shadow
Diocese de Dili > NOTÍCIAS > LETURA DIÁRIA > Terça -Feira, VII Semana da Páscoa

Terça -Feira, VII Semana da Páscoa

Ano B

 

Primeira Leitura                                                                                    Act. 20. 17-27

Lia housi livro Apóstolo sira nia hahalok

Iha loron hirak neba, housi Mileto, Paulo haruka bolu katuas sira housi kreda iha Éfeso. Uainhira sira to’o mai, nia dehan ba sira:

“imi hatene, hanesan iha loron ba dala uluk nebe ha’u tau ain iha Ásia, ha’u serbisu hamutuk ho imi nafatin. Ho haraik-an ha’u serbí Maromak, hodi mata-uen no terus mak ha’u simu buat áat housi judeu sira be laran makerek. Tebes duni, ha’u seida’uk lakon tempo nebe di’ak atu halo buat di’ak ruma ba imi. Buat hotu ha’u fó sai no hanourin ba imi iha ema hotu nia oin housi uma ba uma. Ha’u hakaas-an nafatin to’o oras ne’e hodi hanourin judeu no grego sira atu fila ba Maromak hodi fiar iha Na’i Jesus.

Maibe oras ne’e, tan Espirito haruka ha’u, ha’u ba Jerusalém, ho neon sala hodi la hatene sá mak sei mosu mai ha’u iha neba. Ha’u hatene de’it katak housi cidade ba cidade, Espírito Santo fó hatene ona katak, buat nebe sei mosu mai ha’u mak kadeia no terus. Maibe, ha’u sei la bka ksolok ba ha’u nia moris; ha’u buka de’it atu remata ha’u nia serbisu nebe simu housi Na’i Jesus: fó sasin ba Lia-Foun ho Maromak Nia graça.

Oras ne’e imi haré ba! Ha’u hatene katak imi hotu nebe ha’u liu ona fila-faliiha imi nia leet hodi hanourin Maromak Nia Reino, imi sei la haré tan ona ha’u. Tan ne’e, ha’u hateten tebes ba imi katak houri ohin ba oin, ha’u la iha ona buat ida ho imi kona ba imi ruma be lakon. Basá ha’u hanourin ho laran tomak buat hotu nebe imi sei halo atu bele moris tuir Maromak Nia hakaran”.

Na’i nia futar Lia.

 

Salmo Responsorial                                                                                                                                                       Sal. 67(68). 10-11, 20-21 (R. 33ª)

Refrão : Povo rai-klaran, hananu ba Na’i!!! Repete-se

Ou         : Aleluia!

 

Oh Maromak, Ita haraik ona udan graça nian,

Haraik di’ak ba ita rain be susar.

Maromak, ita família hetan ona hôrik fatin,

Nebe ita laran luak, hadi’a hela ba kiak sira. Refrão

 

Rahun di’ak ba Na’i, loron ba loron,

Maromak ita maksoin hamutuk ho ita.

Ita nia Maromak, Maromak be soi;

Na’I soi ita housi mate. Refrão

 

Aclamação                                                                                                                                                                                                                    Jo. 14-16

Refrão : Aleluia, Aleluia!!! Repete-se

                  Ha’u sei harohan ba Aman no Nia sei fó ba imi

                  Espírito Santo atu hela nafatin ho imi. Refrão

 

Evangelho                                                                                                                                                                                                              Jo. 17. 1-11a

+Na’i Jesus Cristo nia Evangelho tuir São João :

Iha tempo neba, Jesus foti matan ba Lalehan, dehan: “Ha’u Aman, oras to’o ona; hahí ita oan, atu ita oan hahí Ita tuir biit nebe Ita haraik ba Nia boot liu criatura tomak; hodi Nia, ema hotu nebe Ita tau iha nia liman sei hetan moris rohan laek, atu ema hatene Ita, Maromak lós, Mesak de’it ho Ida nebe haruka mai, Jesus Cristo. Ha’u hahi Ita iha rai, hodi halo to’o rohan buat nebe ita haruka halo”.

“Oras ne’e, Ha’u Aman, hahí fali Ha’u, hamutuk ho ita ho biit ida nebe Ha’u iha uluk ho ita, molok mundo ne’e mosu mai. Ha’u haklaken ita naran ba ema nebe ita haraik mai iha mundo. Sira ita Nian, meibe ita fó mai Ha’u; sira halo tuir Ita Nia liafuan. Oras ne’e sira hatene katak buat hotu nebe Ha’u simu, mai housi Ita; tan Ha’u haklaken liafuan nebe Ita fó mai Ha’u. Sira simu ona lia hirak ne’e; sira hatene katak Ha’u mai housi Ita; sira fiar mós katak Ita haruka Ha’u mai, tan sira Ita nian. Buat hotu nebe Ha’u nian, mai housi Ita; buat hotu nebe Ita Nian, Ha’u nia mós; iha buat sira ne’e, Ha’u simu hahi tomak. Maibe sira sei hela iha mundo uanhira Ha’u ba hasouru Ita”.

Lia maksoyn.

Leave a Reply

Your email address will not be published. Required fields are marked *