shadow
Diocese de Dili > NOTÍCIAS > HOMILIA DO BISPO > SAI SANTO HANESAN SANTO ANTÓNIO

SAI SANTO HANESAN SANTO ANTÓNIO

               Ohin dala ida tan sarani Paróquia Motael ho Polícia Nacional Timor-Leste haksolok tanba comemora Festa mahein Santo António nian. Loron Padroeira tem que sai duni loron ida nebe inportante iha Paróquia nune’e mos iha nstituição PNTL nia laran, tanba momento ida atu obedece ba Maromak liu husi interseção Padroeiro nian. Loron ida mos iha nebe paroquiano ida-idak nune’e mos membro Polícia Nacional ida-idak  koko atu confronta imi nia-an ho Padroeiro. Imi nia Padroeiro tem que sai sasukat ida atu imi ida-idak hakasan atu lao tuir nia ain fatin, lao iha dalan santidade ninian. Tanto Padroeiro ohin ita hotu atu sai santo hanesan Nia rasik hatudu hela exemplo mai ita hotu.

               Tinan 2018 ha’u hakarak foti de’it gesto simples tolu (3) nebe Evangelho ohin propõe mai ita liu-liu ba sarani Motael no ba PNTL sira. Evangelho nebe ita rona laos ona buat foun maibe ita rona fila-fila ona. Maibe ohin hakarak convida ita escolante Jesus ninian fo liu tan émfaze ba ação concreto ruma ne’e mak fo Masin, fo sabor. Cidade nebe hatur foho leten atu ema bele hare ‘visibilidade’ no ahi oan naroman la tauk atu fo sasin. Ho símbolo dahuluk nian Jesus husu ita atu sai masin rai ninian atu define nia discípulo sira nia missão iha rai. Tuir custume ka tradição mestre boot sira Israel ninian ka ‘Rabi’ wainhira sira hamulak repete bebeik frase nebe dehan ‘Maromak nia Ukunfuan mak masin ba sira, Lei Santa ida ne’e mak halo sira nia moris iha sabor’. Masin ita hotu hatene katak atu fo sabor ba aihan. Desde tenpo uluk ninian masin mos símbolo ba sapiência nebe ita rona iha Primeira Leitura husi Livro Ben sira.

               Fila ba ita nia experiência wainhira conversação nebe ita halo, conversação nebe laos agradável, sem contiudo, sem graça sira dehan conversação ida nebe sem Sal. Ba ida nee sarani sira iha colossencia nia recomenda ‘Koalia ho laran diak ba hodi tau masin ituan atu imi bele hatene oinsa, imi sei hetan no imi sei hatan ba ema ida-idak’. Ho hanoin ida ne’e imagem masin nia hatudu Escolante sira tem que habelar ba mundo. Matenek ida bele fo sabor, matenek ida nebe bele fo folin sentido ba moris.

               Papa Gregório wainhira rona Frei António ba dahuluk wainhira nia halo nia pregação Papa nee iha kedas isin ahi hitam putih ida nebe kaer tuir Sagrada Escritura tanba reflecte nia conhecimento ida nebe profundo iha nia reflexão, laos nia bele apresenta buat hotu nebe nia hatene maibe oinsa nia simplifica Maromak nia Futar Liafuan ba ema nebe matenek no ema nebe bai-bain. Ema hotu bele iha gosto bele koko Maromak nia Lia fuan nia midar nunee mos bele sente Maromak nia Liafuan iha nia moris.

