shadow
Diocese de Dili > NOTÍCIAS > LETURA DIÁRIA > Sexta-Feira, X Semana Tempo Comum

Sexta-Feira, X Semana Tempo Comum

ANO B

Primeira Leitura.                                                                            1Rs. 19. 9ª. 11-16      

Lia housi Primeiro livro Liurai sira nia

Iha lorn hirak neba, profeta Elias ba to’o Maromak nia foho naran Horeb, hodi ba toba kalan iha fatuk kuak ida. Maromak lia tun ba nia nune’e: “ sai housi ne’e, hodi ba hein Maromak iha foho”. Nune’e, Maromak liu tiha iha nia oin. Anin boot ida huu maka’as iha foho hodi fera fatuk sira; maibe, Maromak la iha ánin laran. Anin liu tiha, rai nakdoko, maibe Maromak la iha rai  nakdoko laran. Liu tiha rai nakdoko, áhi ida lakan, maibe, Maromak la iha áhilakan. Áhi lakan liu tiha, anin mamar ida huu mai. Rona tiha ánin ne’e, Elias taka oin ho nia tais, hodi sai ba tur iha fatuk kuak nia ibun. Nune’e, lian to’o ba nia tilun hodi dehan: “Sá mak ó halo iha ne’e, Elias?” profeta hatan: “Ha’u laran manas tebes hodi hakarak hasouru ita boot, Na’i, maromak lalehan no rai nian, basá, Israel nia oan sira husik hela tiha ita boot nia aliança. Sira harahun ita nia altar sira no hodi surik oho ita nia profeta sira. Hela ha’u mesak, maibe, sira buka atu oho ha’u”.

Na’i dehan ba nia: “Ba, fila fali housi dalan ne’e nafatin, liu housi rai-fuik maran, hodi ba lós Damasco. Uainhira to’o, ó sei tau mina ba Hazael nu’udar liurai Israel Aram nian; hafoin, Jeú, Nimechi nia oan, nu’udar liurai Israel nian. Ó sei tau mina ba Eliseu, Chafat housi Abel-Meolá nia oan, atu sai profeta iha ó nia fatin”.  

Maromak Futar Lia.

 

Salmo Responsorial                                                                                                                                                      Sal. 26(28). 7-9abc, 13-14(R. 8b)

Refrão : Na’i, ha’u buka ita futar oin!!! Repete-se

 

Na’i, rona ha’u lian!

Ho laran-luak sadi’a ha’u!

Ha’u fuan dehan mai ha’u: “Buka Nia futar oin”;

Ita futar oin, Na’i, ha’u Maksoi. Refrão

 

Keta subar ita futar oin housi ha’u,

Keta hadook-An housi ita atan,

Keta heuuai ha’u, keta fila kotuk mai ha’u,

Ha’u Maromak no ha’u Maksoi. Refrão

 

Ha’u hein atu haré Na’i laran-luak

Iha ema moris sira rain.

Tau neon metin iha Na’i,

Barani ba! Tau laran metin iha Na’i!   Refrão

 

Aclamação                                                                                                                                                                                                           Fl. 2. 15d, 16ª

Refrão : Aleluia, Aleluia! Repete-se

                  Imi sei sai nabilan hanesan fitun sira iha mundo,

                  hodi haklaken liafuan moris nian. Refrão

 

Evangelho                                                                                                                                                                                                               Mt. 5. 27-32

Na’i Jesus Cristo nia Evangelho nu’udar São Mateus haktuir:

Iha tempo neba, Jesus lia tun ba escolante sira:”imi rona dehan ba bei-ala sira nune’e: ‘keta halo adultério’.maibe, ha’u dehan ba imi: Ema nebe kaan hateke ba feto ida, nia halo sala ho feto ne’e iha nia laran. Ó nia matan lós dada karik ó ba sala, fokit sai tiha nia, sóe ba dook; di’ak liu ó lakon ó nia matan ida; keta halo be, ho ó nia isin lolon tomak, monu ba Inferno. Ó nia liman lós mak dada karik ó ba sala, tesi tiha nia sóe ba dook; di’ak liu lakon ó nia liman ida; keta halo be, ho ó nia isin lolon tomak monu ba Inferno. Mós ema dehan: ‘Fó surat sóe malu nian ba ema nebe sóe nia féen.’ Maibe, ha’u dehan ba imi: La’os tanba halo sala fo’er mak ema ruma soe karik nia féen, nia halo sala adultério. Ema nebe káben ho feto ema sóe, nia halo adultério.

Lia maksoyn.

Leave a Reply

Your email address will not be published. Required fields are marked *