shadow
Diocese de Dili > NOTÍCIAS > REFLEXÃO > HALO IDA NEE HODI HANOIN HAU

HALO IDA NEE HODI HANOIN HAU

REFLEXÃO & LEITURAS DOMINGO COMUM IX, Ano B/2018

(CORPO E SANGUE DE CRISTO)

Deut. 5, 12-15;  Sal. 80(81), 3-4, 5-6ab, 6c-8a. 10-11ab;  2Cor. 4, 2-11.; Mc. 2, 23-3, 6.

 

Primeira Leitura                                                                                                                                                                                               Deut. 5, 12-15

            Lia husi livro Deoteronómio:

Na’i dehan nune’e:“ Ó sei rai didi’ak loron sábado, hodi hasanto nia, nu’idar Na’i ó Maromak fó hatene nanis ona. Ó sei halo serviço  iha loron neen nia laran; no iha  loron hirak ne’e nia laran ó sei halo ó nia serviço  nebé iha atu halo. Maibé iha loron ba dala hitu, loron hamahan-an nian, ne’e mak loron Na’i , ó nia Maromak nian. Ó sei la halo naran serviço ida, Ó, Ó nia oan mane no ó nia oan feto, ó nia atan mane ka feto, ó nia karau vaca, no ó nia balada sira seluk; no mos ema rai seluk nia nebé hela ho ó. Nune’e ó nia atan mane ka feto bele descansa, hanesan ó. Ó sei hanoin hikas fali katak: ó uluk hela nu’udar atan iha rai Egipto nian, nebé Na’i ó nia Maromak halo ó sai husi nebá, ho nia liman kbiit wa’in. Tan ne’e, Na’i ó nia Maromak, haruka ó atu rai didi’ak loron sábado”.

Maromak Futar Lia.                                                                                 

 

Salmo Reponsorial                                                                                                                                              Sal. 80(81), 3-4, 5-6ab, 6c-8a. 10-11ab

Refrão : Hahí Maromak ba, basá Nia ita nia Na’in!!! Repete-se

 

Haksolok iha Maromak basá Nia ita Kbiit

Hahí Jacob  nia Maromak;

Dere harpa no lira bá

Ba loron uluk fulan nian, ita festa. Refrão

 

Nu’udar lei ida ba Israel,

Ukun fuan ida Maromak Jacob nian;

Nu’udar ordem ida nebé nia fo ba José

Wainhira nia sai hasouru Egipto. Refrão

 

Rona lia-fuan nebé ladauk rona sei. Na’i dehan

Ha’u sei hakmán todan nebé hanehan hela ó nia kbaas sira;

Ó nia liman sira sei la lori tan luhu,

Ó bolu ha’u iha susar laran, ha’u soy ó. Refrão

 

Ó sei la iha tan Maromak seluk ida ,

Ó sei la adora tan Maromak seluk ida.

Ha’u mak Na’i ó nia Maromak,

Nebé halo ó sai housi rai Egipto nia. Refrão

 

Segunda Leitura                                                                                                                                                                                                  2Cor. 4, 2-11

            Lia husi São Paulo nia surat ba sarani sira iha Corinto:  

            Maun-alin sira: Maromak nebé dehan; “Housi nakukun, naroman sei mosu mai”, mak nabilan iha ita fuan sira, atu iha Ninia naroman bele hatene glória Maromak nian, nebé hatudu iha Cristo futar lia. Maibé, ita lori buat murak ne’e mai atu ita hatene lós katak kbiit wa’in liu ne’e mai husi Maromak, la mai husi ita iha buat hotu ita hetan terus, maibé la hetan laran susar, ita la’o la hatene tuir-an , maibé, la  la’o mesak, ema hamatan tuir ita atu halo aat, maibé ita hetan tulun nafatin; ita kbiit laek liu, maibé, ita fuan la moris iha fati hotu, ita lori nafatin ita isin Jesus nia mate, atu nune’e Jesus nia moris bele hatudu-an mos iha ita isin. Nune’e ita nebé moris hela, ita sei saran-an nafatin ba mate tan domin Jesus nian atu Na’i  Jesus nia moris bele hatudu-na nafatin iha ita isin nebé sei mate.

Maromak futar lia.       

