shadow
Diocese de Dili > NOTÍCIAS > LETURA DIÁRIA > Quinta-Feira, VII Semana do Tempo Comum

Quinta-Feira, VII Semana do Tempo Comum

ANO B

 

Primeira Leitura                                                                                       Tg. 5. 1-6 

Lia housi São Tiago nia Surat 

Ema riku sira, oras ne’e, sée tilun mai. Imi tanis hodi hakilar maka’as, basá, susar barak atu todan daudaun ona iha imi leten. Imi nia soi dodok hotu ona; imi nia murak mean no mutin, meak hotu ona no meak ne’e rasik sei sasin hasouru imi no sei han mohu imi nia isin hanesan áhi. Imi halibur hela tiha soi ba loron ikus. Imi hela tiha ho ema sira be serbisu iha rai nia kosar-uen. Sira nia kólen  sisi daudaun justiça;sira nia lian sa’e to’o Na’i lalehan no rai nian. Imi moris tiha iha rai ho skolok hodi tuir iminia hakaran áat. Imi habokur tiha imi fuan ba loron mate nian. Imi du’un matak no oho tiha ema laran lós, maibé, nia la hasouru imi.

Maromak Futar Lia.

 

Salmo Responsorial                                                                                                        Sal. 48 (49). 14-15ab, 15bc-16, 17-18, 19-20 (R. Mt. 5. 3) 

Refrão : Rahun di’ak ba sira nebe kiak iha laran,

                  Basá, reino lalehan sira nian!!!  Repete-se 

 

Ne’e mak rohan moris ba sira be tau neon iha sira an,

Rohan ba sira be haksolok iha sira liafuan,

Hanesan bibi sira be la’o ba rai kle’an

No mate sai sira nia bibi atan. Refrão  

      

Sira sei tun ba rai kuak,

Sira nia ilas, la kleur de’it, sei lakon.

Maromak sei soi ha’u nia moris,

Sei hasai ha’u housi mate nia liman. Refrão

 

Ó haré karik ema sai riku, keta laran susar,

No haua’in nia uma nia riku-soi.

Uainhira nia mate, sei la lori buat ida,

Nia riku-soi sei la hakoi hamutuk ho nia. Refrão

 

Maski nia haksolok iha moris hodi hanoin:

“hahi ba ó tanba ó tau matan ba ó didi’ak”;

Nia mós sei hôrik ho nia aman sira,

Nebe la haré ona naroman ba nafatin. Refrão  

 

Aclamação                                                                                                                                                                                                            cf. 1Tes. 2. 13

Refrão : Aleluia, Aleluia! Repete-se

                  Simu ba ho laran tomak lia menon nebe Na’i hato’o ba imi;

                  la’os hanesan ema nia liafuan, maibe, nu’udar Maromak futar lia fuan. Refrão

 

Evangelho                                                                                                                                                                                                              Mc. 9. 41-50

+ Na’i Jesus Crito nia evangelho tuir São Marcos :

Iha tempo neba, Jesus lia tun ba escolante sira: “ema nebe fó ué copo ida ba imi tan imi Ha’u Nia emar, -Ha’u hateten kedas ba imi- ema ne’e sei la lakon nia kolen. Ema ruma dada karik ba áat labarik oan ruma be fiar ha’u, di’ak liu tara fatuk inan ida be hodi dulas batar ne’e ba ema nia kakorok, hafoin, sóe tiha niaba tasi. Ó nia liman dada karik ó ba sala, tesi tiha nia. Tama ba moris rohan laek ho ain ida de’it, di’ak liu fali ho ain rua tomak tama iha inferno. Ó nia matan ida dada karik ó ba sala, losu tiha nia. Ó tama iha Maromak Nia reino ho matan fuan ida de’it, di’ak liu fali tama iha inferno ho matan fuan rua hotu; iha inferno ular oan nebe han ó, sei la mate mohu, áhi nebe sunu ó sei mate. Tebes duni, ema hotu sei hamer ho áhi. Masin buat ida di’ak, maibe, nia lakon karik nia mer, ho sáida imi sei hamer nia? Imi iha masin iha imi-an rasik, imi hotu moris hamutuk iha hakmatek ba”.

Lia Maksoyn

Leave a Reply

Your email address will not be published. Required fields are marked *