shadow
Diocese de Dili > NOTÍCIAS > LETURA DIÁRIA > Quarta -Feira, VII Semana Do Tempo Comum

Quarta -Feira, VII Semana Do Tempo Comum

Ano B

 

Primeira Leitura                                                                                    Tag. 4. 13-17

Lia housi São Tiago nia Surat 

Doben sira: oras ne’e, rona mai, imi sira be dehan: “ohin ka aban, ita sei ba cidade ida, hodi hela iha neba tinan ida. Ita sei fila liman hodi manan osan”. Maibe imi la hatene sá mak loron aban nian sei lori mai! Nune’e, sá mak imi nia nia moris? Imi hanesan abu-abu nebe mosu iha oras oituan, hafoin lakon kedas. Lolós uluk knana’in imi tenki dehan: “Na’i hakarak karik, ami sei moris no ami sei halo ida ne’e ka ida neba”. Maibe lae, imi foti-an ho imi nia loko-an! Loko-an sira be hanesan ne’e buat áat. Nune’e, ema sé hatene atu halo di’ak maibe la hala’o diak ne’e, nia halo sala.

Maromak Futar Lia

 

Salmo Responsorial                                                                                                                                     Sal. 48(49). 2-3, 6-7, 8-10, 11 (R. Mt. 5. 3)

Refrão : Rahun di’ak ba sira be ki’ak iha laran,

                  Basá, reino Lalehan sira nian!!! Repete-se

 

Rona ba, nação hot-hotu,

Sée tilun didi’ak ba, ema hotu mundo nian;

Ema boot no kiik, ema riku no kiak. Refrão

 

Tan sá ha’u sei ta’uk loron susar nian,

Uainhira ema áat sira hale’u no hadulas ha’u

Sira be laran metin iha sira biit,

No foti-an tan sira nia riku-soi? Refrão

 

Ema ida la bele selu ba nia an,

Ka selu Maromak tanba nia maksoin;

Basá, la iha riko soi nebe hodi bele selu,

Atu hanaruk nia moris to’o la nahas

No atu nia la koko lalaok mate nian. Refrão

 

Haré ba: ema matenek sira mate,

Hanesan mós ema beik no neon laek sira,

Hodi husik hela nia riku-soi ba ema seluk. Refrão

 

Aclamação                                                                                                                                                                                                                     Jo. 14. 6

Refrão : Aleluia, Aleluia! Repete-se

                  Ha’u mak dalan, lialós no moris hun, Na’i lia tun dehan;

                  ema ida la liu karik housi ha’u, nia la bele ba Aman Maromak. Refrão

 

Evangelho                                                                                                                                                                                                              Mc. 9. 38-40

+ Na’i Jesus Cristo nia Evangelho nu’udar São Marcos haktuir:

Iha tempo neba, sira na’in sanulu resin rua  ne’e ida, naran João, dehan ba Jesus: “Mestre, ami haré ema ida duni sai diábo hodi ita naran. Nia la la’o ho ita. Tan ne’e, ami bandu tiha nia”. Jesus lia tun ba sira dehan: “imi keta halo nune’e; basá, ema ida la bele hodi Ha’u Nia naran halo milagre, hafoin, hateten áat kona mai Ha’u. Ema nebe la hasoru ita, nia ita nian”.

Lia Maksoyn.

Leave a Reply

Your email address will not be published. Required fields are marked *