shadow
Diocese de Dili > NOTÍCIAS > LETURA DIÁRIA > Segunda-Feira, VIII Semana do Tempo Comum

Segunda-Feira, VIII Semana do Tempo Comum

Ano B

 

Primeira Leitura                                                                                    1 Ped. 1. 3-9

Lia  housi São Pedro nia Surat

Maun alin sira: Kmanek ba Maromak, ita Na’i Jesus Cristo nia Aman. Tan nia laran luak, Nia hafoun ita ba esperança moris foun nian, housi Jesus Cristo nia moris hi’as housi mate, atu simu liman-rohan nebé sei la mohu, sei la fo’er, sei la lakon, maibé rai hela ona iha lalehan be, imi nebé Maromak nia kbiit tahan tan imi nia fiar, hadi’a dadaun atu mosu iha loron ikus. Buat hirak ne’e fó ksolok ba imi maski ohin imi sei hetan susar oi-oin, atu wainhira Jesus Cristo mosu mai, imi nia fira mós sei mosu nu’udar soi atu hahi, fó glória no hawélok tan susar hirak ne’e nebé koko nia, nu’udar osan mean nebé ema koko ho ahi. Imi hadomi Nia, maski imi la haré Nia; maski ohin imi la haré Nia, imi fiar; imi sei haksolok ho ksolok nebé liafuan la to’o atu haktuir. Tan fiar ne’e, imi hetan maksoyn.

Maromak Futar Lia.

 

Salmo Responsorial                                                                                                                                                Sal. 110(111). 1-2, 5-6, 9, 10c (R. 5b)

Refrão : Na’i sei la haluha Nia moruk!!! Repete-se

Ou           Aleluia!

 

Ho neon no laran ha’u agradece Na’i,

Iha libur hamutuk ema laran lós no iha assembleia.

Nia hahalok sira kmanek wa’in,

Di’ak tebes ba sira be hanoin Nia. Refrão

 

Maromak fó han ba sira be hamta’uk Nia,

Sei la haluha Nia moruk.

Halo Nia povo haré Nia hahalok kmanek,

Hodi fó ba sira nação sira nu’udar liman-rohan. Refrão

 

Nia haruka maksoyn ba Nia povo,

Hametin ho nia Moruk ida rohan laek.

Nia naran santo tebes no so’i hana’i,

Hahi Na’i hela tinan ba tinan. Refrão

 

Aclamação                                                                                                                                                                                                                  2Cor. 8. 9

Refrão : Aleluia, Aleluia!!! Repete-se

                  Na’i Jesus Cristo be riku, halo An kiak tamba imi,

                  Atu imi bele sai riku hodi nia kiak. Refrão

 

Evangelho                                                                                                                                                                                                             Mc. 10. 17-27

+Na’i Jesus Cristo nia Evangelho nu’udar São Marcos haktuir :

Iha tempo neba, wainhira Jesus atu la’o ona, ema ida halai hasouru Nia, tuku tur ba raihodi husu Nia, “Mestre di’ak, Ha’u sei halo sá atu bele hetan moris rohan laek?” Jesus hatan ba nia, “Tansá ó dehan Ha’u di’ak. Ó hatene ukunfuan sira : keta oho, keta halo adultério, keta na’uk, keta foti lia bosok hasouro ema, keta lohi ema, hamta’uk ó nia aman no inan.” Nia hatan hodi dehan ba Na’i, “Mestre, ha’u moris tuir sira ne’e hotu houri kiik kedas.” Jesus fihir nia didiak, hadomi nia hodi dehan ba nia, “Buat ida de’it mak ó sei kuran: ba, fa’an ó nia sasan tomak, fahe ba ema kiak sira no ó sei hetan rikusoin iha Lalehan; hafoin, mai tuir Ha’u.” Nia neon sala tebes tan liafuan hirak ne’e; nia ba ho neon nakraik, basá nia iha rikusoin barak.

Jesus, hateke hale’u, dehan ba Nia escolante sira, “Susar tebes duni ba ema riku sira atu tama iha Maromak nia reino.” Escolante sira hakfodak ho liafuan sira ne’e. Maibé Jesus dehan fali ba sira, “Oan doben sira, susar oin sá atu tama iha Maromak nia reino. Kuda camelo ida atu tama iha daun nia kuak lalais liu fali ema riku ida atu tama iha Maromak nia reino.” Sira hakfodak liu tan hodi hateten ba malu, “Nune’e karik, ema sé mak bele hetan maksoyn?” Jesus hateke ba sira hodi dehan: “Ba ema la bele, maibé ba Maromak lae, basá ba Maromak buat hotu bele de’it.”

Lia Maksoyn.

Leave a Reply

Your email address will not be published. Required fields are marked *