shadow
Diocese de Dili > NOTÍCIAS > Notícias > PM TAUR MATAN RUAK HATUDU NIA ATITUDE ESCRUTINHAÇÃO ‘TA’IS’

PM TAUR MATAN RUAK HATUDU NIA ATITUDE ESCRUTINHAÇÃO ‘TA’IS’

DCDD Sexta-feira (22/6/2018) Vigário Episcopal ba Assunto Pastoral Diocese Dili nian Pe. Jovito do Rêgo hafoin participa iha Tomada de Posse ba membro VIII Governo Constitucional iha Palácio Nobre Lahane Dili Sexta Semana nee loron 22/6/2018 hateten  Premeiro Ministro ida ne’e hatudu ninia atitude ida nebe halo escrutinaçã,o katak ‘ta’is’ ba membro VIII Governo ida ne’e, significa ema nebe mos, la comete crime mak ba assume cargo ruma, maibe sira nebe lamos ka comete crime ruma sei la ba assume cargo. Ba hau ida ne’e buat foun ida nebe foin mak acontece. Ita hein katak ne’e dignifica autoridade sira nebe ba assume responsabilidade ruma ne’e mos katak laos deit iha momento ida nebe atu tama ba, maibe wainhira sira hala’o hela knar ida ne’e quando comete caso sira hanesan ne’e, hau hanoin katak escrutinho ida nee bele la’o nafatin.

Pe. Jovito do Rêgo hatutan tan katak, ita começa hadia ona sistema estado, ita hare de’it composição ne’e composição ida nebe ita bele dehan começa iha ona estafeta idade tuan sira começa menos, idade nurak sira começa sae. Ida nee tipo de cadernização ida no ita hein katak ita nia membro governo sira nebe ohin eleito colabora hamutuk ho primeiro ministro atu serviso didiak no simu responsabilidade ida ne’e. Ita mos reza atu Maromak tulun nafatin sira la’o ho diak, hala’o ho responsabilidade ba povo nia diak. Interesse povo nian nee tem que sai sasukat ba sira nia ukun, la’os interesse privado ka pessoal ka partido.

Pe. Jovito do Rêgo reforsa tan dehan ita hein ho esperança boot sira nee foun ita mos labele exige demais. Dalaruma ita hanoin katak ema ba halo milagre, maibe milagre ne’e ema lahalo ida, milagre ne’e so Maromak deit mak halo. Sira mos ema. Ita mos hein katak sira iha sentido de humildade atu buat nebe la’o ladiak ita fo tulun ba malu tanba ita mesak Timoroan deit, ita colabora hamutuk importante ita hamutuk nafatin hanesan povo ida hanesan nacão ida. (Alin)

Leave a Reply

Your email address will not be published. Required fields are marked *