shadow
Diocese de Dili > NOTÍCIAS > LETURA DIÁRIA > Sexta-Feira, IX Semana Tempo Comum

Sexta-Feira, IX Semana Tempo Comum

ANO B

 

Primeira Leitura                                                                                   2Tim. 3. 10-17

Lia housi São Paulo Nia segunda surat  ba Timóteo    

Oan doben, ó hatene ona buat nebe ha’u hanourin, ha’u moris, buat n ebe ha’u haka’as an atu manan iha moris; ha’u nia fiar, ha’u nia paciência, ha’u nia domin; ha’u nia laran metin, no susar no terus nebe ha’u hetan iha rai Antiokia, Ikonia no Listra; susar hotu nebe ha’u tahan:maibe housi sira ne’e hotu soi tiha ha’u. ne’e duni, ema nebe buka atu moris santo iha Cristo Jesus sei hetan susar, 13 maibe ema áat no bosokten sira sei la’o housi áat ba áat liu, hodi bosok ema seluk no mós sira nia an.

O fali, laran metin ba buat nebe o hatene ona no buat nebe ó fiar nu’udar lialos; hodi hatene didi’ak se mak o nia mestre ne’e, no oin sá, houri kiik kedas, o hatene Sagrada Escritura, nebe hanourin atu hetan maksoin housi fiar iha Cristo Jesus. Maromak leno escritura hotu; nia di’ak atu hanourin, atu halakon hanourin nebe la lós, atu sai matadalan ba ema nia moris, no atu hanourin sira sai santo. Nune’e mak ema Maromak nian bele hetan biit no hadi’a an ba hahalok di’akm hotu.

Maromak Futar Lia.

 

Salmo Responsorial                                                                                                                      Sal. 118(119). 157, 160, 161, 165, 166, 168 (R. 165a)

Refrão : Sira be hadomi ita lei, moris iha dame!!! Repete-se

 

Ema barak haterus ha’u no halo áat mai ha’u,

Maibe, ha’u la se’es housi ita dalan.

Lialós mak ita liafuan nia abut,

No ita nia tesi lia ho justiça hela ba nafatin. Refrão

 

Biit na’in sira haterus ha’u la’os tan buat ruma’

Maibe, ha’u fuan hamta’uk de’it ita liafuan.

Siraa be hadomi ita lei moris iha dame,

No buat ida la hasusar sira. Refrão

 

Na’i, ha’u hein ita maksoin,

No moris tuir ita ukunfuan.

Ha’u buka moris tuir ita hakaran no ita lei,

Ita dalan iha nafatin ha’u oin. Refrão

 

Aclamação                                                                                                                                                                                                                   Jo. 14. 23

Refrão : Aleluia, Aleluia! Repete-se

                  Na’i dehan: Ema nebe hadomi ha’u, sei halo tuir Ha’u nia liafuan;

                  Ha’u Aman sei hadomi nia, Ami sei mai hela ho nia. Refrão.

 

Evangelho                                                                                                                                                                                                             Mc. 12. 35-37

† Na’i Jesus Cristo nia Evangelho nu’udar São Marcos haktuir:

Iha tempo neba, uainhira Jesus hatan tiha, Nia hanourin iha templo dehan: “Tan sá escriba sira deham katak Cristo ne’e David nia Oan? Basá David rasik, ho Espírito Santo nia naroman, dehan: ‘Na’i hateten ba Ha’u nia Na’i: tur iha ha’u nia sorin kuana to’o tempo nebe Ha’u tau Ó nia funu baluk sira iha Ó ain okos.’David rasik dehan nia Na’i; ne’e duni, oin sá mak nia ninia oan fali?” Ema barak rona nia ho ksolok.

Lia Maksoyn.

Leave a Reply

Your email address will not be published. Required fields are marked *