               Tinan ida nee sarani Diocese Dili ba ita nia pastoral continua convida ita sarani atu lori Maromak nia Futar Liafuan ba iha ida-idak nia família atu família ida-idak tem que le, atu família ida-idak medita, atu família ida-idak husi Maromak nia Liafuan atu penetra iha ita nia família no iha ita nia moris lor-loron. Hudik Maromak nia Liafuan mak sai sasukat ba ita nia moris nudar escolante Cristo ninian. Husik Maromak nia Liafuan mak suakat ita nia conversação sira iha família. Iha ita nia família iha duni conversação ida sabor nudar sarani nian kalae! Infelizmente wainhira ita la sadere ba Maromak nia Futar Liafuan saida mak acontece! Ita balun atu fo sabor ba ita nia conversação ho saida! Ho liafuan at ka ema hanaran tolok tanba ida nebe ba ema balun sai tiha ona Pasword. Maibe mai ita sarani ne’e tolok nee sala tanba falta de caridade. basá ita ofende ema hirak nebe la meresse. Se caridade mak ukunfuan nebe at liu ukun fuan hotu-hotu, lolok mos laos buat bain bain dala barak ita rona. Tanba sa mak ohin loron liafuan at ka tolok daet lalais los ba labarik no foinsae sira nia le’et. Ita mos dala barak koalia iha sira nia oin, bele mos labarik no foinsae sira aprende atu koalia tanba sira rona husi adulto sira nia ibun. Ida nee escândalo nebe ita consiente ka inconsientemente ita halo hodi haonri kokan sira ho ita nia laifuan ou ho ita nia hahalok sabraut sira. Keta haluha Jesus iha nia Evangelho Nia condena makas sira nebe dada kikoan sira, adulucente sira ba sala.

               Santo António ohin convida ita atu fo sabor ba ita nia conversação sira hahu husi família, escola, Institução no iha sociadade, ho liafuan sira nebe mos, los no diak. Ida nee mak sarani. Fila fali ba iha masin hanesan símbolo ba Sapiência. ‘se matenek Evangelho nian ne’e laiha karik ita nia luto ópio iha sentido ruma. Mehi no esperança saida mak bele alimenta ema rai ida nee ninian, dalaruma susar mos ba ita atu sai husi buat nebe dehan iha Livro Quelet ninian, ‘Furak oinsa wainhira ema han no hemu, goja ho buat hotu-hotu iha moris uituan nebe Na’i Maromak fo ba nia. Ida nee mak sorte ona ba nia? Maibe ema nebe goja duni ona aihan nebe mai husi Jesus nia Futar Liafuan sira nia ksolok laos ksolok nebe efémera ‘ksolok ba tempo badak’ maibe ksolok ida nebe duradeiro, Autêntico.

              Masin laos deit atu fo sabor ba aihan, maibe uja mos atu conserva aihan atu aihan sira labele estraga. Ida ne’e lori ita atu hanoin fali kona ba corupção moral liga ho temático ida nee força sira nebe negativo nebe buras iha tenpo ida ne’e. Sarani mak masin rai ninian nia presença mak convite ida atu fo obstáculo ba corupção moral, la permite sociadade nebe atu lao tuir deit buat nebe ema nia hanoin laos Maromak ninian. Laos ho facil mai ita atu consta exemplo iha nebe mak valor evangelho abut laiha atu habelar liu iha situação sira nebe violéncia, abuso, ódio buras nebe ema ida-idak buka atu habelar no haboot deit interesse pessoal duque comum.

               Símbolo ida daruak ninian mak ‘Cidade’. Jesus uja cidade nebe iha laletek, Jesus insiste ba nia escolante sira iha nia missão sira nia moris tem que hari iha princípio sira nebe foun, sira tem que atrai mundo nia atensão ho sira nia moris. Maibe nia mos bolu sira nia atenção laos atu ema hare deit hanesa Evangelho ohin ninian hare katak imi la halo buat diak iha ema sira oin atu sira hare imi, imi halo nune’e karik imi la simu imi nia kolen husi imi nia Aman iha Lalehan. Tan nee nia aumenta tan; hori oin ba ohin ema la buak tan Maromak iha Jerusalem ka iha fatin as, maibe ema sei hare ba Jesus iha nia comunidade, iha nia escolante sira nia le’et, imi mak sei atrai sira ho imi nia hahalok diak sira. Cidade nebe hamrik iha foho bolu ita atu fo tetamunho kona ba ita nia vida.

