok ua’in! Ami rona katak ema balu housi ne’e ba halo hakfodak imi; halo imi nia laran susar hodi sira nia liafuan, maski ami la fó hatene ba sira. Tan ne’e, ami hakotu lia atu fihir  saseluk sira hodi haruka ba imi. Sira sei ba hamutuk ho maluk doben Barnabé ho Paulo. Sira ne’e saran ona sira nia moris ba mate, tan Na’i Jesus Cristo Nia naran. Nune’e, ami haruka Judas ba Silas, atu sira rasik fó hatene ba imi, ami nia hanoin. Espírito Santo ho ami hakotu lia  atu la bele fó tan ukunfuan ruma ba imi liu fali sira ne’e: keta han naan lulik, keta hemu ran  no han naan  mate no keta halo sala fó’er. Imi halo tuir ukunfuan hirak ne’e mak di’ak duni. Adeus”.

Halo tiha despedida, saseluk sira sai hodi tun ba Antioquia; hafoin halibur tiha assembleia hodi fó surat ba sira. Uainhira lê, sira haksolok teb-tebes ho liafuan  sira domin nian be hakerek hela iha surat neba.

Maromak Futar lia.

 

Salmo Responsorial                                                                                                                                                    Sal. 56(57). 8-9, 10-12 (R. cf. 10ª)

Refrão : Na’i, iha povo sira leet, ha’u hahi Ita!!! Repete-se

Ou            Aleluia!

Maromak , ha’u laran metin,

Atu hahi nafatn ita ho knananuk.

Hader ha’u klamar! Hader harpa no cítara!

Ha’u hader iha rai-hun mutin! Refrão

 

Iha povo sira leet, Na’i, ha’u hahi ita;

Iha nacão sira leet, sei rona ha’u knananuk.

Ita hakaran sa’e to lalehan,

To’o kalohan sira, ita fidelidade. Refrão

 

Aclamação                                                                                                                                                                                                                 Jo. 15. 15b

Refrão : Aleluia, Aleluia !!! Repete-se

                  Na’i lia tun: “ Ha’u bolu imi belun, tan Ha’u dehan ona ba imi lia hotu nebe

                  Ha’u rona housi Ha’u Aman”. Refrão

 

Evangelho                                                                                                                                                                                                               Jo. 15. 12-17

+ Na’i Jesus Cristo nia Evangelho tuir São João :

Iha tempo neba, Jesus lia tun ba escolante sira,  dehan: “ida ne’e mak Ha’u Nia ukunfuan: imi sei hadomi malu hanesan Ha’u hadomi imi. Ema ida la bele hadomi liu ema nebe mate tan nia belun sira. Imi halo tuir Ha’u haruka, mak imi Ha’u Nia belun tebes. Ha’u la bolu ona imi atan, tan atan sira la hatene sira na’in halo sá. Imi, Ha’u bolu belun, tan Ha’u dehan ona ba imi lia hotu nebe  Ha’u rona hosi Ha’u Aman. La’os imi mak fihir Ha’u, maibe, Ha’u mak fihir imi, haruka imi atu ba halo di’ak barak, atu imi nia hahalok di’ak hôrik nafatin. Nune’e, buat hotu nebe imi harohan ba Aman Maromak hodi Ha’u nia naran, Aman Maromak sei haraik ba imi. Ida ne’e mak Ha’u haruka: Imi sei hadomi malu”.

Lia Maksoyn.

Leave a Reply

Your email address will not be published. Required fields are marked *