shadow
Diocese de Dili > NOTÍCIAS > LETURA DIÁRIA > Quinta-Feira, X Semana Tempo Comum

Quinta-Feira, X Semana Tempo Comum

ANO B

 

Primeira Leitura                                                                                   1Rs. 18. 41-46

Lia housi primeiro Livro Liurai sira nian

Iha loron hirak neba, profeta Elias dehan ba liurai Acab: “Sa’e ba, ó bele han no hemu, basá, ha’u rona ona udan nia tarutu”. Acab sa’e ba atu han no hemu; Elias ba tiha foho Carmelo nia tutun, hakru’uk tiha ba rai hodi tau ulun iha nia ain tur rua nia leet. Hafoin, dehan ba nia atan: :      “ Ó ba leten hodi haré lós ba tasi”. Nia sa’e ba haré hodi dehan: “La iha buat ida”. Elias dehan fali ba nia: “Ó fila dala hitu”. Nia fila ba mai to’o dala hitu, nia dehan: “Iha neba, mai dadaun kalohan ida, sa’e housi tasi sorin ba, ki’ik hanesan ema ida nia liman belar”. Elias dehan ba nia: “ Ó ba leten hodi dehan ba Acab: “haruka hadi’a kareta kuda nian hodi tun, atu udan la bele hatau netik ó la’o ba oin”. La kleur de’it lalehan sai nakukun tan kalohan no ánin, hafoin údan hahu tau maka’as tebes.Acab sa’e tiha kareta kuda hodi liu ba Jezrael. Na’i nia liman hamahan hela Elias; nia kesi tiha nia hatais iha knotak hodi halai uluk tiha ba Acab nia oin, ba to’o Jezrael nia odamatan.

Maromak Futar Lia.

 

Salmo Responsorial                                                                                                                                                                      Sal. 64(65). 10-13 (R. 2ª)

Refrão : Ba Ita, Na’i Maromak, hasa’e hahi iha Sião!!! Repete-se                  

 

Na’i, Ita tau matan ba rai,

Habokon nia ho ué hodi habokur nia.

Ué matan iha lalehan nakonu resin,

no halo trigo tubun. Refrão

 

Na’i, ita hadi’a rai,

Ita habokon nia ué-dalan no hamamar rai be fila,

Ita hatun u”e boot udan nian,

Ita haraik bensa ba fini. Refrão

 

Ita hafutar tinan ho ita hahalok kmanek,

Housi nebe ita liu, hetan fuan tebar;

Halo matak rai fuik maran sira,

Foho oan sira hafutar-an ho ksolok. Refrão

 

Aclamação                                                                                                                                                                                                                   Jo. 13. 34

Refrão : Aleluia, Aleluia! Repete-se

                  Na’i hateten: Ha’u fó ba imi mandamento foun:

                  imi sei hadomi malu nu’udar ha’u hadomi imi. Refrão

 

Evangelho                                                                                                                                                                                                              Mt. 5. 20-26

Na’i Jesus Cristo nia Evangelho tuir São Mateus:

Iha tempo neba, Jesus lia tun ba escolante sira : “ Imi nia Justiça la lós liu karik escriba noa fariseu sira nian, imi sei la tama iha reino Lalehan. Imi rona dehan ba bei-ala sira nune’e: ‘Ó keta óho; ema nebe óho, sei hatan justiça’. Maibe, ha’u dehan ba imi: Ema nebe laran nakali hasouru nia maun-alin, sei hatan lia justiça. Ema nebe bolu nia maun-alin, sei tama iha tribunal Sinédrio nian. Sé bolu nia maun-alin ema áat, sei hetan terus áhi. Ne’e duni, ó atu hasa’e daudaun karik, ó nia buat-karan iha altar fohon, ó hanoin kona katak, ba uluk dame malu ho nia, hafoin, mai hasa’e ó nia buat-karan. Ó ba dame lalais tiha ho ema nebe imi na’in rua haksesuk malu, molok imi tama iha tribunal; keta halo be, nia fó ó ba juiz, juiz fó ó ba kadeia. Ha’u dehan lialós ba ó: Ó sei la sai housi neba, to’o selu doit ikus”.

Lia maksoyn.

Leave a Reply

Your email address will not be published. Required fields are marked *