 

Aclamação :                                                                                                                                                                                                               Jo. 17, 17b

Refrão : Aleluia! Repete-se

                  Ita futar lia-fuan mak lialós, na’i.

                  Hametin ami iha ita futar lialós. Refrão

 

Evangelho                                                                                                                                                                                                           Mc. 2, 23-3, 6

          Na’i Jesus Cristo nia Evangelho nu’udar São Marcos haktuir:

Jesus liu husi toos trigo nian, iha loron sábado ida, discípulos sira wainhira la’o daudaun hahú hili trigo fulin. Ema fariseu sira hatete ba Jesus: “ Haré ba, oinsa  sira halo iha sábado, buat nebé la bele atu halo?” Jesus hatán ba sira: Imi seidauk lê buat nebé David halo, wainhira nia senti hamlaha, nia rasik ho sira nebé hela ho nia? Tama tiha iha Na’i nia uma, imi simu sacerdote ABIATAR nia tempo, han tiha ai-han sira nebé tau iha fatin santo nian, nebé ba ema sacerdote sira de’it mak bele han; nia fo mos pão ne’e ba sira nebé hamutuk ho nia?” No dehan teni:“ Sábado ne’e, halo tamba ema, la’os halo ema tan sábado. Tan ne’e mane Maksoyn mos Na’in sábado nian”. Jesus tama hikas fali iha uma harohan nian ida, nebé iha hela mane ida ho liman maten. Fariseu sira hafuhu hela Jesus housi besik, hodi haré, Nia ba karik kura ema ne’e iha sábado, hodi nune’e sira bele tau sala ba nia leten. Jesus lia tun ba ema nebé iha liman maten: Hamríik tiha iha klaran nebá”. Hafoin, Nia husu ba sira: “ Iha loron sábado bele halo buat di’ak ka halo buat att, soy ema nia moris, ka hasai tiha ema nia moris?” Maibé, sira nonok hela de’it. Nune’e, Nia haré sira ho laran susar tebes tan sira nia fuan to’os, Nia dehan ba mane ne’e: “ halolo ó liman ba”. Nia halolo nia liman, nia liman sai di’ak tiha kedas. Fariseu sira sai tiha halibur-an hamutuk ho Herodes nia emar sira, futu lia hamutuk hasouru Jesus, atu nune’e bele halakon tiha Nia.

Lia Maksoyn.

 

 

Reflexão :          

HALO IDA NEE HODI HANOIN HAU

Iha celebração litúrgica ou missa, iha momento consagração Santíssimo Sacramento, amululik celebrante sempre temi lia fuan”Nee Hau nia isin saran ba mate tan imi…..Halo ida nee hodi hanoin Hau”. Iha missa, lia fuan nee sempre repete tanba reflece directamente ba Nai Jesus nia declaração há momento han kalan ikus nian.

Instituição sacramento Eucaristia nebe hahu iha altura nebá (última ceia), sai hanesan base fundamental ba contemplação cristão Católico sira nian hodi simu Cristo nia futar isi no ran nudar ai-han los, ai-han moris rohan laek nian.   

Tinan-tinan ita comemora clebração Corpo e Sangue de Cristo. Celebração nee endereça (mengarahkan) ita nobun nia concentração  ba Sacramento Eucaristia. Dala wain ita sempre buka atu entende didiak  sentido klean husi Corpo e Sangue de Cristo iha momento Eucarustia. Buat nebe dada liu ita nia atenção mak Nai Jesus nia nebe tenik katak: ”Nee Hau nia isin….nee Hau nia ran…..halo ida nee hodi hanoin Hau” Pao no tua nakfilak sai Cristo nia Futar isin no Futar Ran ba ita nia necessidade Espiritual Jesus rasik justifica ida nee hodi tenik katak; “Hau nia isin ai-han los..Hau nia Ran tua lolos…se mak han ai-han nee…se mak hemu tua nee…sei hetan moris rohan laek”.

Celebração litúrgica nudar expressão boot liu nebe hatudu relação íntima entre ema ho Maromak ao mesmo tempo relação diak entre ema ho ema iha convivência lorloron. Ba ida nee, Santa Catarina de Sena halo relflexão ida hodi tenik:”Eucaristia nudar dalan nebe kmook liu ba união entre ema ho Maromak no conhecimento nebe boot lia ba verdade”.

