shadow
Diocese de Dili > NOTÍCIAS > HOMILIA DO BISPO > CORPO E SANGUE DE CRISTO

CORPO E SANGUE DE CRISTO

Dala ida tan tinan ida nee ita hamutuk haksolok hodi hahi, hanai ita nia Na’i nia Futar isin, hodi halo proceição. Ita nia proceição tinan tinan ita halo nu’udar comunidade sarani iha diocese ida ne’e, liu-liu ita hirak nebe hela iha Capital “Dili” bele halibur hamutuk nu’udar comunidade fiar nain ida nebe hahi, hanai ita nai Jesus nebe haksumik iha Hostia Consagrada.

Ida nee mak ita nia fiar tinan-tinan lori ita no ida nee mak oin ita rona Êxodo dehan; ami sei halo tuir Maromak nia liafuan tomak, ami sei obedece Maromak ba nafatin. Hafoin Moises foti ran hodi hisik ba povo dehan; Ne’e Ran Moruk. Nee katak moruk nebe Maromak fo ona ba imi tuir liafuan ne’e hotu. Liafuan Moises nian ida nee halo refelemento ida ba história povo Israel ninian wainhira Maromak hasai sira husi Egipto husi condição ida escravo nian. Durante tinan 40 nia laran lori sira iha deserto ba to’o iha rai nebe Maromak promete ba sira. Wainhira povo nee estabelece ona iha terra prometida, povo ida ne’e hetan sira nia otonomia, goja buat diak oi-oin isin no klamar ninian, maibe husik hela perigo boot ida ba sira atu haluha sira nia história ida nebe sira supera de’it ho graça Na’i Maromak nia laran luak ninian. Sagrada Escritura exorta atu hanoin fali sira nia viagem nebe halo iha deserto ia tenpo hamlaha, tenpo desespero no abandono.

Moises nia convite atu fila fali ba buat nebe essencial experiência ida atu tau an tomak iha Na’i Maromak wainhira sobre vivênte sira hatene de’it mak Maromak no ema nia condição ida de’it laos ema la moris deit ho pão maibe buat nebe sai husi Na’i Maromak nia futar ibun. Ne’e tanba isin nian ita ema mos lori ho ita hamlaha forma oi-oin, hamlaha nebe ita labele habosu ho ai-han bai-bain ninian. Ida nee mak hamlaha ba moris, hamlaha ida ba domin, hamlaha ida ba reconciliação, amlaha ida ba unidade, hamlaha ba esperança, hamlaha ida ba moris Maromak ninian ba vida eterna

Ran moruk nebe Na’i Maromak hemu ona ho imi bainhira imi iha rai fuik maran representa mos dimensão ida ne’e ida ne’e mak imagem pura ne’ebe serve duni ba ita ema nia moris. Jesus mak fo mai ita Pão no Tua ida ne’e no Nia duni mak Pão moris nebe fo moris ba mundo, Nia isin mak iha pão nebe ita simu nune’e mos iha Ran mak iha tua nebe ita hemu. Ida ne’e  laos simplesmente aihan nebe habosu ita nia isin hanesan Maná nebe povo Israel sira han iha rai Egipto iha rai deserto.

Iha Eucaristia mak comunica Jesus nia domin mai ita, domin nebe boot oinsa, domin nebe gratuita, domin ba sira hotu nebe hamlaha no precisa atu recarga sira nia energia. Moris experiência ida fiar nian significa husi Na’i Jesus atu tau matan ba ita, husi Na’i Jesus construi ita nia exigência, husi nia futar liafuan atu penetra ita nia fuan.

Ohin loron ita hare haleu ita nota katak iha ai-han oi-oin nebe mai husi Na’i Jesus nebe aplentimente halo ema la hakmatek. Balu nebe habosu an ho osan, balu fali ho sucesso e vaidade, balun fali ho poder e orgulho maibe ai-han lolos mak ida de’it mak ida nebe mai husi Na’i Jesus. Ai-han nebe mai husi Nia la hanesan ho ai-han nebe mundo ne’e oferece. Dala barak ita la satisfeito, laiha gosto ba ita nia isin no ita nia hakarak. Ita ida-idak koko atu halo pergunta ruma kona ba ita nia an? Ha’u hakarak han mak ida nebe? Hakarak foti ai-han husi mesa ida nebe? Husi Na’i Jesus nia mesa, mehi ida atu han ai-han nebe sabor no furak maibe keta halo miséria karik.

