shadow
Diocese de Dili > NOTÍCIAS > LETURA DIÁRIA > Sábado, VII Semana da Páscoa

Sábado, VII Semana da Páscoa

Ano B

 

Primeira Leitura                                                                             Act. 28. 16-20, 30-31

Lia housi livro Apóstolo sira nia hahalok 

Uainhira ami to’o iha Roma ho Paulo be dadur hela, sira fó fatin ida ketak ba nia, ho soldadu ida hein nia. Liu tiha loron tolu, Paulo bolu ulun sira Judeu nian, no uainhira sira halibur hotu, nia dehan ba sira: “Maun-alin sira, ha’u la halo buat ida hasouru povo eh hasouru lisan housi ita bei-ala sira nian; maibe sira káer iha Jerusalém hodi lori ha’u ba saran iha romano sira liman, sira ne’e husu tuir hodi haré ha’u katak ha’u la iha sala atu simu mate, sira hakarak atu husik tiha ha’u maibe ema judeu sira la kohi.tan ne’e, sira obriga ha’u apela ba imperador Cesar, maibe ha’u la halo buat ida hasouru ha’u rain. Tan ne’e, mak ha’u husu atu hasouru malu ho imi hodi ko’alia ho imi, basá tan de’it povo Israel nia esperança mak oras ne’e ema tau korenti iha ha’u liman no ain”.

Paulo hela iha uma nebe nia aluga ho nia osan rasik iha tinan rua nia laran. Lor-loron iha nia fatin, nia simu sira nebe buka nia. Ba sira, nia haklaken Maromak Nia reino hodi hanourin buat nebe hateten kona ba Na’i Jesus Cristo, ho matenek no biit tomak.

Maromak Futar Lia.    

 

Salmo Responsorial                                                                                                                                                               Sal. 10(11). 4, 5, 7 (R. cf. 7b)

Refrão : Ema laran mós sei haré Maromak!!! Repete-se

Ou            Aleluia!

 

Na’i hôrik iha Nia templo Santo,

Iha lalehan, Na’i hari nia trono;

Nia hamatan nafatin ba mundo rai-klaran,

Nia matan haré borus ema hotu nia fuan. Refrão

 

Na’i tulun ema sala laek’

Fó castigo ba ema maksalak, be ema áat nia belun;

Basá Na’i justo no hadomi justiça,

Ema santo sira hadomi nia futar oin. Refrão    

 

Aclamação                                                                                                                                                                                                               Jo. 16. 7, 13

Refrão : Aleluia! Aleluia! Repete-se

                  Na’i dehan: “Ha’u sei haruka Espirito lialós nian mai,

                  Nia sei hanourin lialós hotu ba imi”. Refrão    

 

Evangelho                                                                                                                                                                                                            Jo. 21.  20-25

+Na’i Jesus Cristo nia Evangelho nu’udar São João haktuir :

Iha tempo neba, Pedro la’o tuir dadaun Jesus, uainhira nia fila ba kotuk, haré tuir sira, escolante nebe Jesus hadomi. Ida ne’e duni, uainhira iha Ceia, hakru’uk ba Jesus nia hirus matan hodi husu ba Nia: “Na’i, sé lós atu ba saran Ita?” Haré tiha nia, Pedro dehan ba Jesus: ”Nia ne’e, Na’i?” Jesus hatan ba nia: “Ha’u hakarak karik, nia bele hela to’o loron nebe ha’u fila hi’as mai, ó iha buat ruma ho ne’e? Ó tuir Ha’u mai”. Nune’e, hahu namkari novidade katak escolante ne’e sei la mate. Maibe, Jesus la dehan ba Pedro: “Nia la mate”, maibe: “ Ha’u hakarak karik, nia bele hela to’o loron nebe ha’u fila hi’as mai, ó iha buat ruma ho ne’e?”

Escolante ida ne’e mak fó sasin kona ba buat hirak ne’e hotu; no ami hatene katak nia sasin mak lós liu. Jesus halo tan buat ua’in seluk; buat hirak ne’e ida-idak hakerek hotu karik, ha’u hanoin, iha mundo la hetan fatin atu halot livro sira nebe hodi hakerek sasan hirak ne’e ba.

Lia maksoyn.   

Leave a Reply

Your email address will not be published. Required fields are marked *