shadow
Diocese de Dili > NOTÍCIAS > Notícias > AMP HASAE INTENSÃO AGRADECIMENTO

AMP HASAE INTENSÃO AGRADECIMENTO

DCDD (17/08/2018) Membro Aliança Mudansa ba Progresso AMP Quinta foin lalais nee liburan hamutuk iha SE Catedral Dili ho objetivo husu agradece no fo obrigado ba Maromak liu husi Eucaristia Santa. Iha missa agradecimento nee preside husi bispo Dili Dom Virgilio do Carmo da Silva SDB. Iha missa Dom Virgilio hateten Ohin ita mai halibur hamutuk iha nee ho intensão ida deit atu fo obrigado ba Maromak ba Eleição Antecipada nebe lao ho diak no hakmatek. Ida nee tanba povo hahu hatudu nia maturidade nebe diak, tanba deit hakarak governo ida nebe forte, governo ida nebe estável, governo ida nebe garantia transparência, Paz, harmonia e dezemvolvimento ba povo no rai ida nee. Tanba nee ita nafatin encoraja ita nia

governo atu hakat ba oin hametin paz no estabilidade, dehan bispo de Dili.

Bispo Dili mos husu ba liderança sira nebe atu ukun povo no rai ida nee buka ukun ho domin, ukun ho didiak, ukun ho unidade no responsabilidade hodi dezemvolve povo no rai nee nia diak.

Liderança Máximo AMP ninian Kayrala Xanana Gusmão iha intervista haktuir katak Haliburan hamutuk iha Catedral ho intensão ida deit atu fo obrigado ba Maromak ba diak tomak be Maromak haraik mai ita. Dala barak buat diak no barak nebe ita hetan ita la agradece Maromak maibe ita haluha tiha, ita la fo obrigado ba Maromak. Tanba nee mak AMP mai ho ninia militantes tomak mai hodi agradece ba Maromak. Iha missa agradecimento nee participa husi liderança máximo Coligação Aliança Mudança ba Progresso AMP ninian, militantes, Simpatizantes tomak. (Alin/Marta)

Leave a Reply

Your email address will not be published. Required fields are marked *