shadow
Diocese de Dili > NOTÍCIAS > Notícias > MATENEK PRECISA SINCERIADADE, HUMILDADE NO DISPONIBILIDADE

MATENEK PRECISA SINCERIADADE, HUMILDADE NO DISPONIBILIDADE

DCDD – DILI SEGUNDA – FEIRA (11/6/2018), Estudante Finalista Universidade Nacional Timorlorosae composto husi Faculdade 8, Segunda semana ne’e liburan hamutuk ho Pe. Capelão, Reitor, Corpos Docentes, Decanos no famílias hasae Ação de Graça ba Maromak iha SE Catedral Vila-Verde Dili ho objetivo atu agradece ba Maromak ba graça matenek no acompanhamento tomak nebe durante ne’e estudante Finalista sira hetan ona iha processo aprendizagem.

Missa refere preside husi Pe. Nivio Correia Lebre FdCC nudar Capelão hamutuk ho padre conselebrantes. Pe. Paulos nebe hetan fiar lori reflexão iha missa agrdecimento ne’e, nia foca liu ba buat tolu hanesan “Sinceriadade, humildade no Disponibilidade”. Sai sincero katak ita hatudu ita nia an nebe diak, qualidade humana ida nebe diak ba ema hotu, sai sincero ita hatudu katak ita eme nebe valero, ema forte, hatudu ita nia integridade ida nebe lolos. Ema sincero mak ema nebe iha princípio no ema nebe sincero mak ema nebe ho nia possibilidade ba possibilidade sira seluk.

Pe. Paulus esplica, ita masque matenek se ita lahatene haraikan, ita nia matenek iha Maromak nia futar oin ne’e la vale buat ida. Tanba ne’e matenek laos atu foti an maibe atu haraikan. Haraikan nee katak pronto atu simu ema nia hanoin no mos orientação. Dalaruma quando ita iha iha nível ka grau começa as ituan ona ita difícil tebes atu rona ema seluk orientação.

Pe. Paulos menciona tan katak uja ita nia sinceriedade no humildade atu servi liu husi ita nia disponibilidade. Disponibilidade atu servi katak obidece pronto atu servi ho matenek, ho kbiit tomak. Tanba nee matenek laos matenek ida nebe isola an maibe matenek ida nebe liberta ita nia an no mos ema seluk, hatudu ita nia an ida nebe lolos iha sociadade.

Hafoin remata missa ação de graça ne’e nian, Reitor UNTL Dr. Francisco Miguel Martins iha nia discurso ba Finalista sira hateten, hakasan sai ema ne’ebe haraik-an e pronto atu serbi tuir ida-idak ninia especialidade área ninian, labele hola ema nia área hodi halo lahatene ema descredita. Tanba ne’e mak quidado atu labele ultrapassa ita nia especialista ida-idak tanba ita la domina buat hotu maibe ita domina tuir área especialidade ita nian, maibe so Maromak deit mak nain ba buat hotu no bele buat hotu.

Finalista hirak ne’e mai husi Faculdade (8) mak hanesan, Faculdade Agricultura, Economia e Gestão, Educação Artes Humanidade, Ciências Sociais, Enginaria, Agrucultura, Filosofia no Direito ho número total finalista 624 iha areia Licenciatura no Mestrado nian. (Marta)

Leave a Reply

Your email address will not be published. Required fields are marked *