shadow
Diocese de Dili > NOTÍCIAS > REFLEXÃO > ATU SIRA SAI IDA DEIT IHA AMAN OAN NO ESPÍRITO SANTO

ATU SIRA SAI IDA DEIT IHA AMAN OAN NO ESPÍRITO SANTO

Reflexão & Leitura ba DOMINGO PÁSCOA VII /Ano B/2018

ASCENSÃO DO SENHOR

Act 1,15-17.20a.20c-26;  1Jo 4,11-16; Jo 17,11-19

 

Primeira Leitura                                                                                                                                                                                                       Act 1, 1-11

Lia housi livro haktuir Apóstolo sira nia hahalok :

Teofilo, iha hau nia livro ida uluk, hau hakerek ona kona ba Jesus nia hahalok no Nia hanourin. Hau hakerek houri hun kedas too loron nebe hodi Espírito Santo nia roman,, hanourin tiha Apóstolo sira nebe Nia fihir nanis molok Jesus sae ba lalehan. Terus tiha hotu, Jesus moris hela, mosu ba Apóstolo sira oi-oin no dala barak, Jesus mosu ba sira iha loron hatnulu nia laran, hodi hanorin sira kona ba Reino Maromak nian. Iha loron ida, sira sei han hela, atu  la bele hadook-an husi Jerusalém, maibé, atu horik iha neba hodi hein, tui lia fuan Aman Maromak hakotu tiha ona. Jesus dehan:”Hau fo hatene tiha ona ida nee ba imi. João sarani hodi we, maibé, la kleur, imi sei sarani hodi Espírito Santo”. Sira be halibur hela iha neba, hahu husu ba Jesus:”Nai, oras nee mak Ita Boot sei foti hodi hahi reino Israel?”. Jesus hatan ba sira:”laos imi mak sei hatene loron eh oras nebe Aman Maromak tau hela iha Nia liman”. Maibé, Espítio Santo tun ba imi, imi simu tiha Nia kbiit mak imi sei sai sasin iha Jerusalém, iha Judeia, iha Samaria tomak no iha rai hotu hotu”. Nee hotu tiha, sira hateke hela ba Jesus nebe sae daudaun ba lalehan. Kalohan ida mai taka tiha Jesus housi sira matan. Tan sira hateke hela ba lalehan, wainhira Jesus sae daudaun ba leten, mane nain rua hatais mutin hotu, mosu mai sira, hodi hateten nunee:”Mane Galileia sira, tan sa imi hateke hela ba lalehan? Nudar imi hare daudaun Nia sae ba lalehan, Jesus ida nee duni mak sei fila fali mai!”

Maromak Futar Lia.

 

Salmo Responsorial                                                                                                                                                                         Sal 46(47)2-3, 6-8. 8-9

Refrão : Maromak hiit-an ba leten, ema haklalak daudaun;

                  Nai hiit-An, korneta lian daudaun. Repete-se

 

Povo hotu-hotu baku liman ba,

Ho ksolok hanai Maromak ba!

Tan Maromak kmanek tebes,

Nia ukun mundo rai-klaran. Refrão

 

Maromak sae ba lalehan,

Mai ita hananu haksolok,

Hananu ba Maromak, hananu,

Hananu ba ita nia Liurai! Refrão

 

Nai liurai ukun mundo hotu,

Hananu knananuk foun!

Maromak tahan ema rai hotu,

Tur iha Nia fatin kmook! Refrão

 

Segunda Leitura                                                                                                                                                                                                      Ef 1, 17-23

Lia housi são Paulo nia surat ba sarani sira iha Êfeso :

Maun-alin sira: Hau harohan ba Nai Jesus Cristo nia Maromak katak, ba Aman Maromak kbiit nain, atu haraik ba imi naroman no matenek, atu imi bele hatene lolos Nai Maromak  . Hau harohan atu imi nia laran bele nakloke, atu imi hatene lolos tan sa Nai Maromak bolu imi, atu imi hatene sukat soyn wain nebe Maromak haraik ba santo sira, atu imi hatene lolos sukat kbiit wain nebe Maromak saran mai ita fiar nain sira. Maromak hatudu Nia kbiit wain tebes iha Cristo. Iha loron nebe Nia halo Cristo moris hias iha mate sira leet. Iha loron neba, Nia halo Cristo hatoda-An ihaNia sorin kwanan, iha lalehan. Iha loron nebe Nia hahi Cristo liu dook anjo ulun sira, liu dook naran hotu hotu nebe ema bele temi iha mundo ohin nian no iha mundo aban bain rua nian. Nai Maromak mak halo sasan hotu hotu monu ba Cristo nia ain; Nai Maromak hahi Cristo liu buat hotu hotu. Nai Maromak hahi Nia, nudar ulun kreda nian. Kreda mak Cristo nia liman ain, kreda mak Cristo tomak, katak, Cristo, ida be haberan hotu iha ema hotu hotu.

Maromak Futar Lia.

