shadow
Diocese de Dili > NOTÍCIAS > LETURA DIÁRIA > Sábado, XI Semana Tempo Comum

Sábado, XI Semana Tempo Comum

ANO B

 

Primeira Leitura                                                                                    2Cr. 24. 17-35

Lia housi segundo livro Crónicas nian.

Iha loron hirak neba, uainhira Na’i lulik Joiadá mate tiha, ulun sira reinu Judá nian ba tuku tur iha liurai nia oin, nune’e liurai rona duni sira. Sira husik hela Na’i nia templo, be sira nia bei-ala sira nia Maromak hodi adora fali ai no Maromak falso sira. Maromak nia laran hirus monu ba Judá no Jerusalém nia leten, tan hahalok áat ida ne’e. Na’i haruka profeta sira ba sira, atu halo sira fila ba Nia. Profeta sira fó hatene ba sira, maibe sira lakohi rona. Tan ne’e, Maromak nia Espírito Zacarias be na’ilulik Joiadá nia oan mane ne’e nia leten. Nai hatudu-an tiha iha povo nia oin hodi dehan:” Nia ko’alia nune’e: ‘Tansá imi halo sala hasouru Na’i nia ukunfuan? Imi sei la hetan buat di’ak ida. Tan imi husik tiha ona Na’i, Na’i mós sei husik imi’’’.Maibe, sira futu lia hasouru nia hodi tuda mate nia ho fatuk, iha fatin luan Na’i nia templo nian, ho ordem liurai nian. Nune’ Zacarias nia aman nia laran di’ak, hodi fó mate ba nia oan mane. Uainhira atu mate, Zacarias hakilar dehan; Na’i haré buat ne’e no sei halo justiça”.

Hahu tinan foun tinan tuir mai nian, aremeu sira nia soldado tomak ba hafunu hasouru Joás hodi tama iha Judá no Jerusalém. Aremeu sira oho tiha hotu ulun sira iha povo sira leet, hodi haruka tiha hotu sira nia riku-soi ba liurai iha Damasco. Maski arameu sira nia soldado sira iha povo sira to’o mai ne’e, ema uit-oan de’it, Na’i haraik ba sira liman soldado Judá nian barak tebes, basá sira fila kotuk tiha ba Na’i, be sira nia bei-ala sira nia Ma   romak.

Arameu sira fó castigo ba Joás. Uainhira arameu sira hakiduk tiha, nia hela ho moras todan. Nia emar sira futu lia hasouru nia, hodi oho tiha nia iha nia toba fatin, tan nia haruka oho na’ilulik Joiadá nia oan mane. Nune’e, nia mate tiha. Sira hakoi nia iha cidade David nian, maibe, la’os iha rate liurai sira nian.

Maromak futar lia.

  

Salmo Responsorial                                                                                                                                                      Sal. 18(89). 4-5, 29-34 (R. 29ª)   

Refrão : Ha’u Nia aliança ho nia, rohan laek!!! Repete-se

 

Ha’u halo moruk ida ho ida be ha’u hili,

Halo juramento ho David, Ha’u atan:

Ha’u sei hametin ó nia dadersa ba nafatin,

Hametin ó nia trono houri otas ba otas. Refrão

 

Ha’u sei tulun nafatin nia,

Ha’u nia moruk ho nia hela ba nafatin

Ha’u sei tau matan ba nia derasaan ba nafatin

No nia trono hela to’o lalehan lakon. Refrão

 

Nia oan sira fila kotuk karik ba Ha’u lei,

Hodi la moris tuir Ha’u ukunfuan,

Sira hakribi karik Ha’u Nia hanourin,

No la halo tuir Ha’u hakaran. Refrão

 

Tan nia salan, ha’u sei castigo nia,

 Nia sei simu todan tan nia hahalok áat,

Maibe,, sei la hasai Ha’u Nia tulun housi sira,

No sei la heuuai Ha’u Nia lia hakotu. Refrão

 

Aclamação                                                                                                                                                                                                          Sal. 2Cor. 8. 9

Refrão : Aleluia, Aleluia! Repete-se

                  Na’i Jesus Cristo be riku, halo An kiak tan imi,

                  atu imi bele sai riku hodi Nia kiak. Refrão

 

Evangelho                                                                                                                                                                                                              Mt. 6. 24-34

Na’i Jesus Cristo nia Evangelho tuir São Mateus:

Iha tempo neba, Jesus lia tun ba escolante sira: “ema ida la bele serbi ba na’i ulun rua, basá nia sei rai odi hasouru ida hodi hadomi ida seluk, ka nia sei serbi hamutuk Maromak no osan.”

“Tan ne’e Ha’u dehan ba imi: keta hanoin resin kona ba imi nia moris, atu han ka hemu sáida; ka ba imi nia isin lolon, atu hatais sáida. Moris la folin liu fali hshsn no isin lolon liu fali hatais? Haré ba manu sira iha lalehan: sira la kuda, la silu batar ka haloot iha hoka; no imi nia aman iha lalehan fó han sira. Imi la folin ua’in liu fali sira? Imi ida nebe mak hodi hanoin barak, bele hanaruk nia isin sasukat ida tan?”

Tan sá imi hanoin resin kona ba hatais? Haré ba aifunan liriu sira nebe moris iha rai. Sira la serbisu, mós la souru tais. Maibe, Ha’u dehan ba imi katak Salomão mós iha nia kmanek ua’in tomak la hatais hanesan sira ne’e ida. Ne’e duni, Maromak hafutar karik hanesan ne’e ba du’ut rai nian nebe ohin iha no aban ema sei soe ba ahi, Nia sei la fó hatais liu tan ba imi, ema nebe fiar ki’ik?”

“Ne’e duni, keta laran taridu ba hodi dehan: ‘Ita sei han ka hemu, ka hatais lós sáida? Gentio sira buka buat sira ne’e hotu. Maibé imi nia Aman Lalehan hatene katak imi kuran sira ne’e. Ne’e duni, buka uluk knana’in Maromak Nia reino ho Nia justiça; buat hirak ne’e sei fó tan ba imi. Ne’e duni keta hanoin resin kona ba loron aban, basá loron aban sei hanoin nia susar rasik. Ba loron ida, to’o ona nia todan.

Lia Maksoyn.

Leave a Reply

Your email address will not be published. Required fields are marked *