Ohin iha Solenidade Corpo e Sangue do Senhor convite ida mai ita sarani ida-idak atu hare fali ha’u nia relação ho Na’i Jesus iha Eucaristia. Hau foti Amo Papa nia hanoin ruma nebe nia fo ba sarani sira fulan hirak liu ba nia dehan; Comunidade sarani sira nebe infelizmente la aproveita missa Dominggo ninian, iha mos Comunidade balun tanba razão oi-oin hahu lakon sentido inportância Eucaristia iha moris. Nia exise ita atu descobre fila fali inportâcia de eucaristia iha ita ida-idak nia moris. Nia halo pergunta ida dehan; tanba ba sa tem que ba missa Dominggo-Dominggo (Porque Ir a missa aos Dominggos). Celebração Eucaristia iha Dominggo-Domunggo ne’e mak centro moris Uma Creda ninian. Ita sarani Dominggo ba missa atu hasoru malu ho Jesus nebe moris hias. Ita mos bele dehan; husik Jesus bele hasoru malu ho ita, atu rona Ninia liafuan, simu ai-han husi Nia mesa. Ida ne’e mak Jesus nia escolante sira halo bainhira tur hamutuk iha loron neba. Dominggo loron santo mai ita sarani sira, loron nee ita halo santo lori Eucaristia presença moris Na”i Jesus nian iha ita no ba ita.keta haluha amo Papa nia liafuan; Missa nee mak halo Dominggo ne’e sarani ninian, Dominggo sarani nian wainhira iha missa. Ita tem que contente tanba missa Dominggo-Dominggo iha, maibe iha fatin barak sarani laiha opurtunidade atu missa tanba amululik laiha, tanba circunstância oi-oin. Infelizmente iha fatin barak ohin loron tanba progesso no buat barak nebe desvia ema nia atenção la ba tan ona missa. Ida nee tuir amo Papa dehan nee Pecado/sala. Se ita ruma mak monu iha tentação ida nee, ita precisa hafoun ita nia conciência atu recopera fila fali sentido inportância Eucaristia nian iha ita nia moris. Tuir ita nia doutrina dehan; precisa hakbesik ba Jesus iha Eucaristia basá se laiha Cristo iha ita nia moris ita lor-loron preucupa deamis ho servisu, ita kole. Desespero, desanima no buat sira seluk tan no dala barak sempre nakonu ho tauk saida mak sei mosu aban.

Ita nia sorumuto Dominggo-Dominggo Jesus fo força ba ita atu iha fiar metin nafatin, corâgem nakonu ho esperânça, ita sarani iha loron Dominggo atu ita hasoru malu ho Cristo, ita iha comunhão Eucarístico Dominggo nian mak marca ona ita nia viagem atu ba hasoru malu ho Maromak iha fatin ida nebe sei laiha tan matawen, terus maibe ksolok rohan laek. Hafoin iha perguntas ida nebe dehan; oinsa mak ita bele hatan ba sarani nebe dehan la precisa ba missa masque Dominggo tanba inportante mak moris diak no hadomi ó nia maluk! Los duni qualidade vida cristã sukat ho capacidade atu hadomi hanesan Jesus rasik dehan; Ema hotu sei hatene katak imi Ha’u nia discípulo sira wainhira imi hadomi malu. Maibe sarani doben sira oinsa ita bele tau ba prática Jesus nia hanourin sira iha Evangelho se ita laiha contacto ho we matan moris nian ida ne’e, ita la hakbesik ba moris ne’e nia hun, husi nebe mak ita sei hetan energia ka força nebe bele sai atu hadomi se laos Eucaristia, ita la ba missa atu hasae sacrifício ba Maromak maibe atu simu buat nebe ita precisa. Iha loron ikus fulan Maio fulan Mariana nee, liu husi interseção Nain Feto Virgem Rosário hanourin ita atu hakiak iha ita ida-idak nia fuan ho laran domin boot ba Jesus iha Eucaristia.

Leave a Reply

Your email address will not be published. Required fields are marked *