shadow
Diocese de Dili > NOTÍCIAS > OPINIÃO > “CULTURA DEMOCRÁTICA NO TOLERÂNCIA IHA TIMOR LESTE”

“CULTURA DEMOCRÁTICA NO TOLERÂNCIA IHA TIMOR LESTE”

(Uma leitura política ba iha situação campanha eleitoral no post-Eleição Anticipada)

Por Fr. Martinho do Nascimento Obe

Lian Makloken

Timor Leste dala ida tan celebra festa democracia tutuir malu iha tinan 2017 no 2018. Ne’e acontece tanba situação incerteza política nebe mak acontece depois de eleição parlementar 2017. Mosu Eleições Subsequentes tanba VII Governo Constitucional nebe liderado hosi coligação Partido Fretilin no PD ukun ne’e la to’o nia rohan tanba governo minoritário nune’e hetan rejeição ba progrma iha parlamento nacional. Ho ida ne’e perante situação incerteza no divergência política iha sistema democaracia povo deit mak iha decisão ba certeza política. Tanba ne’e atu hakruk ba constituição no povo nune’e iha 26 de janeiro de 2018, Presidente da República Dr. Lu-Olo hakotu impasse política hodi dehan katak: “Ho haraik-an Presidente husu ba Povo atu VOTA fila fali,tan makaer ukun mak povo”! Interpreta katak decisão presidente mak hatudu katak ida ne’e mak cultura democrática nia lala’ok. Nune’e iha loron 06 Fulan Febreiro tinan 2018 Presidente decreta loron ba eleição anticipada nebe monu iha loron 12 de maio de 2018. Hafoin rona tiha data eleição partidos politicos sira começa bo’ok an hodi halo consilidasaun ba sira nia estrutura hahú hosi base mai to’o iha nivel nasional. Ho ida ne’e iha loron 10 de Abril de 2018 hahú campanha eleitoral ba eleição Subsequente/anticipada. No bainhira iha situação campanha eleitoral ba eleições anticipadas hahú ho hakmatek mesmo que iha violência linguistica entre lider político sira. Maibe durante campanha to’o post-eleição anticipada povo continua hatudu sira nia maturidade política, alias maturidade democrática. Perante situação ne’e hosi hakerek nain nia ulun hamosu puisia ida nune’e: Ha’u ne’e se ba ó Timor! Imi se ba ó Timor! Ita se ba ó Timor! Ba ó Timor ami hotu ita nia oan! Timor mak kous iha ita nia knotak! Ami ran ida, ran Timor nian!Ami moris tan ita Timor! Ami mate tan Ita Timor! Ó Timor tan Democracia ami hatene tolerância!

 

a. Cultura democrática

          Hau hahú ho Bispo Emérito D. Carlos F. X. Belo, SDB nia mensagem antes ELPAR tinan 2017 dehan nune’e: “Ita hein katak iha ELPAR mai, povo Timor mak manan; Timor Leste mak manan; no democracia mak manan.” Ne’e atu dehan deit katak iha eleição ne’e la iha ida mak manan, la iha ida mak lakon maibe ita hotu manan, cultura democrática mak manan no tolerância multi-partidarismo mak manan. Tanba ne’e labele hamihis cultura democrática no tolerância ho divergência ideologia ka partidaria. Tan nasaun Timor Leste vinculado ho cultura democrática significa Timor Leste iha nia cultura no lisan rasik. Tuir Battista Mondin conceito “cultura” mai hosi lian latin, “colo”, katak, cultivar; trabalhar, habitar; frequenter e mos bele dehan katak, servir; tanba ne’e significa lolós hosi cultura mak hatudu ba actividade agrícola de cultivar ou kuda rai.  Maibe aplicação ba mundo antropologia hetan ona sentido foun, nebe dehan katak cultura ne’e hanesan disciplina, formação, educação do espírito. Tanba ne’e Tylor dehan cultura é a totalidade complexo do conhecimento, crença, arte, moral, direito, costume e hábitos que estão numa sociedade. Tanba ne’e, Timor Leste nação ida iha nebe iha nia cultura no nia lisan rasik nebe garantia ema atu realiza nia an iha cultura ne’e rasik. Ne’eduni ho cultura nia influência, maka povo timor hosi lorosa’e to’o loro-monu hatene respeita malu, hatene aplica tolerância iha sistema democracia nia laran mesmo que iha diferença ideologia ka multi-partidarismo maibe ita hotu hetan naran Timor nia oan doben; Significa la iha metan ka mutin, la iha beik ka matenek, la iha riku ka kiak, la ida manan ka lakon maibe ita hotu manan, ita hotu lakon tanba ita hotu Rai Timor nia oan nebe iha cultura ida no lisan ida.

