shadow
Diocese de Dili > NOTÍCIAS > Notícias > CONGREGAÇÃO CB REALIZA MARÇHA SAUDÁVEL

CONGREGAÇÃO CB REALIZA MARÇHA SAUDÁVEL

DCDD (19/05/2018) Sábado foin lalais nee família boot Congregação Madres Caridades São Carlos Boromeus celebra Jubileu Madres Caridades São Carolus Borromeus (CB) nian nebe halo tinan 100 presença iha Indonesia no tinan 40 iha Timor-Leste. Atu comemora evento inportante presença Congregação São Carlos Boromeu nian iha Indonesia no Timor-Leste. Comissão Organizadora Jubileu tinan 100 CB iha Indonesia no Tinan 40 iha Timor-Leste realiza evento ida ho naran Marçha Saudável. Iha evento Marçha Saudável nee participa ativa husi Madres, Novicias, Aspirante, comvidados, estudantes Pre-Primária São Carlos Boromeu inclui mos família estudantes sira nian hodi colabora hamutuk lao ain hahu husi Escola Pre-Primária São Carlos Boromeu Bebora ba Igreja Paróquia Santo António Motael Dili no continua lao hodi termina iha Colégio Paulo VI Bidau Dili.

Madre Filomena husi Congregação Carolus Boromeus (CB) iha intervista esplica katak objetivo husi Marçha ida nee atu celebra presença Congregação Madres Carolus Boromeus nian iha Timor-Leste nebe completa ona tinan 40. Ho atividade sira hanesan nee hodi relembra hikas fali história iha nebe Madre sira fofoun invade mai Timor Leste hodi halao sira nia missão iha Ita nia rain ida nee. Madre Filomena haktuir tan katak; presença Madre CB nian ba dala uluk hela iha Madre Carmelita Motael nian hodi halao nia knar iha Colégio Paulo VI. Relaciona ho evento nebe realiza Marçha Saudável nee Me. Filomena hatutan katak, evento ida nee halao tanba servisu hamutuk entre inan-aman husi estudantes sira hodi hanoin hikas história presença Congregação CB nian iha Timor-Leste. (Ceko)

Leave a Reply

Your email address will not be published. Required fields are marked *