shadow
Diocese de Dili > NOTÍCIAS > LETURA DIÁRIA > Sexta-Feira, XII Semana Tempo Comum

Sexta-Feira, XII Semana Tempo Comum

ANO B

 

Primeira Leitura                                                                                     2Rs. 25. 1-12

Lia housi segundo livro Liurai sira nian.

Iha tinan sia Sedecias nia ukun, iha loron sanulu fulan sanulu nian, Nabucodonosor, liurai Babilónia nian, mai ho nia soldado sira hotu hodi hafunu hasouru Jerusalém. Hôrik tiha iha cidade oin hodi hari uma ronda hadulas cidade. Soldado sira hale’u nafatin Jerusalém to’o Sedecias nia ukun ba tinan sanulu resin ida. Iha loron sia ba fulan háat nian, uainhira iha cidade laran mosu hamlaha boot, povo tomak la iha ona buat ida atu han. Sira loke tiha kuak ida iha kota nia didin. Iha kalan, liurai hamutuk ho funu na’in sira halai sai housi odamatan iha didin rua nia leet, nebe hela besik jardim liurai nian- uainhira caldeu sira hale’u hela cidade- hodi tuir dalan ba Arába. Soldado sira caldeu nian hahu duni tuir liurai hodi kaer nia iha rai tetuk Jericó nian, iha nebe nia funu na’in sira halai namkari, hodi husik hela nia mesak. Nune’e, sira káer tiha liurai, lori nia ba Ribla, iha liurai Babilónia nia oin, no iha neba sira tesi lia ba nia matan sira, haruka kesi ho korrenti riti nian rua hodi lori nia ba Babilónia.

Iha loron hitu fulan lima nian, katak iha Nabucodonosor, liurai Babilónia nia ukun ba tinan sanulu resin sia nian, tama iha Jerusalém Nabuzardã, ulun guarda no serbisu na’in liurai Babilónia nian. Sunu tiha Na’i nia templo no kadunan  liurai nian, sunu tiha hotu uma ema boot no matenek sira iha Jerusalém. Soldado sira caldeu nian, hodi tuir ordem husi ulun guarda nian,  hamonu tetuk tiha baki sira nebe hadulas Jerusalém. Nebuzardã rasik, ulun guarda nian, haruka lori hotu povu sira be husik hela tiha uluk iha cidade no mós sira be uluk halai ses housi liurai Babilónia; nune’e mós serbisu na’in sira be uluk hela tiha. Maibe, ulun guarda nian husik hela ema sira balun be kiak liu iha nação atu sira bele kuda to’os uvas nian no to’os selu-seluk.  

Maromak Futar Lia.

 

Salmo Responsorial                                                                                                                                                                      Sal. 136(137). 1-6 (R. 6a)

Refrão : Jerusalém, ha’u haluha karik ó, ha’u nanal sai tós ba!!! Repete-se

 

Iha Babilónia nia mota ninin ami tur ho tanis,

Hodi hanoin Sião,

Iha ai salgueiro be moris mota nini

Ami tara ami nia harpa sira. Refrão

 

Sira be lori ami ba dadur,

Hakarak rona ami hananu;

Sira be hanehan ami, knananuk ida ksolok nian:

Hananu mai ani knananuk Sião nian”. Refrão

 

Oinsá ami bele hananu knananuk ida Na’i nian,

Iha rai ema seluk nian?

Ha’u haluha karik ó, Jerusalém,

Ha’u liman lós sai maten tiha. Refrão

 

Ha’u nanal belit tiha iha ha’u ibun ba,

Ha’u la hanoin hikas ó karik;

Ha’u  la tau karik ó, Jerusalém,

Iha skolok hot-hotu nia leten. Refrão

 

Aclamação                                                                                                                                                                                                                     Mt. 8. 17

Refrão : Aleluia, Aleluia! Repete-se

                  Cristo simu ita nia terus hotu ba nia leten,

                   lori ita nia moras tomak. Refrão

 

Evangelho.                                                                                                                                                                                                                 Mt. 8. 1-4  

Na’i Jesus Cristo nia Evangelho tuir São Mateus:

Iha tempo neba, Jesus tun housi foho mai, ema lubun ua’in mai hamutuk ho nia. Teki-tekil ema moras lepra ida mai tuku tur iha nia oin, nebe dehan ba Nia: “Na’i, Ita hakarak karik, bele fó isin di’ak mai ha’u”. Jesus lolo liman hodi kona nia dehan, “ Ha’u hakarak, ó hetan isin di’ak ba”. Iha oras ne’e kedas, nia moras lepra sai di’ak. Jesus dehan ba nia: “Neon moris ba; Keta hateten ba ema ida, maibe ba hatudu-an ba na’ilulik hodi fó esmola tuir Moisés nia lei, nu’udar sasin ba sira”.

Lia Maksoyn.

Leave a Reply

Your email address will not be published. Required fields are marked *