shadow
Diocese de Dili > NOTÍCIAS > Notícias > D. Virgilio fo Parabens ba Povo Timor-Leste

D. Virgilio fo Parabens ba Povo Timor-Leste

DCDD (17/08/2018) Dom Virgilio do Carmo da Silva bispo de Dili declara lia hirak nee hafoin preside missa agradecimento ba liderança, militantes no simpatisante Aliança Mudança ba Progresso AMP  iha SE Catedral Dili Quinta semana nee. Iha intervista Dom Virgilio hateten; uluk nanain hau fo hau nia parabens ba povo Timor-Leste tanba povo exerce ona ninia direito ho didiak, liberdade no responsabilidade tomak nebe sira halao ona iha Eleição ida nee. E nunee mos parabens mos ba povo ho resultado sira nebe anuncia husi parte relevante se mak manan maibe povo nafatin hakmatek. Tanba nee ita tem que aprecia, ita tem que louva, congratula ba povo timoroan tomak.

Mahein Diocese Dili nee reforça mos tan katak bainhira ita koalia kona ba Festa Democracia no ita hatene katak povo halo ona nia papel, agora ita entrega ona ba naiulun sira liu-liu partido nebe atu sei lidera Governo ba dala ualu nee nian, ita hein katak sira bele realiza sira nia comprimísso político nebe durante nee halo iha tempo campanha ninian. Tanba nee povo hotu hatene, povo hotu iha esperansa no povo hein hela.

Tanba durante tinan ida nia laran ita hare katak roda governo ne’e parado hela, tanba nee ita nia esperança mak ida nee governo ida nebe forte, governo ida nebe estável, governo ida nebe garantia transparência, Paz, harmonia e dezemvolvimento ba povo no rai ida nee. Tanba nee ita nafatin encoraja ita nia governo atu hakat ba oin hametin paz no estabilidade.

Relação ho Igreja no governo bispo hateten; ba se deit mak quando povo fo fiar Igreja nafatin hamutuk hodi fo liman atu servisu hamutuk ba povo no rai ida nee nia diak. (Alin/Marta)

Leave a Reply

Your email address will not be published. Required fields are marked *