shadow
Diocese de Dili > NOTÍCIAS > LETURA DIÁRIA > Quarta-Feira, VIII Semana do Tempo Comum

Quarta-Feira, VIII Semana do Tempo Comum

Ano B

 

Primeira Leitura                                                                                    1 Ped. 1. 18-25

 

Lia housi São Pedro nia Surat

Doben sira: imi hatene katak Maromak sosa imi ona housi imi nia hahalok áat sira nebe imi simu housi imi nia bei-ala sira, la’os ho osan mutin eh osan mean nebe bele mohu, maibe ho Cristo futar ran, nebe folin boot duni: Cristo nu’udar bibi malae ida nebe la fo’er, la áat. Maromak tau Nia molok mundo hahu, maibe fó hatene sai de’it iha tempo nia rohan, ba imi nia di’ak. Housi Nia, imi la ta’uk hakbesik  Maromak nebe halo Nia moris hi’as housi mate, no fó glória ba Nia, atu imi tau imi nia fiar no esperança iha Maromak.

Hamós tiha imi nia klamar housi imi nia moris tuir lialós; uainhira imi hadomi imi nia maluk, imi hadomi duni ba ho laran. Imi moris fali ona, la’os housi fini nebe bele mohu, maibe housi ida nebe la mohu, hodi Maromak nia liafuan nebe moris no hôrik iha imi; basá “ Isin tomak hanesan du’ut, nia kmanek hotu hanesan du’ut nia funan. Du’ut namlaik, no nia funan monu, maibe Maromak nia liafuan hela ba nafatin.” Ne’e mak liafuan di’ak nebe haklaken tiha ba imi.

Maromak Futar Lia.

 

Salmo Responsorial                                                                                                                                                Sal. 147. 12-13, 14-15, 19-20 (R. 12a)

Refrão : Jerusalém, hahi ó nia Na’i. Repete-se

 

Hasa’e glória ba Na’i, Jerusalém!

Sião, hahi ó nia Maromak!

Nia hametin ó nia odamatan sira,

Fó bensa ba ó nia oan sira. Refrão

 

Nia hari damen iha ó nia rai-ketan sira,

Habosu ó ho pão di’ak;

Haruka mai rai, Nia liafuan,

Hala’o maka’as, Nia liafuan tatoli. Refrão

 

Hatudu Nia liafuan ba Jacob,

Nia Lei no Nia Ukunfuan ba Israel.

La halo ba povo seluk ida hanesan ne’e,

La hatudu tan Nia kmanek sira be seluk ida. Refrão

 

Aclamação                                                                                                                                                                                                                  Mc. 10. 45

Refrão : Aleluia, Aleluia! Repete-se

                  Oan mane mai atu serbi ema,

                  no saran Nia moris atu soi ema hotu. Refrão

 

Evangelho                                                                                                                                                                                                            Mc. 10. 32-45

+ Na’i Jesus Cristo nia Evangelho nu’udar São Marcos haktuir :

Iha tempo neba, escolante sira sa’e dadaun ba Jerusalém. Jesus la’o iha sira oin, sira bilan de’it. Sira nebe tuir Nia ta’uk. Dala ida tan, haketek tiha ema sanulu resin rua housi sira seluk, Nia hahu hateten ba sira buat nebe sei mosu ba Nia. “Ohin ita sa’e ba Jerusalém, ema sei saran Oan mane ba na’ilulik boot no escriba sira. Sira sei tesi lia todan ba Nia mate, no saran Nia ba ema gentio sira, nebe sei hasara Nia no tafui ba Nia no baku Nia no oho Nia; liu tiha loron tolu Nia sei moris hi’as.

Tiago no João, Zebedeu nia oan sira, hakbesik Nia dehan: “Mestre, ami hakarak katak ita halo buat nebe ami husu.” Nia deha ba sira:” Imi hakarak katak Ha’u halo sá lós ba imi?” Sira hatan: “ Iha ita nia glória, halo ami tuir, ida iha ita nia sorin kuana, ida iha Ita nia sorin karuk.” “ Imi la hatene buat nebe imi husu,” Jesus dehan ba sira. “ imi bele hem cálice nebe Ha’u sei hemu, eh simu baptismo nebe Ha’u sei simu?” Sira hatan ba nia: “ Ami bele!”

Jesus dehan ba sira: “ Cálice nebe Ha’u sei hemu, imi sei hemu duni; no baptismo nebe Ha’u sei simu, imi sei simu duni; maibe tur iha Ha’u nia sorin kuana eh sorin karuk, Ha’u la iha biit atu fó ba imi, maibe buat ne’e ba sira nebe hadi’a tiha ona.”

Uainhira sira na’in sanulu seluk rona ne’e, sira hirus Tiago no João, maibe Jesus bolu sira hotu hodi dehan ba sira: “Imi hatene katak iha gentio sira leet, na’i ulun sira ukun ho biit, no embo’ot sira usa sira nia biit ba sira nia emar sira. Maibe iha imi leet, la’os hanesan ne’e. Ema s”e hakarak sai boot iha imi leet, sei sai imi nia atan; no ida nebe hakarak sai uluk liu iha imi leet, nia sei sai imi hotu nia atan; lolós Oan mane rasik la mai atu serbi Nia, maibe atu serbi ema, no atu saran Nia moris atu soi ema hotu.”

Lia maksoyn.

Leave a Reply

Your email address will not be published. Required fields are marked *