shadow
Diocese de Dili > NOTÍCIAS > LETURA DIÁRIA > Terça-Feira, X Semana Tempo Comum

Terça-Feira, X Semana Tempo Comum

ANO B

 

Primeira Leitura                                                                                    1Rs. 17. 7-16 

Lia housi primeiro livro Liurai sira nia:

Iha loron hirak neba, ué bootm nebe besik Elias hela ba ne’e maran tiha, basá, iha rai neba la udan. Tan ne’e, Na’ilia tun ba nia, nune’e: “ó la’o ba Sarepta iha Sidónia hodi hela iha neba, basá,  Ha’u fó hatene ba feto faluk ida atu fó aihan ba ó”. Elias la’o hodi ba Sarepta. Uainhira to’o iha odamatan cidade nian, nia haré feto faluk ida hilihela ai-maran. Elias bolu nia hodi hateten nune’e. “ Halo favor ida, lori hela ué oituan mai ha’u atu hemu”. Nia atu la’o daudaun ba hola ué, Elias hateten tan ba nia: “Lori mmós pão baluk ida”. Maibe, feto faluk dehan: “ Maromak, ha’u la iha pão tasak; ha’u iha de’it trigo uut uitoan iha sann, ho mina-reino uituan iha botir. Ha’u hili daudaun ai-maran sanak rua, atu ba te’in trigo uut uitoan ne’e, ba ha’u no ba ha’u nia oan. Hafoin, ami sei han, hodi hein de’it ona mate!” elias dehan ba nia: “Keta táuk! Fila ba uman, halo tuir ó hateten. Maibe, tunu uluk tuha lai pão oan ida lori mai ha’u. Hafoin, tunu ba ó nia oan. Basá Israel nia Maromak lia tun, dehan: “ Trigo uut iha sanan laran sei la hotu, mina-reino iha botir sei la mamuk, to’o loron nebe Maromak sei haraik fali udan mai rai”.

Feto faluk ne’e ba, hodi halo tuir nu’udar Elias haruka. Feto faluk ne’e ho nia família ho tan Elias sira hetan aihan natón iha tempo ba tempo barak. Trigo uut iha sana la hotu, mina-reino  iha botir la mamuk, nu’udar Na’i Maromak lia tun dehan hodi Elias nia ibun.

Maromak Futar Lia.  

      

Salmo Responsorial                                                                                                                                                                          Sal. 4. 2-5, 7-8 (R. 7a)    

Refrão : Na’i, haraik ita futar oin nia roman mai ami leten!!! Repete-se

 

Uainhira ha’u husu, rona ha’u ba,

Maromak, justiça na’in.

Ita be soi ha’u housi susar, rona ha’u hamulak.

To’o uainhira, imi, ema, hatós imi fuan?

Tanba imi hadomi loko-an no buka lia bosok. Refrão

 

Hatene ba, Na’i halo kmanek oi-oin ba Nia belun sira,

Na’i rona ha’u lian, uainhira ha’u harohan ba Nia.

Hamta’uk ba, keta halo sala tan;

No hakmatek ba hodi ko’alia ba imi fuan. Refrão

 

Ema ua’in dehan: “ Sé mak sei fó ksolok mai ami?”

Haraik ita futar oin nia roman mai ami leten!

Ita haraik mai ha’u fuan neon ksolok boot,

Liu fali housi trigo no vinho be ua’in.   Refrão 

 

Aclamação                                                                                                                                                                                                                     Mt. 5. 16

Refrão : Aleluia, Aleluia! Repete-se

                  Imi nia naroman sei nabilan mós iha ema sira oin, atu sira haré buat di’ak imi halo,

                  sira hahi imi nia Aman iha lalehan. Refrão

 

Evangelho                                                                                                                                                                                                                Mt. 5. 13-16

Na’i Jesus Cristo nia Evangelho nu’udar São Mateus haktuir:

Iha tempo neba, jesus lia tun ba escolante sira: imi mak masin rai nian. Maibe, masin lakon karik nia meer, nia hameer aihán oinsá? Nia la so’I ona ba buat ida; nia sei de’it atu sóe ba liur, ema atu sama. Imi mak mundo nia naroman. Cidade nebe harí iha foho leten, la bele subar an; áhi-oan sunu la’os atu iha fatin ókos, maibe atu tau iha fatin áas, hodi leno ema hotu iha uma laran. Imi nia naroman sei nabilan mós hanesan  ne’e iha ema sira oin, atu sira haré buat di’ak imi halo, sira hahi imi nia Aman iha Lalehan”.

Lia maksoyn.

Leave a Reply

Your email address will not be published. Required fields are marked *