shadow
Diocese de Dili > NOTÍCIAS > Notícias > Estação Pássabe sai Quase Paróquia

Estação Pássabe sai Quase Paróquia

DCDD, Terça-feira (26/6/2018)  iha ninia visita Pastoral Dom Virgilio do Carmo da Silva SDB durante loron 4 ba Oe-Cusse, Dom Virgilio do Carmo da Silva bispo de Dili halo Ereção Canônico hodi foti Estação São João Paulo II Pássabe sai nudar Quase Paróquia Iha loron 23 fulan Junho 2018.Iha tempo nebe hanesan nomeia mos Pe. Agusto Hermenegildo Nunes husi Congregação OFM Conventual sai nudar Quase Pároco ba Quase Paróquia São João Paulo II Pássabe.

Pe. Agusto Hermenegildo Nunes dehan katak, Uluk nanain ita agradece ba Aman Maromak tan Nia fo Nia graça no bensa ne’e ita mos agradece ba Amo Bispo Diocese Dili D. Virgilio do Carmo da Silva SDB nebe ho laran luak simu ami Ordo Saudaradino Conventual iha Timor hodi tau ami iha Oecusse, Pássabe.

Pe. Agusto Hermenegildo Nunes haktuir  tan katak, Congregação OFM Conventual foin primeira vez tama iha Timor liu-liu iha Oe-Cusse, Pássabe. Iha momento neba hahu husi fulan Janeiro 2017, Congregação OFM haruka hau aata no Pe. Kustos mai hasoru Amo Bispo. Husi hasoru malu nee hetan resultado diak significa Amo Bispo simu ami no hahu husi fulan Março too Agosto Amo Bispo fo ona biban mai ami atu bele mai halo assistência iha Estação São João Paulo II Pássabe. tan ne’e mak iha fulan Setembro liu ba Amo Bispo mai apresenta ami, no mos hodi fo ami ba sarani tomak Pássabe atu hela hamutuk ho sira. Ami nain tolu mak hanesan: hau rasik Pe. Agusto Hermenegildo Nunes, Pe. José no Frater Benny. Ami hela nafatin iha Pássabe no iha semana kotuk liu ba loron 23 de Junho 2018, Amo Bispo mai dala ida tan ho Ereção Canônica hodi foti Pássabe sai quase paróquia.

Pe Agusto dehan hanesan quase Pároco hau hanoin katak atu paróquia ne’e  lao ba oin, ne’e la’os tanba amo pároco laos tanba se, maibe precisa servisu hamutuk entre amo pároco ho conselho pastoral e sarani tomak atu ita nia meta bele lao ho diak liu-liu servi necessidade sarani nian. Pe. Agusto mos reconhece katak Kna’ar hanesan amo pároco ne’e foun mai hau, tanba hau mos foin Ordena iha tinan tolu liu ba, hau sente contente mos maibe ne’e todan tanba ne’e kna’ar Maromak nian laos tanba hau nia forsa, nunee hau harohan nafatin ba Maromak atu bele tulun atu nafatin hodi halao kna’ar to’o rohan no hau mos husu nafatin apoio, suporta husi pároco sira seluk atu bele tulun no tau matan nafatin ba ami liu-liu ba hau be sei hanesan labarik foin aprende atu kaer pároquia. nunee ho ita nia tulun malu buat hotu bele lao ho diak.  (Checo/Alin)

Leave a Reply

Your email address will not be published. Required fields are marked *