shadow
Diocese de Dili > NOTÍCIAS > Notícias > Jambore SEKAMI (OPIAM) Indonesia iha ArseDiocese Pontianak, Borneo.

Jambore SEKAMI (OPIAM) Indonesia iha ArseDiocese Pontianak, Borneo.

MISSIO TL (Pontifícias Obras Missionárias TL) hetan convite missionária husi KKI (Komisi Karya Kepausan Indonesia ka POM indonesia) hodi participa nu’udar observador Jambore Nacional Remaja SEKAMI (Serikat Karya Misioner Anak Indonesia ka OPIAM), 3-6 Julho 2018 iha Arsediocese Pontianak, Borneo Loromonu (Kalimantan Barat).

Jambore nebé halo tinan 5 dala ida ne’e hola tema “Berbagi sukacita Injil dalam kebhinekaan”. Rai Indonesia luan no ilha barak, no cultura oioin halo evento ne’e sai kle’an iha ninia sentido missionário. Diretor Nacional KKI Pe. Markus Widi haktuir katak Jambore ne’e hetan simpatia boot tebes iha sarani católica sira leet, liuliu labarik sira. Entusiasmo inan-aman no leigos boot tebes, no sira barak dehan katak evento nebé kona ba labarik sira hetan empatia boot liu fali evento husi grupo categorial seluk iha Indonesia.

Arsebispo Pontianak, Mgr. Agustinus Agus haksolok tebes jambore nee bele halo iha ninia Diocese. Haré ba urgencia formaçao carater labarik sira nebé Jesus hadomi tebes ne’e, nia husu atu se bele KKI hala’o ne’e tinan 3 ou 4 dala ida.

Tebes duni, durante loron 3 ne’e labarik no adolescente sira be mai husi diocese 37 iha Indonesia (cada diocese adolescente na’in 20) hatudu tebes katak iha sira, kbiit Kreda nian boot duni. Sira nia ánimo, hatudu iha atividade formativa, caritativa no animações halo povo local hatene katak Kreda nia oan sira hadomi sira nia fiar, haksolok iha sira nia missão tamba Cristo… Sira maioria husi grupo categorial hotu existente iha paróquia sira (kelompok do’a anak, misdinar, pramuka, pelajar sekolah katolik dan negeri).

Participa iha Jambore ne’e além labarik sira, mos padre sira, liuliu pároco no reitor sira seminario nian, bispo na’in 6, animador sira, no arsebispo na’in 2. Nune’e mos POM/MISSIO husi nação vizinha Malaysia no TL. Husi TL iha Diretor diocesano MISSIO Dili (Pe.Patrocinio), Baucau (Pe.José Gonz), Maliana (Me.Francelina FdCC) no Diretor Nacional. Husi TL la iha participantes adokescentes ka labarij ruma tamba limitado iha apoio financeiro. Nune’e mos husi Diocese Kuching (Malaysia), Arsebispo Simon, hamutuk ho ninia membro na’in 5. Diocese nebé dook liu mak diocese sira iha Papua. Maibé sira mak atraente liu no semangat tebes wainhira anima. Sira ho NTT iha carater hanesan ho TL.

Jambore inspirativa tebes ba missão husi labarik sira no adolescente sira, nu’u s.padre Francisco foin dadauk dehan, “imi nia missão precisa missão ho criatividade espirtual”.

 

Pontianak, 5 July 2018

Pe.Mouzinho

Diretor Nacional MISSIO TL

Leave a Reply

Your email address will not be published. Required fields are marked *