shadow
Diocese de Dili > NOTÍCIAS > LETURA DIÁRIA > Sábado, VII Semana do Tempo Comum

Sábado, VII Semana do Tempo Comum

Ano B

 

Primeira Leitura                                                                                      Tg. 5. 13-20

Lia housi São Tiago nia Surat

Doben sira: Ema ruma terus iha imi leet? Buka harohan ba. Ema ruma sente haksolok? Hananu knananuk ida ba. Iha imi leet iha ema ruma moras? Haruka bolu amululik Kreda nian, atu sira harohan ba nia, hodi Na’i nia naran kose mina ba nia. Harohan be hasa’e ho fiar metin bele soi ema moras todan, Na’i sei fó isin di’ak fali ba nia. Nia halo sala karik, nia salan sira sei simu perdua. Nune’e, dehan sai imi salan sira iha imi leet ba, hodi harohan ba malu, atu imi bele hetan isin di’ak. Harohan ho neon no laran ema lós ida nian, iha biit maka’as. Elias, ema ida nebe hetan terus hanesan ita: harohan maka’as ho neon no laran atu la bele udan tau; iha tinan tolu no fulan neen nia laran udan la monu rai. Harohan hikas fali: lalehan haraik udan, rai fó duni fuan.

Ha’u maun-alin sira: Ema ruma iha imi leet, hadook-an tiha karik housi lialós, no ida seluk halo nia fila hikas mai, imi hatene didiak buat ida ne’e ba: Ema ida nebe halo ema maksalak ida fila housi nia dalan áat, nia sei soi nia klamar housi mate, no sei simu perdua ba nia salan ua’in.

Maromak Futar Lia.

 

Salmo Responsorial                                                                                                                                                             Sal. 140(141). 1-2, 3, 8 (R. 2a)

Refrão : Ha’u harohan sa’e ba to’o Ita boot hanesan ai-uen morin!!! Repete-se

 

Na’i, ha’u hakilar, tulun ha’u lalais,

Rona ha’u lian ba, uainhira ha’u harohan.

Atu ha’u nia harohan sa’e to’o ita boot

Hanesan ai-uen morin; halo ha’u liman nian

Hanesan sacrifício lokraik nian. Refrão

 

Na’i, bali ha’u ibun,

Hatau ha’u ibun nia odamatan.

Ha’u fila ha’u matan ba ita boot,

Ita ha’u heli-an fatin, keta husik ha’u! Refrão

 

Aclamação                                                                                                                                                                                                                   Mt. 11. 25

Refrão : Aleluia, Aleluia!!! Repete-se

                  Rahun di’ak ba ita, Aman, Na’i lalehan no rai nian, tan ita

                  hatudu mistério reino lalehan nian ba kiik sira. Refrão

 

Evangelho                                                                                                                                                                                                             Mc. 10. 13-16

Na’i Jesus Cristo nia Evangelho nu’udar São Marcos haktuir :

Iha tempo neba, ema lori labarik oan sira mai besik Jesus atu nia bele kona sira. Maibe, Jesus nia escolante sira haksiak ema sira ne’e. Haré ida ne’e, Jesus hirus hodi hateten ba sira: “imi husik labarik sira ne’e mai besik Ha’u. Keta tahan netik sira, basá, Maromak Nia reino ba hanesan sira. Tebes, Ha’u dehan ba imi: Ema nebe la simu Maromak  Nia reinohanesan labarik oa ida, nia sei la tama iha reino Maromak nian”. Hafoin, Jesus simu labarik oan sira, hodi haraik bensa ba sira.

Lia maksoyn.

Leave a Reply

Your email address will not be published. Required fields are marked *