shadow
Diocese de Dili > NOTÍCIAS > LETURA DIÁRIA > Quarta-Feira, X Semana Tempo Comum

Quarta-Feira, X Semana Tempo Comum

ANO B

 

Primeira Leitura                                                                                   1Rs. 18. 20-39

Lia housi primeiro livro Liurai sira nian.

Iha loron hirak neba, liurai Acab haruka bolu ema Israel oan sira hotu no halibur profeta sira hotu iha foho Carmelo. Nune’e, Elias ba hasouru povo ne’e hodi dehan: “To’o uainhira mak imi sei la’o ho ain ida iha sorin ba, ida iha sorin mai? Na’i mak Maromak karik, imi buka la’o tuir Nai; Baal mak Maromak karik, imi tuir nia ba”. Maibe, povo la hatan lia ida. Elias dehan teni: “Ha’u mesak de’it mak hela nu’udar Na’i nia profeta, no Baal nia profeta sira mak atus háat limanulu. Imi fó karau vaka rua mai ami. Povo sira hili karau vaka ida ba sira; tesi rahun tiha hodi tau iha ai-sunu leten, maibe, la tau áhi. Ha’u hadi’a karau vaka ida seluk hodi tau nia iha ai-sunu leten, maibe, la tau áhi. Hafoin, imi sei harohan ba imi nia maromak naran, no ha’u harohan ba Na’i Nia naran. Ida nebe simu hodi haruka áhi mai Maromak lós”.

Povo tomak htan: “Di’ak!” Elias dehan ba Baal nia profeta sira: “Imi hili karau vaka sira ne’e ida ba imi hodi hadi’a uluk, basá, imi ua’in liu. Imi bele harohan hodi temi imi nia maromak nia naran, maibe keta sunu áhi”. Sira káer tiha karau vaka hodi hadi’a; hafoin, sira harohan hodi Baal nia naran, housi dader to’o loron fahe-rua. Sira dehan: “Baal hatan mai ami ba”. Maibe, la rona lian ida no mós lia hatan nian ida. Sira bidu hodi hakne’ak iha altar be sira halo ne’e nia oin. To’o loron fahe rua Elias hahu dehan ba sira hodi hamnasa: “hakilar maka’as ba, basá, nia maromak ida: nia bele halo hela serbisu ruma, ho hakmatek hanoin hela ka la’o ba dook; sei toba hela karik, maibe, la kleur sei hader!” sira hakilar maka’as liu tan; hanesan bai-bain, sira hakanek-an tiha ho surik no diman, to’o ran suli tuir sira isin. Liu tiha loron fahé-rua, sira harohan nafatin ho hrus teb-tebes, to’o loro-kraik be oras sacrifício nian. Maibe, lo rona lian ida, no mós lia hatan nian ida, no la iha mós sinal nebe hatudu katak maromak ruma rona hela sira.

Nune’e, Elias fehan ba povo tomak: “Imi hakbesik-an mai ha’u”. Povo tomak hakbesik-an tiha ba nia. Elias fihir tiha Na’i nia altar nebe ema sira sobu tiha ne’e. Hafoin, káer tiha iha fatuk sanulu resin rua, tuir uma-kain hirak Jacob nia oan sira nian, ba sira be Na’i lia tun dehan: “Ó nia naran mak Israel”. Ho fatuk hirak ne’e, nia harí tiha altar seluk ida hodi Na’i nia naran, halo hale’u tiha iha altar ué dalan ida, nebe bele sukat ho sasukat fini nian rua. Hafoin, hadi’a tiha ai-sunu, oho tiha karau vaka hodi tesi ba baluk ua’in, tau iha ai-sunu leten, hodi dehan”Dala seluk ida”. Nune’e, sira halo tiha ba dala rua. Hafoin, dehan tan:” Dala seluk ida tan.” Sira halo tiha ba dala tolu. Ué suli hale’u tiha altar, ué dalan mós ué nakonu. To’o oras sacrifício loro-kraik nian, profeta Elias hakbesik-an ba hodi dehan:” Na’i, Abraão nia Maromak, Isaac nia Maromak no Israel nia Maromak, ohin, sira bele hatene katak ita mak Maromak iha Israel, nebe ha’u mak ita serbí-na’in; tan ita haruka ha’u halo tiha buat hirak ne’e hotu. Hatán mai ha’u halo tiha buat hirak ne’e hotu. Hatán mai ha’u ba, Na’i, ita mak Maromak, ita mak nafilak sira fuan”.Nune’e, teki-teki, Na’i nia áhi tun mai, sunu mohu tiha karau-oho, ai-sunu, fatuk sira no rai, no mós ué nebe iha ué dalan. Iha buat kmanek ua’in ne’e nia oin, povo tomak monu takrabat ba rai hodi dehan:” Na’i mak Maromak! Na’i mak Maromak!”.

Maromak Futar Lia.

 

Salmo Responsorial                                                                                                                                                     Sal. 15 (16). 1-2ª, 4, 5, 8, 11 (R. 1ª)

Refrão : Na’i, tahan ha’u tan ita ha’u heli -an- fatin!!! Repete-se

                  

Tahan ha’u, Na’i,

Tan Ita ha’u nia heli-an-fatin;

Ha’u dehan ba Na’i

“Ita ha’u nia Maromak”. Refrão

 

Sira be hakarak Maromak falso sira,

No sira be halai tuir sira,

Ha’u sei la hola parte iha sira nia sacrifício ran nian,

Ha’u ibun sei la temi sira naran. Refrão

 

Na’i, ita ha’u nia liman rohan no cálice,

Ha’u nia moris iha ita futar liman.

Na’i iha nafatin ha’u matan nia oin,

Nia iha ha’u sorin kuana, ha’u sei la monu. Refrão

 

Na’i, hatudu dalan moris nian mai ha’u,

Haraik skolok boot iha ita futar oin;

Iha Ita sorin kuana, haksolok ba nafatin. Refrão

 

Aclamação                                                                                                                                                                                                          Sal. 25. 4b, 5ª

Refrão : Aleluia, Aleluia! Repete-se

                  Na’i, halo ha’u hatene Ita dalan, halo ha’u tuir Ita lialós. Refrão

 

Evangelho                                                                                                                                                                                                                Mt. 5. 17-19

Na’i Jesus Cristo nia Evangelho nu’udar São Mateus haktuir:

Iha tempo neba, Jesus lia tun ba escolante sira, dehan: “Imi keta hanoin katak ha’u mai hasai tiha Lei ka Profeta sira; Ha’u mai la’os atu hasai; Ha’u mai atu halo ema kumpri lolós. Ha’u dehan lialós ba imi: Maski lalehan ho rai lakon, Lei baluk ida mós sei la l;akkon; sei cumpri hotu. Ema nebe la halo tuir ukun fuan hirak ne’e ida, maski ukunfuan ki’ikoan, hodi hanourin nune’e ba ema, nia sei sai kiik liu iha reino lalehan. Maibé, ema nebe moris tuir didiak ukunfuan, hodi hanorin mós maluk seluk, ema ne’e sei sai boot iha reino lalehan”.

Lia Maksoyn.

Leave a Reply

Your email address will not be published. Required fields are marked *