shadow
Diocese de Dili > NOTÍCIAS > LETURA DIÁRIA > XIV Domingo Tempo Comum

XIV Domingo Tempo Comum

Ano B

 

Primeira Leitura                                                                       Ez. 2, 2-5

Lia housi Livro Profeta Ezequiel:

Iha loron hirak nebá, Maromak nia espírito hiit-an mai ha’u laran, hodi halo ham,riik kedas. Iha oras ne’e ha’u rona Maromak nia ewspírito lia tun mai ha’u, dehan: “Mane oan, ha’u sei haruka ó ba Israel oan sira, Ha’u sei haruka ó ba povo ida ulun to’os teb-tebes, ba povo ida be hamriik hasouru HA’u. sira, hanesan sira nia bei – ala sira sala hasouru HA’u to’o ohjin loron. Ba ema oan ulun fatuk to’os hirak ne’e, ba ema oan laran to’os hirak ne’e, mak ha’u haruka ó atu ba. Ó sei hateten ba sira nune’e: ‘Na’i Maromak dehan nune’e: Sira rona ka la rona ó, – basá, sira mesak ulun fatuk to’os tantanan- sira sei hatene katak iha sira leet la’o hela profeta ida’.

Maromak Futar Lia.

 

Salmo Resposorial                                                                                                                               Sal. 122(123), 1-2a. 2bcd. 3-4

Refrão :  Ita matan foti nafatin ba Na’i, to’o Nia hanoin ita !!! Repete-se

 

Ha’u foti ha’u matan ba Ita,

Ba ita be hourik iha lalehan;

Ha’u matan nu’udar atan matan

Fila ba Na’I futar liman. Refrão

 

Nu’udar atan feto nia matan

Fila ba liurai feto nia liman,

Nune’e, ami matan fila ba Na’i,

Ami nia Maromak,

To’o loron Nia hanoin ami. Refrão

 

Na’i, hanoin ami, sadia ami,

Tan ema hakribit resin ona ami,

Loko-an sira hewai resin ona ami klamar. Refrão

 

Segunda Leitura                                                                                                                                                              2 Cor. 12, 7-10

Lia Housi São Paulo nia Surat ba sarani sira iha Corinto:

Maun alin sira: Ha’u simu matenek boot housi Maromak, atu ha’u la bel;e foti-an, Na’i Maromak hedi kedas daun boot ida ba ha’u isin, Na’i Maromak tau satanás ida atu bása ha’u, atu ha’u la bele foti-an. Ba ida ha’u harohan dala tolu ona atu halakon tiha housi ha’u isin daun boot ida ne’e; maibé Maromak lian tun mai ha’u dehan: “ Hodi de’it ha’u nia tulun to’o ona. Basá,  wainhira ó haraik-an mak Ha’u hatudu ha’u kbiit tomak”. Ne’e duni, ho neon ho laran tomak, ha’u buka de’it haksolok, tuir ha’u nia haraik-an, atu nune’e Cristo nia kbiit bele horik ho ha’u. tan ne’e, ha’u haksolok wainhira ha’u haré kataak ha’u kbiit laaek, wainhira ema hasara ha’u tamba Cristo; ha’u haksolok wainhira ema buka halo aat ha’u taba Cristo; ha’u haksolok, wainhira ha’u terus tamba Cristo. Basá, wainhira ha’u haré ha’u kbiit laek, mak ha’u kbiit wa’in.

Maromak Futar Lia.         

 

Aclamação                                                                                                                                                                            Cfr. Lc. 4, 18

Refrão : Aleluia, Aleluia! Repete-se

                  Na’i nia Espírito horik iha ha’u Nia haruka ha’u, ba tatoli

                  Lia Foun Di’ak ba Ki’ak sira. Refrão

 

 Evangelho                                                                                                                                                                                  Mc. 6, 1-6

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus  la’o ba nia rain ho nia escolante sira. To’o tiha loron sábado, Nia tam iha sinagoga atu hanourin. Ema sira nebé rona Nia ko’alia, sira hakfodak hodi hateten ba malu: “Nia simu buat hirak ne’e hotu, iha lós nebé? Oin sa mak nia bele halo milagre boboot hirak ne’e? Nia laós carpinteiro, Maria nia Oan? Nia laós Tiagoo, José, Judas ho Simão sira nia maun-alin? Nia feton sira la horik iha ita leet?” Nune’e, sira sai bilán hotu. Jesus lia tun ba sira dehan: “ Iha de’it nia rain, iha de’it nia uman no parenti sira leet mak profeta la folin”. Tan ne’e, Jesus la halo milagre ida iha Nia rain. Nia fo isin di’ak ba ema moras balun de’it, hodi tau liman ba sira. Jesus hakfodak, tan ema sira ne’e la fiar liu. Nune’e, Nia la’o tiha ba knua sira besi-besik hodi hanourin. 

Lia Maksoyn.

Leave a Reply

Your email address will not be published. Required fields are marked *