shadow
Diocese de Dili > NOTÍCIAS > LETURA DIÁRIA > Quinta-Feira, IX Semana Tempo Comum

Quinta-Feira, IX Semana Tempo Comum

ANO B

 

Primeira Leitura                                                                                    2Tm. 2. 8-15

Lia housi São Paulo nia segunda Surat  ba Timóteo

Oan doben: Hanoin fali Evangelho nebe ha’u fó sai: “Jesus Cristo moris hi’as ona housi mate, Nia mai housi uma-kain David;” tan ne’e mak ha’u hetan susar sira ne’e, to’o kan kesi metin ho corrente hanesan ema áat ida; maibe ema sira la bele kesi metin Evangelho. Tan ne’e, ha’u tahan hotu tanba sira hotu nebe Maromak fihir ona, atu nune’e, sira bele hetan maksoin nebe iha Cristo Jesus no moris rohan laek nebe la’o hamutuk ho maksoin ne’e. Ó bele káer metin liafuan hirak ne’e: Ita mate hamutuk ho Nia karik, ita sei hamutuk ho Nia; Ita heuuai Nia karik, Nia mós sei heuuai ita; ita laran la metin ba nia karik, maibe Nia laran metin nafatin, basá Nia la bele heuuai-An. Halo sira hanoin fali ida ne’e, hodi fó hateneba sira iha Maromak nia naran katak la bele haksesuk malu kona ba liafuan sira: buat ne’e lori de’it susar ba sira nebe rona. Halo buat hot-hotu atu hamriik iha Maromak futar oin nu’udar ema nebe susar oi-oin koko ona, no nu’udar ema nebe la bele moe kona ba nia hahalok sira iha nia moris tomak, maibe tuir nafatin dalan lós ho lia menon lialos nian.

Maromak Futar Lia.              

                                    

Salmo Responsorial                                                                                                                                         Sal. 24(25). 4bc-5ab, 8-9, 10, 14 (R. 4a)

Refrão : Na’i hanorin ita dalan mai ha’u!!! Repete-se

 

Na’i, hatudu dalan mai ha’u,

Hanourin ha’u ita dalan;

Dada dalan mai ha’u tuir ita lialós,

Tan Ita ha’u Maromak, ha’u Maksoi. Refrão

 

Na’i di’ak tebes no laran lós,

Hanourin nia dalan ba ema maksalak sira;

Dala dalan ba kiik sira iha justiça,

Haraik ba sira hatene nia dalan. Refrão

 

Na’i nia dalan mak laran mamar no laran metin

Ba sira nebe halo tuir Nia moruk no Nia ukunfuan;

Na’i bolu ba nia fuan, sira nebe hamta’uk Nia,

No fó hatene ba sira, Nia lia moruk. Refrão

 

Aclamação                                                                                                                                                                                                                2Tim. 1. 10

Refrão :  Aleluia, Aleluia!  Repete-se

                   Jesus Cristo, ita Nia Maksoi halakon mate;

                    Nia halo moris nabilan housi Evangelho. Refrão  

 

Evangelho                                                                                                                                                                                                         Mc. 12. 28b-34

Na’i Jesus Cristo nia Evangelho nu’udar São Marcos haktuir:

Iha tempo neba, Escriba ida, mai hakbesik nia hodi husu, “Ukunfuan uluk liu hotu mak ida nebe lós?” Jesus hatan, “ida nebe uluk liu mak: ‘Rona ba Israel. Na’i, ita nia Maromak, mak Na’i ida mesak. Ó sei hadomi Na’i, ó nia Maromak ho ó nia fuan tomak, ho ó nia klamar  tomak, ho nia hanoin tomak no ho ó nia biit tomak.’ Ida tuir nia mak ne’e: ‘ó sei hadomi ó nia maluk nu’udar ó nia an rasik. Laiha tan uknfuan nebe boot liu tan boot sira ne’e.” escriba ne’e dehan ba nia, “Di’ak, Mestre. Ho lialos, Ita dehan katak Maromak ida de’it; la iha tan ida seluk, Nia mesak de’it.hadomi Nia ho fuan tomak, no ho hanoin tomak no biit tomak, no hadomi maluk hanesan  ó-an rasikmak boot liu buat karan no sunu no sacrafício hotu.” Jesus haré katak nia ko’alia ho matenek, dehan ba nia, “Ó la dook housi Maromak na reino!” laiha tan ema nebe barani atu husu buat ruma ba Nia.   

Lia maksoyn.

Leave a Reply

Your email address will not be published. Required fields are marked *