shadow
Diocese de Dili > NOTÍCIAS > LETURA DIÁRIA > Sexta-Feira, VII Semana do Tempo Comum

Sexta-Feira, VII Semana do Tempo Comum

Ano B

 

Primeira Leitura                                                                                       Tg. 5. 9-12

Lia housi São Tiagonia Surat

Maun alin sira: Imi keta kesar malu, atu ema la bele tesi lia ba imi. Imi haré ba, juiz mak iha hela odamatan oin. Maun-alin sira, simu ba nu’udar dalan terus no paciência profeta sira nian nebe koalia hodi Na’i nia naran. Haré ba! Ita hahi rahun di’ak ba sira nebe terus to’o rohan. Imi rona tiha ona ko’alia kona ba Job nia fiar metin, no imi haré tiha ona oinsá Na’i haraik ba nia moris nia rohan, basá, Na’i laran-luak no domin. Maibe, uluk liu, maun alin sira, keta jura, hodi lalehan eh hodi rai eh hodi lalehan eh rai eh hodi naran bvuat ruma, maibe imi nia “lós” tenki “lós” no imi nia “lae” tenki “lae”, atu imi la bele monu ba susar todan.

Maromak Futar Lia

 

Salmo Responsorial                                                                                                                                        Sal. 102(103). 1-2, 3-4, 8-9, 11-12 (R. 8a)

Refrão : Na’i laran-luak no laran di’ak!!! Repete-se

 

Ha’u klamar, hahi Na’i ba,

Ha’u an tomak hauélok Nia naran santo.

Ha’u klamar, hahi Na’I ba,

La haluha Nia kmanek tomak. Refrão

 

Na’i perdua ó salan tomak,

Nia halo di’ak ó nia moras hotu;

Soi ó nia moris housi mate,

Hafutar ó graça no laran di’ak. Refrão

 

Na’i laran-luak no laran di’ak,

Kleur atu hirus, perdua nafatin.

La haré ita tuir ita nia hahalok áat,

La selu ita tuir ita salan. Refrão

 

Hanesan lalehan dook tebes housi rai,

Nune’e mós Nia laran di’ak boot tebes

Ba sira nebe hadomi Nia.

Hanesan Loro-sa’e dook housi Loro-monu,

Nune’e mós Nia hadook ita housi ita salan. Refrão

 

Aclamação                                                                                                                                                                                                              Jo. 17. 17b,a

Refrão : Aleluia, Aleluia!!! Repete-se.

                  Ita lia fuan, Na’i, mak lialós tebes; hametin ami iha lialós. Refrão

 

Evangelho                                                                                                                                                                                                                Mc. 10. 1-12

+ Na’i Jesus Cristo nia Evangelho nu’udar São Marcos haktuir :

Iha tempo neba, Jesus ba rai Judeia hodi hakat liu ba Jordão sorin ba. Ema lubun boot halibur malu iha Jesus nia oin; nia hanesan bai-bain, hahu hanourin sira. Fariseu hakbesik ba Jesus hodi hasa’e lia ba Nia, dehan: “Mane ruma bele sóe nia féen?” sira husu atu koko de’it Jesus. Jesus simu hodi dehan ba sira: “Moisés haruka imi atu halo oinsá?” sira hatan: “Moisés haruka fó surat sóe malu nian atu haketak tiha malu”. Jesus simu hodi dehan ba sira: “Tan imi nia laran tós, mak Moisés fó ukunfuan ida ne’e. maibe houri hahu, Maromak halo ema, mane ho feto. Tan ne’e, mane sei husik aman ho inan, atu bele hôrik hamutuk ho nia féen. Sira rua sei sai ema isin ida de’it. Nune’e, sira la’os ema nain rua ona, maibe, ema isin ida de’it. Nune’e, buat nebe Maromak libur hamutuk, ema ida la bele haketak”. To’o tiha uma, Jesus nia escolante sira husu hikas kona ba liafuan hirak ne’e, Jesus lia tun ba sira, dehan: “Ema nebe sóe nia féen hodi hola fali feto seluk, sala adultério hasouru feto uluk.  Feto kabe-na’in nebe sóe nia la’en, hodi moris hamutuk ho mane seluk, halo sala adultério”.

Lia maksoyn.

Leave a Reply

Your email address will not be published. Required fields are marked *