shadow
Diocese de Dili > NOTÍCIAS > LETURA DIÁRIA > Sábado, IX Semana Tempo Comum

Sábado, IX Semana Tempo Comum

ANO B

 

Primeira Leitura                                                                                    2Tim. 4. 1-8 

Lia housi São Paulo nia Surat ba Timóteo            

Oan doben: Iha Maromak no iha Cristo Jesus nia futar oin, nebe sei tesi lia ba ema moris no ema mate, ha’u saran ba ó knaar ida ne’e, hodi hanoin nia hi’it An mai no nia reino: haklaken lia menon ne’e; iha tempo lós no iha tempo la lós, hato’o nia ba sira. Halakon hanourin bosok ba, hadi’a buat nebe sala, bolu ema atu halo tuir; maibe halo hotu ne’e ho paciência no hodi hanoin atu hanourin. Tempo sei mai duni uainhira ema sei la haksolok ho hanourin lolós; maibe sei buka tuir liafuan nar-naran de’it hodi halibur hamutuk ba sira an mestre sira tuir sira rasik nia hakarak; tuir mai, lakohi rona lialos, sira sei buka aiknanoik sira. Haré didi’ak katak ó tuir dalan lós; aten barani ba iha susar laran, halo knaar atu haklaken Evangelho, káer didi’ak ó nia knaar.

Kona ba ha’u, ha’u nia moris fakar daudaun ona nu’udar sacrifício tua nian, no tempo to’o ona atu ha’u husik rai ne’e. Ha’u halo tiha funu didi’ak to’o rohan; ha’u hein de’it kolen justiça nian, sei haraik mai ha’u iha loron neba; no la’os de’it mai ha’u meibe mós ba sira hotu nebe tetu ho domin Na’i nia hi’it An mai.

Maromak Futar Lia

 

Salmo Responsorial                                                                                                                           Sal. 70(71). 8-9, 14-15ab, 16-17, 22 (R. cf. 15ab)

Refrão : Ha’u ibun sei haklaken Ita maksoyn!!! Repete-se    

 

Ha’u ibun nakonu ho hahi ita,

Ha’u hananu nafatin ita glória.

Keta husik ha’u iha otas katuas nian,

Uainhira ha’u biit nakraik, keta husik ha’u. Refrão

 

Na’i, ha’u hein nafatin iha itaboot,

Ha’u sei la kolen atu hahi ita;

Ha’u ibun sei haklaken Ita justiça,

Loron ba loron, ita maksoin rohan laek. Refrão

 

Na’I, ha’u sei haktuir Ita hahalok kmanek,

Hanoin, Na’i, ita justiça be hanesan ba hotu,

Houri kiik kedas, maromak, Ita hanourin ha’u,

To’o ohin loron ha’u haklaken nafatin,

Ita hahalok kmanek sira. Refrão

 

Ha’u sei hahi ita nia fidelidade ho harpa,

Hananu ba Ita ho lian cítara nian,

Oh! Israel nia Santo.  Refrão      

 

Aclamação                                                                                                                                                                                                                       Mt. 5. 3

Refrão : Aleluia, Aleluia! Repete-se   

                  Ksolok ba sira kiak iha laran,

                   basá reino lalehan sira nian. Refrão

 

Evangelho                                                                                                                                                                                                            Mc. 12. 38-44

Na’i Jesus Cristo nia Evangelho nu’udar São Marcos haktuir:

Iha tempo neba, Jesus dehan hodi hanourin, “ Matan moris ba kona ba escriba sira, nebe hakarak la’o ho unuk nar-naruk atu ema cumprimenta sira iha mercado, atu tur iha sinagoga sira nia oin eh iha ema boot sira nia fatin iha festa. Sira ne’e tolan feto faluk sira nia uma, maski sira halo ema haré ho laran makerek katak sira reza barak. Sira ne’e sei hetan susar boot liu.”

Nia tur iha osan fatin nia oin, hodi haré ema sira nebe tau osan iha neba. Ema riku sira tau osan barak. Feto faluk kiak ida mós mosu mai hodi tau osan rahun kiik rua. Osan ne’e nia folin kiik tebes. Jesus bolu nia escolante sira hodi dehan ba sira, “ Tebes ha’u dehan ba imi;  feto faluk kiak ne’e tau barak  liu fali sira seluk iha osan fatin, basá sira tau osan nebe resin ba sira, maibe housi nia kiak, buat hotu nebe nia iha, nia tau hotu, katak hotu nebe nia hodi bele moris.”

Lia maksoyn.

Leave a Reply

Your email address will not be published. Required fields are marked *