shadow
Diocese de Dili > NOTÍCIAS > Notícias > UMA CREDA HALO SOCIALIZAÇÃO BA RAI MISSÃO IHA DARE

UMA CREDA HALO SOCIALIZAÇÃO BA RAI MISSÃO IHA DARE

DCDD- iha Quarta feira loron 4 fulan Julho 2018 Diocese Dili hamutuk ho comunidade Dare halo sorumuto ida kona ba rai missão nian iha Uma Retiro Dare. Iha sorumutu nee participa husi Bispo de Dili Dom Virgilio do Carmo da Silva, Vigário Geral Diocese Dili nian Pe. José António da Costa, Padres, Comissão Justiça e Paz Diocese Dili, PNTL, lianain no comunidade sira Paróquia Dare nian. Dom Virgilio do Carmo da Silva iha ocasião nee hateten katak ohin hanesan momento diak ida atu ita halibur hamutuk halo sorumuto ida kona ba rai hodi tau tuir ida-idak nia fatin. Ita agradece ba beiala sira nia generosidade hodi husik hela rai ba missionário sira ikus mai hodi tau rai ida nee ho título ba iha Diocese ninian. Tan nee ita nebe moris iha nee sai hanesan fonte ba sira nebe uluk no fonte ba sira nebe sei mai. Ita iha responsabilidade atu bele dehan rai ida nee Igreja nian husik ba Igreja ninian, se rai ida nee sarani ninian husik ba sarani ninian.

Vigário Geral Diocese Dili Pe. José António da Costa iha biban nee fo mos nia testamunho kona ba rai missão iha Dare hodi hateten katak, Hau agora completa idade 78 anos no comemora ona Bodas de Ouro (50 anos) sai nailulik. Kona ba propriadade Igreja nian hau hatene tanba hau serviço tinan barak iha Câmara Eclesiática Diocese nian. Sr. António nebe halo reclamação ba rai Diocese nian balun iha Dare hodi questiona kona ba atu determina tinan saida mak avo sira fo rai ba Diocese ne’e. Tuir Sr. António ninia testamunho nia temi katak avo sira entrega rai nee por volta de 1920 ou 30. Pe. José declara katak iha tempo ne’eba ne’e rai nia naran seidauk iha tanba bispo Medeiros sira seidauk iha. Bispo Medeiros foin mak mai iha tinan 1923. Buat ida ne’ebe mak hau foti husi Sr. António nia declaração mak ida ne’e, katak nia mai halo buat hotu atu salva rai Igreja nian. Ida ne’e ita dehan katak obrigado ba laran diak atu salva rai Igreja nian, maibe ema ida la convida atu halo chamamento ba rai ida nee. Igreja atarves de bispo la fo procuração ba ema naran ida atu gere rai Diocese nian. Ba sira ne’ebe amo bispo tau iha paróquia Dare nia oin ne’e maka iha competência atu gere fatin ne’ebe kona ba paróquia nian no transversalmente fatin nebe propriedade Diocese nian. Ita bele dehan katak quando hahu cria paróquia nia naran, antes paróquia de Dare ne’e so hanaran deit “Grande de Dare”. Laiha naran ida agora bolu Paróquia de Dare. Naran Paróquia de Dare nee acontece quando iha Pe. António Maia nia tempo maka Dom José Joaquim Ribeiro fo naran Paróquia de Dare maibé antes nee laiha.

Hau sei hanoin buat ida katak diocese la karakten e la hadau ema nia propriedade maibe Diocese sei hare oinsá ema sira ne’ebe terlanjur tama iha rai Diocese nia laran ne’e tanba sa? antes 75 Dare mamuk. Ema sira nee mai depois de 75 mai oin e liu-liu iha tempo indepéndencia. Tanba nee hau recomenda ba parte Comissão Justiça e Paz nian atu bele resolve lalais.

Presidente Comissão Justiça e Paz Diocese Dili Pe. Hermínio iha sorumutu nee mos esplica katak, Comissão Justiça e Paz halao serviço tuir orientação husi Diocese Dili hodi serviço hamutuk ho Secretário Estado Terras e Propriadade nian, coopera hamutuk hodi hare kona ba rai missão nian. Hare ba problema nebe foin acontece ita hare katak rai missão nian iha ocupação lobuk ida iha nebe husi Comissão Justiça e Paz ba tidin Placa maibe placa sira hetan estragos ka sobu tiha, comunidade balun hahu ke estrada, fakar raihenek hodi halo uma iha fali rai missão nian tuir mapa nebe Diocese iha. Ho razão ida nee maka lorokraik ida nee ita mai hamutuk hodi tulun malu ho ema sira nebe interesse ba rai missão nian oinsa no tanba sa problema sira nee bele mosu no oinsa mak ita bele hakat sai husi problema sira nee. (Alin/Ajanu)

Leave a Reply

Your email address will not be published. Required fields are marked *