          Ao passo que conceito democracia nia originalmente mai husi lian grega demokratia katak povo mak iha poder. Tanba ne’e Demokratia fahe ba lia fuan rua, “demos” katak povo no “kratos” katak poder. Nudar Abraham Lincoln define katak democracia mak sistema governo nian nebé celebra iha povo, husi povo no ba povo. Iha ne’e ita hetan ita nia ponto de partida katak cultura democrática depende ba povo ida. Tanba ne’e Timor Leste nudar nasaun ida ho nia povo ida nune’e Nação Timor Leste adopta sistema democracia iha nebe nia opta liu Cultura democrática do que regime democrática. No ida ne’e hatur kedas ona iha“preâmbulo constituição RDTL nian, iha  nebé cultura democrática ne’e rasik depende ba mentalidade povo ida nian, depende ba lisan, tradição povo ida nian” significa katak “cultura democrática nebé tau iha aspeto constituição ne’e, halo katak ita nia estado Timor Leste, hili cultura ida, do que regime ida”. Tanba saida? Tanba estado Timor leste ne’e hili cultura ida tan povo Timores ne’e, iha nia “cultura no lisan próprio”. Los duni, regime rua ne’e hotu-hotu democrática. Tan Cultura democrática mos baseia ba democracia, regime democrático mos baseia ba democracia. Ninia diferência ita hare katak cultura ne’e depende ba mentalidade povo ida nian, depende ba lisan ka tradição povo ida nian, ao passo que regime, ne’e depende ba autoritário partido nian. Em resumo katak cultura democracia iha Timor Leste la’o efectivo tanba povo timor iha nia cultura própria be hatudu tolerância aas perante multi-partidarismo ho nia divergência ideologia sira. Tanba ne’e simplesmente povo timor promove cultura tolerância iha sira nia relasaun democrática.

 

