shadow
Diocese de Dili > NOTÍCIAS > LETURA DIÁRIA > Quarta-Feira, IX Semana Tempo Comum

Quarta-Feira, IX Semana Tempo Comum

ANO B

 

Primeira Leitura                                                                                2Tim. 1. 1-3, 6-12    

Lia housi São Paulo nia segunda Surat ba Timóteo:

Housi Paulo, Cristo Jesus nia apóstolo tan Maromak nia hakarak, tuir promessa kona ba moris iha Cristo Jesus, ba Timóteo, ha’u nia oan doben: graça, laran luak no dame housi Aman Maromak no housi Cristo Jesus, ita Na’i.

Kalan loron ha’u fó agradece ba Maromak, nebe ha’u serbi ho laran mós nu’udar    ita nia bei-ala sira halo, uainhira ha’u hanoin ó iha ha’u nia orasaun.

Tan ne’e, ha’u dehan fali ba ó atu halo moris hanesan ahi lakan presente nebe Maromak nebe haraik ona ba ó iha tempo nebe ha’u tau liman ba ó. Maromak nia presente ne’e la’os ema taukten nia neon, maibe espírito biit, domin no ukun an nian. Ne’e duni, ó la bele moe uainhira ó fó sasin kona ba ita Na’i, eh moe kona ba ha’u, Jesus nia dadur na’in; maibe hamutuk ho ha’u, ó bele tahan terus no susar tanba Evangelho, hodi fiar de’it biit Maromak nian, nebe soi ita no bolu ita atu sai santo; la’os tanba buat nebe ita rasik halo, maibe tanba Nia hakarak rasik  no tanba nia graça. Graça ida ne’e fó tiha ona mai ita, iha Cristo Jesus, molok tempo hahu, maibe foin mak fó hatene sai housi ita Maksoi, Cristo Jesus, nia hi’it an mai. Nia sobu rahun mate, hodi haklaken moris rohan laek housi Evangelho; no Maromak foti ha’u atu sai nia manu ain, nia apóstolo no mestre.

Tanba buat sira ne’e mak ha’u hetan susar; maibe ha’u la moe, basá ha’u hatene ida nebe ha’u fiar, no ha’u hatene lolós katak Nia bele tau matan ba buat hotu nebe Nia saran mai ha’u to’o loron neba.

Maromak Futar Lia.

 

Salmo Responsorial                                                                                                                                                         Sal. 122(123). 1-2ª, 2bcd (R. 1a)

Refrão : Ba ita, Na’i, ha’u fila ha’u oin!!! Repete-se

 

Ha’u foti ha’u matan ba ita boot,

Ba ita boot be hôrik iha lalehan;

Hanesan atan nia matan,

Fila ba nia na’in nia liman. Refrão

 

Hanesan atan feto nia matan,

Fila ba Na’in feto nia liman;

Nune’e mós ami matan fila ba Maromak

To’o Nia hatudu Nia laran-luak. Refrão

 

Aclamação                                                                                                                                                                                                           Jo. 11. 25a-26

Refrão : Aleluia, Aleluia! Repete-se

                  Jesus dehan: “Ha’u ne’e moris hi’as no moris.

                  Ema nebe fiar ha’u, maski mate ona, nia sei moris. Refrão

 

Evangelho                                                                                                                                                                                                             Mc. 12. 18-27

Na’i Jesus Cristo nia  Evangelho nu’udar São Marcos haktuir:

Iha tempo neba, ema saduceu balun nebe dehan katak la iha moris hi’as hakbesik Jesus hodi husu Nia “ Mestre, Moisés hakerek ba imi katak uainhira mane ida nia maun mate hodi husik nia kaben no la husik oan, mane ne’e sei hola feto faluk ne’e atu fó oan ba nia maun. Iha maun-alin na’in hitu. Ida boot liu hola feto, hafoin nia mate, la hetan oan ida. Ida nebe tuir hola feto faluk ne’e, maibe nia mós mate, la hetan oan. Nune’e mós ida nebe tuir nia. Sira na’in hitu ne’e la hetan oan ida. Ikus mai feto ne’e mós mate. Iha moris hi’as, uanhira sira hotu sei moris fali, feto ne’e se lós nia kaben, basá sira hotu hola nia?” Jesus hatan ba sira, “Imi hanoin sala teb-tebes! Imi la compreende Escritura sira no Maromak  nia biit. Basá uainhira sira moris hi’as hosi mate, sira la hola malu tan; sira sei sai hanesan anjo sira iha lalehan. Kona ba matebian sira moris hi’as fali, imi la lê iha Moisés nia livro, iha ai nebe lakan, oin sá Na’i Maromak ko’alia ba nia dehan: ‘Ha’u Abraão nia Maromak, Isaac nia Maromak, no Jacob nia Maromak.’ Nia la’os ema mate nia Maromak maibe ema moris nian. Imi hanoin sala teb-tebes!”

Lia Maksoyn.

Leave a Reply

Your email address will not be published. Required fields are marked *