shadow
Diocese de Dili > NOTÍCIAS > LETURA DIÁRIA > Sábado, VIII Semana do Tempo Comum

Sábado, VIII Semana do Tempo Comum

Ano B

 

Primeira Leitura                                                                                  Judas 17, 20b-25

Lia housi São Judas nia Surat

Doben sira: Maibé, hanoin ba, belun sira, buat nebé Na’i Jesus Cristo nia apóstolo sira hateten tiha ba imi. Imi fali, belun sira, haka’as an atu hari imi nia uma espiritual iha imi nia fiar santa nu’udar hun. Imi hamulak iha Espírito Santo nia kbiit hodi hela nafatin iha Maromak nia domin no hein dadaun ita Na’i Jesus Cristo nia laran luak nebé sei haraik moris rohan laek ba imi. Hanourin sira belun nebé namlele; tulun ema hodi hasai sira housi ahi; ba balun, hatudu laran di’ak maibé ho imi matan moris; hakribi sira nia hatais nebé fo’er ona ho sira nia hahalok áat.

Ba Nia nebé bele tulun atu imi la bele monu hodi halo imi sala laek no haksolok iha nia futar oin, ba Maromak mesak de’it, ita nia Maksoyn, housi Jesus Cristo ita Na’i, glória, kmanek, kbiit no naran boot houri uluk, ohin no tinan ba tinan! Amen.

Maromak Futar Lia.

 

Salmo Responsorial                                                                                                                                                          Sal. 62(63). 2, 3-4, 5-6 (R. 26b)

Refrão : Ha’u Nia Maromak, ha’u klamar hamrook ba Ita!!! Repete-se

 

Na’i, ha’u nia Maromak, ha’u buka Ita

Houri rai hun mutin;

Ha’u klamar hamrook ba Ita.

Ha’u isin buka tebes Ita,

Hanesan rai maran wé laek. Refrão

 

Ha’u hakarak hahi Ita iha kadunan,

Atu haré Ita Nia kbiit no glória.

Ita Nia graça folin liu moris tomak;

Tan ne’e, ha’u ibun hananu hahi Ita. Refrão

 

Nune’e, ha’u sei hahi Itaboot iha ha’u moris tomak,

Hodi hahi Ita, ha’u sei foti ha’u liman;

Ita habosu ha’u ho aihan furak tebes,

Ho lian ksolok nian, ha’u hahi Itaboot. Refrão

 

Aclamação                                                                                                                                                                                                   cf. Col. 3. 16ª, 17c

Refrão : Aleluia, Aleluia! Repete-se

                  Cristo nia liafuan sei hourik ho imi; sei fó agradece ba

                  Maromak hodi Cristo nia naran. Refrão

 

Evangelho                                                                                                                                                                                                             Mc. 11. 27-33

+Na’i Jesus Cristo nia Evangelho nu’udar São Marcos haktuir:

Iha tempo neba, Jesus ho nia escolante sira fila fali ba Jerusalém. Wainhira Jesus la’o daudaun iha templo, amlulik boot sira no escriba no katuas sira ba hasouru Nia. Sira dehan ba Nia: “Ho kbiit ida nebé mak ó halo buat ne’e? Eh, ema se mak fó kbiit ba ó atu halo buat hirak ne’e hotu?” Jesus hatan: “Ha’u sei husu buat ida de’it ba imi. Imi hatan mai Ha’u karik, Ha’u mós sei hateten ba imi ho kbiit ida nebé lós mak Ha’u halo buat ne’e hotu. João nia baptismo housi Lalehan ka housi ema? Hatan mai Ha’u ba!” Sira haksesuk malu hodi dehan: “Ita dehan karik housi Lalehan, Nia sei hateten ‘Tan sá imi lakohi fiar nia?’ Maibé ita hateten karik, ‘Housi ema,’ – sira ta’uk povo basá ema hotu fiar katak João ne’e profeta lolós. Ne’e duni sira hatan ba Jesus dehan: “Ami la hatene”. Jesus dehan ba sira, “Ha’u mós la hateten ba imi ho kbiit ida nebé lós mak Ha’u halo buat hirak ne hotu

Lia Maksoyn

Leave a Reply

Your email address will not be published. Required fields are marked *