 

Aclamação                                                                                                                                                                                                      Mt. 28, 19ª. 20b

Refrão : Aleluia, Aleluia!!! Repete-se

                  Na’i lia tun dehan: “Ba hanourin povo hotu-hotu,

                  Ha’u sei hela ho imi kalan loron, to’o mundo ne’e lakon”. Refrão

 

Evangelho                                                                                                                                                                                                              Mc 16, 15-20

+ Nai Jesus Cristo nia Evangelho nudar São Marcos haktuir :

Iha tempo nebá, Jesus mosu ba Apóstolo sanulu resin ida, hodi dehan ba sira:”imi ba rai rai, hodi haklaken Lia Foun ba ema hotu-hotu. Ema nebe fiar, hodi simu Baptismo, ema nee hetan duni rahun diak; maibé, ema nebe la fiar, ema nee sei hetan rahun aat duni. Ema sira nebe fiar, sei bele halo buat foun hirak nee; housi Hau nia naran, sira sei duni sai diabo, sira sei koalia lia mesak foun, sira sei kaer samean sira, sira hemu karik buat moruk no lanuk ruma, sira sei la hetan susar ida. Sira sei tau liman ba ema moras sira, ema moras sira sei hetan fali isin diak!”. Nee hotu tiha, Nai Jesus sae ba lalehan, hodi hatodan-An iha Aman Maromak nia sorin kwanan. Hafoin, Apóstolo sira lao lemorai, hodi haklaken lia foun. Nai Maromak lao hamutuk ho sira, hodi hametin Lia-Foun iha ema sira laran hodi milagre oi-oin.

Lia Maksoyn.

 

 

Reflexão :

 ATU SIRA SAI IDA DEIT IHA AMAN OAN NO ESPÍRITO SANTO

Lia murak nebe Jesus hatete bebeik ba Ninia escolante sira mak nee:”Ba fatin nebe hau ba….imi mos sei ba….Hau ba uluk hodi prepara fatin ba imi”. Nee mak lia fuan hametin fiar nebe Jesus husik hela ba escolante sira inclui ita nobun nebe tau fiar metin iha Jesus Cristo. Semana ida molok Celebra Pentecosta (A vinda do Espírito Santo), semana nee Maromak nia futar lia fuan sira liliu citação Evangelho Jo 17,11-19 kona balia menon sira iha momento han kalan ikus nian (Última Ceia). Mensagem iha relato nee la seluk la leet kona ba oração despedida. Jesus sei tama ba fase final husi Ninia missão iha rai nee hafoin ema kaer Nia julga, castigo too hedi iha Cruz. Jesus nia missão eh knaar remata dadaun ona tan nia sei fila hikas ba Aman  nebe haruka Nia mai. Knaar nebe kmanek tebes maibé todan mos inclui hasoru tentação oioin. Tanba nee mak relato Evangelho haktuir kona ba oração husu unidade ao mesmo tempo hasae agradece ba Maromak.

Amu Martino Gusmão halo reflexão iha livro FINI tenik katak;”Ascensão nee loron Jesus Cristo tama iha Patria Celeste nudar Senhor do Universo. Ita rona iha Evangelho katak; anjo sira hateten ba Apóstolo sira:”Tan sa mak imi hateke ba lalehan?”.

Jesus Cristo hiit-An ba lalehan husik hela menon no pergunta lobuk ida. São Paulo hametin ita nia esperansa hodi hanorin atu sarani sira moris hias hamutuk ho Cristo, buka sasan sira iha leten aas ba….hanoin kona sasan leten aas nian ba laos husi rai nee (Col 3,1-2). Nee duni, lalehanleten aas ba lao ona “espaço” ida iha kalohan leten maibé, “evento” ida nebe ita buka atu too ba! Nee duni,””…a nossa pátria está nos ceús…” (Flp 3,20); iha rai nee,”…não temos aqui cidade que está para vir” (Heb13,14). Ita hakat no lao ba hasoru (flp 1,23). Ia la rende ba mundo, maibé iha rai nee ita halo buat diak hotu (Gal 6,10). Lalehan hahu ohin, iha rai nee, iha moris nee.

Iha momento han kalan ikus nian, Jesus halo oração unificação atu ema hotu nebe fiar iha Nia bele hamutuk iha Kreda ida deit.

Iha ponto importante balu nebe precisa ita reflecte hamutuk iha semana nee mak

a). Jesus harohan atu escolante hotu (ita nobun) bele sai ida deit iha kreda hanesan Aman Maromak ho Jesus Cristo ida deit iha Espírito Santo. Iha nee, Jesus pretende atu ema hotu moris iha unidade atu cria paz eh hakmatek iha ita nia sociedade.

b).    Jesus tenik katak; Hau hatoo ona Ita nia Lai Fuan ba sira no mundo vinga (ódio) sira basá, sira laos husi mundo. Hau husu laos atu Ita foti sira husi mundo nee maibé, atu Ita hamatan sira husi buat aat sira.

c). Ikus liu Jesus harohan atu Maromak hasanto sira iha lialos (verdade) basá, Maromak nia Futar Lia fuan mak lia los. Oração Ami Aman fo tada ita katak hasanto Ita naran ba atu mundo hetan santidade tan Maromak nia graça.

Buat nebe halo ita laran metin ba Maromak mak nee: Jesus sae ba lalehan no loron ida sei mai fali duni. Jesua ba atu prepara fatin ba ita nobun nebe laos dadaun iha esperança lalehan nian. Ema nebe fiar hodi simu Baptsimo nia sei hetan rahun diak. Assim Seja e Bem Haja (ignaslopes).

Leave a Reply

Your email address will not be published. Required fields are marked *