shadow
Diocese de Dili > NOTÍCIAS > Notícias > EQUIPA PASTORAL DIOCESE DILI AVALIA SERVIÇO PASTORAL

EQUIPA PASTORAL DIOCESE DILI AVALIA SERVIÇO PASTORAL

 DCDD – Terça-Feira (26/06/2018), equipa Pastoral Diocese Dili realiza assembleia geral ida hodi koalia kona ba assunto sira hanesan Carta Exortação Apostólica; apresenta equipa estudo pastoral Diocese Dili nian no halo mos avaliação semestral ba atividade pastoral tinan 2018 nian husi início too ohin loron.

Sorumuto nee participa ativa husi Párocos iha Diocese Dili nian, religioso-religiosas, catequistas no mos leigos sira. Dom Virgilio do Carmo da Silva be halo abertura nee iha ninia discurso hateten katak, iha fulan dezembro 2017 liu ba, ita hotu hamutuk lança tiha ona iha Diocese Dili kona ba Bíblia iha família. Tan ne’e iha avaliação ne’e, atu ita hare fila fali saida mak ita halo ona, saida mak ita seidauk halo no saida mak ita hanoin atu halo tan. Ita ida-idak hare fila-fali ita nia serviço iha paróquia, iha escola, iha comunidade, iha instituições ruma ne’ebe ita hamatan iha Diocese no iha capital Dili nian. Ne’e duni oportunidade diak ida ba ita avalia hikas hodi sukat ita nia força no hare mos ita nia limitações ne’ebe ita hasoru. Ita precisa serviço hamutuk mak ita koko atu hadia buat ne’ebe mak seidauk lao.

Dom Virgilio reforça tan katak, ami tau ona hanoin hamutuk hodi forma equipa estudo pastoral nian ne’ebe composto husi leigos, consagrados-consagradas no amululik sira hamutuk nain sanulu resin lima (15). Equipa ida ne’e nia serviço atu halo diagnóstico ida ne’ebe diak, científico oituan kona ba ita nia realidade fiar sarani nia iha cidade Dili no mos iha paróquia hot-hotu nebe pertence ba Diocese Dili ninian. Ohin sei apresenta equipa ida ne’e ba ita boot sira no equipa ida nee sei hato’o informação ruma relaciona ho atividade pastoral ne’ebe sira halo tiha ona.

Iha fatin hanesan Vigário Episcopal ba Assunto Pastoral Pe. Jovito do Rêgo de Jesus Aroujo esplica objetivo assembleia nee nian hodi dehan katak assembleia ida nee atu hanoin kedas ona tema pastoral ba tinan oin nian. Programa ohin laos deit atu halo avaliação ba tema pastoral ba tinan oin nian, maibe iha assunto 3 nebe apresenta ba assembleia, hanesan; Carta Exortação Apostólica nebe amo Papa lança iha dia 19 de Março liu ba hodi convida ema ba Santidade; daruak nian sei apresenta mos kona ba Equipa Estudo Pastoral nebe amo Bispo foin forma hodi halo hanesan diagnóstico ida, análiza ida kona ba problema tomak iha Diocese Dili nia laran. Ida nee sei halo ba Paróquia 34 nebe pertence iha Diocese Dili nia laran; ida ikus liu kona ba avaliação semestral ba atividade tomak nebe halo husi primeiro Dominggo Advento tinan kotuk lao too mai agora hodi hare fila fali saida mak sei halo, buat saida mak sidauk halo, dificuldade saida mak hasoru iha atividade pastoral nian durante nee. (Marta)

Leave a Reply

Your email address will not be published. Required fields are marked *