shadow
Diocese de Dili > NOTÍCIAS > LETURA DIÁRIA > Segunda-Feira, VII Semana da Páscoa

Segunda-Feira, VII Semana da Páscoa

Ano B

 

Primeira Leitura                                                                                      Act. 19. 1-8

Lia housi livro Apóstolo sira nia hahalok

Wainhira Apolo hela iha Corinto, Paulo liu housi foho ba to’o Éfeso. Iha ne’e, nia hasouru escolante sira balu hodi husu ba sira: “Imi simu ona Espírito Santo, wainhira imi simu liu tiha fiar?” Sira hatan ba nia: “Ami seida’uk rona hateten katak iha Espírito Santo ida!” Paulo husu fali ba sira: “Ne’e sá, imi simu baptismo ida nebé?” Sira dehan: “Ami simu João nia baptismo”. Paulo dehan teni ba sira: “João fó baptismo penitência nian, hodi hateten ba povo atu fiar iha Ida nebé sei mai dadaun katak, iha Jesus”. Rona liu tiha lia hirak ne’e, ema sira ne’e sarani tiha kedas hodi Na’i Jesus nia naran. Wainhira Paulo tau liman ba sira leten, Espírito Santo tun ba sira; Sira hahu kedas ko’alia lia oi-oin hodi fó sai buat nebé sei mosu iha loron ikus. Sira hamutuk ema na’in sanulu resin rua.

Nune’e Paulo ba sinagoga hodi hanourin sira iha fulan tolu nia laran, hodi hametin iha sira fiar kona ba Maromak Nia Reino.

Maromak Futar Lia.

 

Salmo Responsorial                                                                                                                                            Sal. 67(68). 2-3, 4-5ac, 6-7ab (R. 33ª)

Refrao : Povo rai-klaran, hananu ba Na’i!!! Repete-se

Ou         : Aleluia!

 

Maromak hamriik, funu baluk sira namkari,

Halai sai housi Nia oin, sira hotu be rai kunan ba Nia.

Hanesan ahi suar namkari sai lakon iha kalohan,

Nune’e mós ema áat sira, sei lakon iha Maromak futar oin. Refrao

 

Ema di’ak sira haksolok iha Na’i futar oin,

Haksolok no hananu ho ksolok.

Hananu ba Na’i, hananu ba Nia naran;

Nia naran mak Na’i. Refrao

 

Nu’udar oan kiak sira nia Aman,

No feto faluk sira nia tulun Na’in,

Maromak hôrik iha Nia kadunan santo.

Nia hadi’a uma ida ba ema kiak,

Lori ba liberdade sira be moris nu’udar atan. Refrao

 

Aclamação                                                                                                                                                                                                                      Col. 3. 1

Refrao : Aleluia, Aleluia!!! Refrao

                  Imi moris hi’as ona ho Cristo, imi sei tau matan de’it ba

                  Sasan iha Lalehan iha nebé Cristo tur iha Aman Maromak Nia sorin kuana. Refrao

 

Evangelho                                                                                                                                                                                                             Jo. 16. 29-33

+ Na’i Jesus Cristo nia Evangelho nudar São João haktuir:

Iha tempo neba, escolante sira hasa’e lia ba Jesus, dehan: “oras ne’e, lós duni, ita hateten momós, la ko’alia tan housi aiknanoik. Oras ne’e ami haré katak ita hatene buat hotu, ami ida sei lahusu tan  buat ida ba ita tan ami fiar katak ita mai housi Maromak”. Jesus hatan ba sira: “oras ne’e imi fiar ona? Maibe oras sei to’o ona, imi sei sai namkari ida-idak tuir nia dalan. Imi sei husik Ha’u hela mesak; maibe Ha’u la hela mesak, basá Aman hela ho Ha’u. ha’u hateten lia hirak ne’e ba imi atu imi hetan hakmatek iha Ha’u. iha mundo, imi sei hetan terus ua’in. Maibe aten brani ba! Ha’u manan ona mundo!”

Lia maksoyn.

Leave a Reply

Your email address will not be published. Required fields are marked *