shadow
Diocese de Dili > NOTÍCIAS > Notícias > FAMÍLIA CRISTÃ NO CULTURA FAMÍLIA TRADICIONAL

FAMÍLIA CRISTÃ NO CULTURA FAMÍLIA TRADICIONAL

DCDD(24/05/2018) Departamento Família Diocese Dili Quinta Semana nee realiza Conferência ida ho tema Família Cristã no Cultura Família Tradicional, nebe realiza iha Salão Paroquial São José Catedral Dili. Conferência refere loke direitamente husi esposa Presidente da República Cidalia Mauzinho Nobre Guterres. No iha abertura nee esposa Presidente da República Cidalia Mauzinho Nobre Guterres hateten Conferência ida nee atu loke no hasae conciência ita hotu nian sobre inportância família ninian tanba ita hatene katak família mak nudar núcleo sociadade ninian entre Inan-Aman no Oan e husi família mos nudar fatin escola nebe hodi kuda valores oi-oin ba ita nia oan sira atu sira sai adulto ida nebe iha responsabilidade iha futuro. Esposa Presidente nee mos reforsa tan; ita mos hatene katak hanesan ohin loron mosu dala barak liu família lakon ninia sentido nebe mak mosu. Tanba nee hau apela ba família hotu-hotu, ita família ida-idak moris iha ita nia plano rasik, hanoin rasik, tanba ita atu forma uma kain ida ita iha hanoin ida oinsa atu lori família nee ba futuro ida nebe diak liu-liu responsabilidade ba ita nia oan sira.

Iha sorin seluk Diretor Departamento Família Diocese Dili nian Pe. Jose Tasain iha ocasião nee hateten ita nia seminário ka conferência ba loron ohin nian ho nia tema Família Cristã Cultura Família Tradicional Matrimónio ninian. Buat nebe hakarak haklean iha nee katak família nee sai abut iha buat hotu-hotu, família mak hahoris geração hotu-hotu. Nee duni ita hakarak atrai uluk sarani sira hodi sira comprende kona ba moris ida nebe diak, moris ida nebe Maromak fo.

Iha parte seluk Pe. Marsal Maia Orador ba Conferência nebe koalia sobre MATRIMÔNIO CRISTÃO –DIMENSÃO CANÔNICA, hateten; Vida matrimônia sarani sira nian, ohin loron, hanesan Bero, nani hela iha tasi laran, hasoru anin fuik no laloran boot. Caso bara-barak iha rai laran: kabenain sira lori malu ba divórcio iha tribunal civil, acontecimento camarua, selingkuh, hola feto kiik, hola fali mane seluk, iha serviço fatin, iha fim da semana, iha fatin-fatin. Caso hirak Pároco sira enfrenta iha paroquias: número sarani barlaqueado aumenta ba bebeik. Jovem sira nia mudanças estilos de vida: hasoru malu, hola malu dadauk sem intervenção inan-aman, uma lisan no uma kreda. Valor matrimônio cristão mihis eh besik atu lakon. Ita iha situação ida ne’e mak Papa Francisco dehan: “o maior pecado de hoje é que os homens perderam o sentido de pecado”. Los duni. Ema cristão, ohin loron, moris hela iha sala laran maibe la sente ona halo hela sala no pecado. Vida matrimônio cristão sira nian mos enfrenta hela situação ida ne’e. Ne’e mak sente urgente atu apresenta fila fali sobre: matrimônio cristão nian: ninia conceito, nia natureza, nia essencia, nia existencia, nia desafios sira iha umakain no iha pastoral.

Seminário ida ne’e, ho titulo “Matrimônio Cristão–Dimensão Canônica”, halo ho hanoin atu fortifica matrimônio sira ne’ebe agora dadauk infrenta hela anin-boot no laloran-tasi. Seminário ida ne’e nia intenção, finalmente, atu bolu atenção parte hotu-hotu nian: nubente sira, pároco sia, agentes pastorais sira, lia-nain sira, lei-nain sira, sociedade tomak, atu: Assegura existencia no validade matrimônio sarani sira nian, desde ninia estabeleciment, desde ninia início kedas. Tau-matan especial ba sarani sira ne’ebe atu simu sacramento matrimônio, atu celebra sira nia sacramento ne’e ho lolos no sem impedimento ruma, sem vicio consentimento ruma no sem defeito de forma Canônica. Nune’e deit mak ita bele iha esperança matrimônio sarani sira nia sei bele metin, sei la naksobu, sei la mout ho anin boot no laloran tasi nian. Tanba Norma Canônica dehan: “Origina o matrimônio o contrato entre pessoas habeis por direito, legitimamente manifestado, o qual não pode suprido por nem um poder humano”(can.1057§1).

Iha conferência ho tema Família Cristã no Cultura Família Tradicional nebe Departamento da Família Diocese Dili nian realiza participa husi delegação Famílias husi cada Paróquias, Instituição Religiosos e Religiosas, Departamentos nebe hamahan an iha Diocese nee nia mahan. (Fidy)

Leave a Reply

Your email address will not be published. Required fields are marked *