shadow
Diocese de Dili > NOTÍCIAS > REFLEXÃO > O pecado sem perdão

O pecado sem perdão

Reflexão & Leituras Domingo Comum X, Ano B 2018

Gén. 3, 9-15; Sal. 129(130), 1-2. 3-4ab. 4c-6. 7-8; 2Cor. 4, 13-5, 1; Mc. 3, 20-35

 

Primeira Leitura                                                                                                                                                                                                  Gén. 3, 9-15

Lia Husi Livro Génesis:       

Wainhira Adão han liu tiha ai-fuan bandu, Na’i Maromak bolu nai, hodi dehan ba nia:” Ó iha nebé?” Nia hatán: “ Ha’u rona ita ain fatin tarutu iha jardim, ha’u laran ta’uk tebes, basá, ha’u isin tanan; tan ne’e ha’u haksumik-an tiha”. Maromak dehan: “ Ema sê mak fo hatene ba ó, katak ó isin tanan: ó keta han karik ai-fuan nebé ha’u bandu atu han?” Mane hatán: “ Feto nebé ita boot haraik mai ha’u, mak fo ai-fuan ne’e mai, ha’u han duni”. Na’i Maromak husu ba feto: “ Ó halo sá ne’e?”  Feto hatán: “ Samean bosok ha’u, ha’u han duni”. Nune’e Na’i Maromak lia tun ba samean: “ Tan ó halo ida ne’e, ó sei hetan malisan aat liu tiha balada dian sira no balada fuik sira leet. Ó sei dólar de’it, ó han de’it rai-rahun iha ó nia moris tomak. Ó Sei hirus malu ho feto. Ó oan sira no ninian luli malu. Feto ne’e sei sama hanehan ó nia ulun, ó sei buka hakanek nia ain tuban.

Maromak Futar Lia.            

 

Salmo Responsorial                                                                                                                                                     Sal. 129(130), 1-2. 3-4ab. 4c-6. 7-8

Refrão : Iha Nai hetan laran luak!

                 Iha Na’i hetan laran luak wa’in tebes! Repete-se

 

Housi ha’u neon tomak, ha’u hakilar ba ita Na’i,

Na’i, rona ha’u lian ba!

Sê didi’ak ita tilun,

Hodi rona ha’u  hakilar harohan nian. Refrão

 

Ita lori karik baa at ami salan,

Na’i, ema sê bele soy an?

Maibé, Na’i, iha ita, hetan mak perdão;

Tan ne,e, ami serbi ita ho haraik-an. Refrão

 

Ha’u klamar hein Na’i no tau laran metin iha nia lia-fuan.

Ha’u klamar hein hela Na’i

Liu fali sintinela ida

Hein hela loro-matan nakfera. Refrão

 

Nu’udar sintinela ida hein hela dader,

Nune’e mos Israel hein hela Na’i.

Tan iha Na’i hetan laran luak;

Iha nia bele hetan maksoyn wa’in;

Nia mak sei soy Israel, housi nia hahalok aat hotu. Refrão

 

Segunda Leitura                                                                                                                                                                                              2Cor. 4, 13-5, 1

Lia housi São Paulo nia surat ba sarani sira iha Corinto:

Maun alin sira Escritura dehan: “ Ha’u fiar, tan ne’e ha’u ko’alia”. Ho Espírito fiar nian ida ne’e duni mak ita iha fiar, tan ne’e ita ko’alia. Basá, nu’udar ita hatene, ida nebé halo Na’i Jesus moris hias, hanesan ne’e mos sei halo ita moris hias ho Jesus no  sei lori ita hamutuk ho imi ba nia sorin. Halo buat hirak ne’e hotu, tan imi, atu graça ida wa’in tebes, iha sarani lubun boot ne’e, bele haburas-an hodi hatene buka hahí ba glória Maromak nian. Tan ne’e mak ami  la lakon kbiit: buat nebé haré iha ami housi liur bele rahun ba dadaun, maibé, buat nebé iha ami laran, lor-loron hafoun-an nafatin. Basá, terus kman tempo ruma nian, hadi’a ami liu fali buat hotu no sasukat ruma, ba todan ida rohan-laek glória nian. Ami la haré ba buat hirak nebé bele haré, ami haré de’it ba buat nebé la bele haré hela ba nafatin. Ita hatene nanis katak, ita nia horik fatin rai ne’e nian monu karik, katak ita isin rai ninian, ita sei simu housi Maromak, isin seluk ida atu ita hela iha lalehan, horik fatin rohan laek nebé la halo ho liman ema nian.

Maromak Futar  Lia.

 

Aclamação                                                                                                                                                                                                                    Jo. 12, 31

Refrão : Aleluia! Repete-se

                  Na’i dehan oras ne’e, Ema atu soe sai liurai mundo ne’e  nian.