Eucaristia precisa celebra tuir contexto social nebe sociedade enfrenta. Iha situação crise ruma, Eucaristia celebra hodi fo laran hakmatek ba sarani nebe sente tauk. Ba situação susar ruma, Euacristia celebra hodi fo laran metin ba sarani nebe desesperado. Iha momento haksolok, Eucaristia celebra hodi halo sarani sente agradece ba Maromak…nst. Nunee, tuir contexto Católico, Eucaristi nee Laos assunto pessoal maibé, nee assunto colectivo (assunto eclessial/sarani hotu nia dever).

Profeta Amos (Amos 5,21-25) no Profeta Isaías (Is 1,11017) fortemente halo crítica ba celebração sira nebe la iha relação ho Maromak no ita nia maluk sira. Iha Missa (Eucaristia), amululik sira sempre temi bebeik lai fuan:”Halo ida nee hodi hanoin Hau”, tuir lolos atu cumpri deit lia fuan nebe Jesus rasik temi iha tinan rihun rua liu ba (última ceia). Maske ita nia maluk religião seluk dehan ida nee memória deit, maibé, ba ita Católico sira, nee Laos memória maibé, presença concreta Jesus Cristo nian wainhira ita celebra hamutuk Eucaristia.

Los duni katak, iha momento han kalan ikus nian (última ceia), Jesus simbólicamente no profeticamente utiliza formato pão ho tua. Maibé, iha realidade, pão ho tua nee nee transforma ba Cristo nia futar isin no ran lolos. Justificação final husi nee mak iha loron tuir mai, Jesus ema hedi iha cruz hodi fo prova lolos katak Jesus nia hahlok Domin hodi saran-An nee expressa duni Aman Maromak nia domin ba mundo. Hadomi no tuir Jesus significa halo tuir buat hotu nebe Jesus haruka atu ita banati tuir.

Atu taka reflexão nee, ita precisa hafoun bebeik moris nee liu husi Sacramento Reconciliação (Confessa) no Sacramento Eucaristia (Missa). Participa Eucaristia significa hatudu ita nia disponibilidade (laran kmaan) hodi halo diak ba ema seluk. Hanesan Nai Jesus silu no fahe pão, acto ida nee mos precisa ita aplica iha moris sarani hodi fahe ba malu husi buat nebe ita iha (Caridade). Profeta Isaías hatete, buat nebe o simu de graça, fahe mos de graça. Tanba nee mak Eucaristia Laos questão pessoal maibé, nee assunto colectivo (sarani hotu precisa participa no pratica iha moris). Se ita la consegue aplica ida nee, automaticamente ita monu ba egoísmo (hanoin-na deit) no idiferença (cuek ho situação ema seluk nian).  

Jesus la deseja atu celebração Eucaristia nee Igreja celebra formal deit hanesan rame-rame deit hanesan ita ba tuir procissão k aba tuir campanha partido maibé, Jesus harak celebração nee husi fuan sarani nian nebe kmanek no mos atu habosu necessidade klamar nian.

Eucaristia sei lakon nia sentido eh valor wainhira  ita desliga nia sentido ho moris sarani iha sociedade. Nee significa katak; se ita missa lorloron maibé ita nunca halo ação caritativa ruma iha ita nia sociedade, vale a pena?…..Iha Eucaristia, Jesus saran nia isin, iha sociedade ita mos precisa fahe buat ruma husi saída mak ita iha ba mos ema seluk. Jesus fo atu ita mos fo tutan ba ema seluk liu husi ação concreta no hahalok moris sarani nian nebe exemplar.

Iha documento Concílio Vaticano II justifica katak:“Ekaristi adalah sumber dan puncak setiap hidup kristiani”. São João Paulo II fali iha Ninia refelexão hatete katak: Igreja moris husi Eucaristia/Gereja hidup dari Ekaristi”. 

Fulan Junho nudar fulan dedicado especial ba sagrado Corção de Jesus, Sarani hotu precisa aproveita hodi banati tuir Jesus futar Santo iha Eucaristia no iha moris sarani sociedade Timor Leste nian Maromak fo lron 6 mai ita no ita dedica loron Domingo especial ba Maromak hodi hanoin Maromak nia diak sira. Amen. Assim Seja e Bem Haja (ILBAFS)

Leave a Reply

Your email address will not be published. Required fields are marked *