               Símbolo datoluk nian Jesus hanourin nia escolante sira Naroaman mundo ninian. Jesus la husik nia escolante sira atu haklaken deit, maibe atu empenha sira nia an, atu hatudu buat nebe sira haklaken. Convite ida mai ita sarani hotu atu la subar menssagem Jesus ninian. Lalika tauk oinsa ita atu defende ou simplifica Jesus ninia proposta maibe buat nebe Nia husu ba ita maka iha duni aten brani, corágem atu haklaken. Keta tauk maske dalaruma ema sei dehan at ita tanba ita koalia buat nebe los. Nunee deit mak ita bele kaer São Pedro nia liafuan nebe dehan; hanesan ahi oan nebe lakan nabilan iha fatin nakukun ida, to’o loron sae no fitun rai hun mutin sei lakan iha imi nia fuan. Nee duni maluk sira gesto tolu nebe facto nee ita nia amu Papa Francisco convida ita ho liafuan ida deit Sai Santo hanesan Santo António. Foin dadauk nee ita nia Amo Papa hakerek Carta Exortação ida bolu ema hotu atu sai Santo. Kona ba ida ne’e hau foti nia liafuan ruma nebe dehan; Hau hakarak insiste uluk nanain iha vocação santidade nebe Nai hato’o ona ba ita ida-idak, nebe Nia mos hato’o na ó sai santo nasá Ha’u Santo. Sai Santo basá Maromak Santo. Na’i bolu sarani hotu iha condição no estado nebe deit tuir ita ida-idak nia dalan ba santidade lolos hanesan Aman Maromak nian. Atu sai santo la precisa sai bispo, amululik, la precisa sai religioso e religiosa, nee Amo Papa nia hanoin. Ita balu dala barak hanoin atu sai santo nee ba deit ema nebe serviço hadookan husi serviço bai-bain sira, ida nebe dedica tenpo naruk lor-loron reza Amo Papa dehan ne’e lalos. Na’i bolu ita hotu atu sai santo hodi moris ho domin hodi fo sasin iha fatin nebe ita hela. Amo Papa dehan tan; se ó ema consagrado ka consagrada ida sai santo ba hodi fo an tomak ho ksolok, servi Maromak nudar ema consagrado no consagrada ida. Se ó ema kabenain sai santo ba! Hodi hadomi no quida ó nia laen e tau matan ba ó nia fen hanesan Cristo halo ba Creda. Se ó trabalhador ida sai santo ba! Hodi serviço didiak ho competência ba ó nia maluk sira nebe ó tem que haknar. Se ó aman ka inan sai santo ba hodi hanoin kikoan sira ho peciência. Ó hetan posição autoridade nian sai santo ba hodi luta ba ema hotu nia diak laos buka deit intersse pessoal.

              Celebração ohin ninian liu-liu ba sarani paroquina sira husi Motael nune’e mos ba ita nia Instituição bot PNTL, gesto tolu ne’e ita nia Amo Papa simplifica deit ho liaduan ida; atu ita ida-idak iha celebração ida ne’e fila fali ba uma ita bele hare iha Santo António gesto ruma hodi bele encoraja ita atu hadomi liu tan ita nia vocação nudar oan, estudante, inan-aman, nudar político, nudar Polícia, amululik, madre ka bispo atu ita hotu iha ita nia celebração ida ohin santo António convida ita dala ida tan hare fila fali ba kotuk buat diak tomak nebe ita koko ona maibe Santo António dudu ita nafatin ba oin atu labele desanima. Dalan santidade ninian laos fácil hanesan ita hanoin maibe mos laos dificil ba ita hotu wainhira ita hakarak, wainhira ita husik Maromak atu sai mestre ba ita, Nia mak sai ita  nia inspurador atu guia ita atu lao iha dalan los, diak no dalan nebe mos.

Leave a Reply

Your email address will not be published. Required fields are marked *