                  Maibé, Ha’u, ema harí tiha Ha’u housi rai, ha’u sei dada ema hotu mai Ha’u-an. Refrão

 

Evangelho                                                                                                                                                                                                               Mc. 3, 20-35

Na’i Jesus Cristo Nia Evangelho Nu’udar São Marcos Haktuir:

Iha tempo nebá, Jesus tama fila fali iha uma. Ema lubun boot  libur-an hamutuk fali tan, hodi la fo fatin atu han. Wainhira rona tiha buat ne’e, Jesus nia Parente sira ba kedas atu halo konta Nia, basá, ema sira dehan: “ Nia sai tiha housi nia-an”. Escriba sira nebé tun husi Jerusalém dehan: “ kbiit Belzebú nian iha Nia”, tan: “ Housi ulun boot demónio sira nian mak Nia duni sai demónio sira”. Maibé, Jesus bolu sira hotu, mai iha nia oin, hafoin Nia dehan ba sira, hodi aiknanoik: “ Oin Sá bele Satanás duni sai Satanás? Povo ida fahe tiha nia-an, hafunu karik hasoru nia-an rasik, povo ne’e la bele iha tan. Uma ida fahe-an tiha, hafunu hasouru karik nia-an rasik, uma ne’e la bele hala tan nu’udar uma. Tan ne’e, Satanás hamríik karik hasouru nia an rasik, hodi fahe-an, nia la bele iha tan: sei mohu. Maibé, ema la bele tama iha uma, ema forte ida nian, hodi hadau riku soin nebé nia iha, uluk la futu karik nia na’in: nune’e de’it mak bele na’ok nia uma. Ha’u dehan tebes ba imi: sala sira hotu no lia-fuan aat sira hotu nebé oan ema sira nian dehan, sei perdua hotu, maibé, ema nebé dehan lia-fuan aat hasouru Espírito Santo, nia sei la hetan liu perdão: sei hetan castigo rohan laek sala nian”. Dehan ida ne’e, tamba sira ko’alia sai: “Nia iha Espírito fo’er nian ida”.To’o dadaun mai Jesus nia inan ho nia maun-alin sira. Sira hela de’it iha liur, hodi haruka bolu Nia. Ema barak liu, tur haleu hela Nia, wainhira sira dehan ba Nia: Ó nia inan ho Ó nia Maun-alin sira iha liur, buka hela Ó”. Maibé, Jesus hatán ba sira: “ Sira  nebé mak Ha’u Inan ho Ha’u nia maun-alin?” Hateke hale’u hotu ba sira nebé tur hale’u hela Nia, Nia dehan: “ Sira ne’e mak Ha’u nia Inan ho Ha’u nia maun-alin sira. Ema nebé halo tuir Maromak nia hakarak, nia mak Ha’u nia alin, Ha’u nia Feton, Ha’u nia Inan”.

Lia Maksoyn.

 

 

Reflexão:

PECADO SEM PERDÃO

          Iha Domingo semana kotuk, ita rona ona oinsa Jesus hatudu Ninia superioridade nudar sábado nian (O Senhor do Sabbath). Fundamenta ba Domingo Ressurreição mak Cristianismo considera loron Domingo hanesan dia do Senhor hodi substitui loron sábado iha tradição judaica. Cristianismo considera Antigo Testamento hetan nia plenitude iha Novo Testamento ho Jesus nia moris, mate no moris hias. Tanba nee mak Cristianismo em geral no Católicismo em particular considera Domingo nudar loron Nai nian. Justificação fundamental mak Jesus nia lia fuan rasik be tenik katak; Mane Maksoyn mak sábado nia nain (Filho do Homem é o dono do sábado).

          Texto Evangelho iha Missa Domingo semana nee (Domingo Comum X, Ano B) apresenta  parte tolu importante; situa,cão prévia no reacção Jesus nia família (v 20-21); Escribas sira nia acusção ba Jesus (v 22-30); Jesus nia família kona ba Jesus (v 31-34). Ita lee no reflecte didiak iha relato Evangelho Domingo nee, ita descobre razão tanba saida mak escriba sira la fiar Jesus Cristo. Razão simples mak nee; sira la fiar Jesus nudar Messias tan deit sira hatene Jesus nia origem, Jesus nia família, liliu  sira conehce Jesus desde Jesus kiik too adultu. Buat nebe mak haksumik husi sira nia fuan mak; sira la hatene katak Jesus nee

         Ema ho Maromak dala ida. Jesus Maromak tanba nia mak Segunda Pessoa (Deus Filho) iha Santíssima Trindade. Jesus mos ema puro (Ser Humano) tanba Nia hola isin hanesan ema no moris husi feto ida naran Maria neeb Maromak hili nanis.  Buat hotu sai polémica ba escriba sira relaciona ho Jesus nia identidade no missão tanba Jesus halo milagre oioin, declara Nia-An hanesan Messias inclui mos Jesus halo crítica lobuk ida ba costume Judaica hanesan  loron sábado nebe bandu ema labele halo actividade qualquer. 