b. Timor Leste hatudu imagem cultura tolerância ba mundo

          Timor Leste além de iha predicado nudar nasaun democracia nebe opta liu cultura democrática, nasaun ne’e mós nudar nasaun tolerante “Nation of tolerance”. Predicado rua ne’e iha relação recíproca iha cultura democrática no cultura tolerância. Tanba sá? Tanba ita hare realidade Timor Leste hasoru impasse política no liuliu iha campanha eleitoral ba eleição anticipada mosu violência linguística entre líder político sira maibe povo timor “militante no simpatijante partido” continua matein paz no estabilidade iha rai laran. Tanba ne’e praticamente povo timor ne’e hatudu ona nia maturidade política no maturidade democrática ba mundo. Significa hatur povo timor ne’e hatur democracia nudar modo de ser, modo de agir, modo de pensar e modo de falar dos timorenses. Mesmo que iha diferença ideologia maibe Timor oan iha hanoin ida, modo de ser ida nudar Frater Zacarias Exposto dehan pensar democraticamente, viver democraticamente, agir democraticamente e fazer democraticamente. Los duni, perante impasse política, divergência ideologia no partidaria maibe povo timor moris iha iha tolerância atu moris harmonia no estabilidade. Nudar Herry Zudianto define tolerância katak “toleransi berarti ada harmoni, ada saling pengertian, dan kesediaan untuk menerima, saling mengakui dan mau bekerjasama dalam budaya demokrasi”. Husi definição pratica ne’e, simplesmente ita hetan ita nia ponto de encontro katak povo timor ne’e tolerante tanba iha coompreenção, recunhecimento no nakloke an ba multi-partidarismo ho nia diversas ideologias. Tanba ne’e tolerância iha contexto timor iha nia sentido luan no supera tiha tolenrância entre sucu ka étnico, religião no cultural. Tan tolerância nebe povo timor hatudu liu iha ne’e kona ba aspecto estrutral iha nebe la iha conflito social no econômica entre militante no simpatijante partido iha periodo campanha eleitoral no post-eleição anticipada. Ne’eduni povo timor tane as valores no patrimônios culturais hodi hatudu ba mundo katak nasaun Timor Leste biar sei kiak iha cunhecimento maibe praticamente povo timor buka harí sociedade ida nebé tolerante, solidária, fraterna no justa. No até povo timor mós halo “feedback democrática” ba líder político sira. Tan ita hare realidade katak wainhira ita observa iha eleição 2017, ita bele dehan katak ita hetan lição boot ida iha ita nia política. Wainhira povo mai husi sira nia maturidade política, mais sobre tudo sira nia “decolonialização da interioridade” (termo Pe. Martinho G. S. Gusmão). Katak povo nia silêncio, sira nia protesta no sira nia perseveransa, halo com que, sira fo ba partido político sira, ulun fatuk moras. Maibe iha eleição anticipada iha 12 de Maio de 2018 povo continua fo ba nação maioria ida atu ukun, no povo hein katak poder nebe sira delega ona ba partido nebe manan iha eleição anticipada tenke ukun ho diak no transparante la’os ukun tuir ita nia hakarak.

 

Tatakan   

Hakerek nain conclui artigo simples ne’e ho liafuan hosi pessoa eminente G+ Kay Rala Xanana Gusmão dehan iha nia discurso iha Siere Leõne dehan katak “Eleição ida sei ba no sei mai tan eleição foun maibe povo siere leone nafatin”. Ne’e atu dehan katak eleição sei la’o periodicamente maibe natureza povo ida nafatin nudar timoroan. Tanba ne’e Bispo Émerito Dom Carlos F. Ximenes continua afirma katak cultura democrática significa povo Timor mak manan; Timor Leste mak manan; no democracia mak manan.” Alias, iha eleição foin liu ne’e la iha ida mak manan, la iha ida mak lakon maibe ita hotu manan no cultura democrática mak manan no tolerância multi-partidarismo mak manan. Parabens ba Timor Leste no parabens ba povo Timor tomak nebe exerce ona dever cívico*.

(Martinho do Nascimento Obe, estudante ISFIT Fatumeta, Faculdade de Filosofia(2013-2016), actualmente reporter no announcer iha RTK Malo’a Dili, Timor Leste), Opinião Pessoal. Iha sujestaun bele haruka mai iha address email:cono.mutis@gmail.com,ou bele contacto +67077749662/75253302).

 

Referencia

  • Contituição República Democrática de Timor Leste
  • SUSENO, Franz Magnis, Etika Politik, Prinsip-prinsip Moral Dasar Kenangan Modern, Edisi ke-7, PT Gramedia, Jakarta, 2003
  • ————, 13 Tokoh Etika, ( sejak Zaman Yunani sampai abad ke-19), Edisi ke -16, Kanisius, 1997
  • RAWLS John, A Theory of justice, (Dasar-dasar Filsafat Politik untuk menwujudkan kesejahteraan social dalam Negara)
  • ZUDIANTO, Herry, Kekuasaan sebagai Wakaf Politik
  • GOUVEIA, Jorge Bacelar, Direito Constituicional de Timor-Leste, 1aedição, Gráfica de Coimbra, Lisboa, 2012

Leave a Reply

Your email address will not be published. Required fields are marked *