          Meramente, escriba sira ou grupo religioso sira seluk hanesan Fariseu sira dala barak contra até condena Jesus tanba Jesus nia actuação fo ameaça ba sira nia popularidade iha sociedade Judaica. Se Jesus contra bebeik sira no hanorin povo judeo kona ba sentido fiar, sentido moris hakmatek, sentido domin no sentido estado, significa Fariseu ho escriba sira sei la conhecido (la terkenal) ona hanesan molok Jesus mai. Atu atrai hikas povo nia confiansa, escriba sira kok atu desfama Jesus no convence hikas povo nia confiansa hodi duun Jesus duni sai satanas ho kbiit satanas nian. Até que duun Jesus diabo tama iha Nia laran.

          Situação nee obriga Jesus halo confronto ideia directamente ho sira hodi muda sira nia fuan. Bíblia rasik hatete ona; Ema haree husi parte liur Maibé, Maromak haré liu husi laran. “Hati adalah pusat segala perasaan dan kehendak. Hati menjadi cermin kemanusiaan tiap pribadi. Jika hati manusia baik maka akan muncul sejuta kebaikan dari tutur kata, pola sikap, dan perilaku. Jika hati manusia buruk, penuh dgn kejahatan maka yg terlihat adlh beribu kejahatan baik dlm tutur kata, keinginan, dan perilaku”. Jesus condena Escriba no Fariseu sira tanba, Nudar Maromak, Jesus hatene sira hanoin aat sira. Sira hatudu santo iha liu maibé, laran makerek. Iha relato Evangelho ita rona sira duun Jesus duni sai satanas ho kbiit satanas nian. Nee significa katak, sira nia laran demónio mak domina sira laran hodi cria inimizade no impede Jesus nia missão salvadora.    

          Iha cena tuir mai, Jesus coloca-An hanesan Maromak Oan hodi fo argumento forte ba escriba sira nunee; Ha’u dehan tebes ba imi: sala sira hotu no lia-fuan aat sira hotu nebé oan ema sira nian dehan, sei perdua hotu, maibé, ema nebé dehan lia-fuan aat hasouru Espírito Santo, nia sei la hetan liu perdão: sei hetan castigo rohan laek sala nian”.

          Jesus dehan se mak foti lia hasoru Espírito Santo sei hetan perdão significa ema nebe nega Existencia Espírito Santo hanesan deit ho ema nebe nega kata Maromak la existe.

          Iha primeria leitura, ita contempla oinsa ema monu ba sala…..sala halo ema tauk no dook husi Maromak. Primeira leitura mos loke ita nia nein kona ba influencia husi diabo nebe tenta bebeik ema inclui mos ema nia liberdade hodi halo Maromak nia hakarak ou satanas nia hakrak.

 

Nunee, Evangelho Domingo Comum ba dala x nee, ita bele foti ponto importante balu sai referência ba moris sarani hanesan tuir mai:

  1. Maromak iha laran liak no perdão liu husi Redenção.

Maske ema humanamente fraca maibé, Maromak nia misericórdia comprometido hodi la haluha haraik renden,cão ba ema iha Jesus Cristo nia ser. Maske ema iha altura neba condena Jesus ho maneira oioin maibé, Maromak nia misricórdia fo laran metin ita kona ba salvação ba moris rohan laek. Mea conhece Jesus liu husi Ninia orígem familiar maibé, Maromak haree Jesus liu husi Ninia missão salvadora. Ema monu bebeik ba sala tanba utiliza sala liberdade humana maib’e, Maromak mos husi Nia parte fo nafatin oportunidade atu ema hili dalan nebe los.

  1. Ema deseja nafatin salvação husi Maromak.

Iha Antigo Testamento, demónio halo ema dúvida eh lakon fidelidade ba Maromak maibé, iha Jesus Cristo ita bele descobre katak Maromak nia laran luak (misericórdia) rohan laek. Ema Fariseu ho escriba sira buka dalan oioinh hodi desvia Jesus maibé, Jesus nia doutrina sira continua hetan fatin iha povo fiar nain nia fuan. Nee significa katak; maske iah condição próspero nia laran eh situação pecado nia laran maibé, iha nafatin deseja iha sira nia fuanlaran hodi atinge salvação husi Maromak.

 

  1. Meio sira nebe precisa ita halo tuir atu atinge salvação nee.

Igreja católica halo reflexão klean baseia ba Inspiração Bíblica hodi determina Sacramento 7 atu ema hotu bele atinge salvação iha Cristo.

Eucaristia (missa) halo ita sai ida deit ho Jesus Cristo. Sacramento Confessa halo ema religa fali (halo reconciliação) relação diak ho Maromak nebe kotu iha dalan klaran tanba ema uza sala liberdade nebe Maromak. Husi Sacramento hotu nebe estabelece iha Igreja Católica laran, halo ema reconhece Jesus Cristo nudar único Redento nebe Mai husi Maromak.

Maske ema husi religião seluk, ema husi grupo oioin hatete Jesus nudar figura baibain maibé, ita nudar Cristão Católico tem que conhece Jesus nudar Maksoyn (Redento). Assim Seja e Bem Haja (ILMBAFS)

Leave a Reply

Your email address will not be published. Required fields are marked *