shadow
Diocese de Dili > NOTÍCIAS > LETURA DIÁRIA > Terça-Feira, XIV Semana iha Tempo Comum

Terça-Feira, XIV Semana iha Tempo Comum

Ano B

 

Primeira Leitura                                                                 Os. 8.  4-7, 11-13

Lia husi Profecia çOseias nian

Na’i lia tuna dehan: Israel oan sira foti liurai la fó hatene Ha’u. sira hili ulun sira la husu lós ha’u. hodi osan mutin no osan mean nebe sira iha, sira halo Maromak falso ba halakon sira an. Samaria, ha’u hakribi liu karau vaka oan nebe ó adora! Ha’u laran nakali hasoru sira: to’o wainhira lós sira la iha ona biit atu hamos sira an? Basá, ilas falso ne’e mai husi Israel. Ema badaen ida mak halo nia, nia la’os Maromak. Maibe, Samaria nia karau vaka oan sei sai rahun.

Tan imi kuda ona anin, imi sei sohi anin boot; trigo la fó fuan, la bele halo farinha; maski fó fuan ema rai seluk mak sei han. Efraim hari altar barak atu hamós nia hahalok áat sira, maibe, altar sira ne’e lori nia atu halo de’it sala. Ha’u hakerek karik ba nia ukunfuan rihun ida ha’u lei nian, nia sei haré sira hanesan serbisu ida nebe mai husi rai seluk. Wainhira sira hasa’e sacrificio, sira oho balada sira atu sira han, maibe, Na’i la simu sacrificio hirak ne’e. Oras ne’e nia hanoin hikas fali sira nia salan hodi fó castigo tan hahalok áat sira no sira sei fila hikas ba egipto”.

Maromak furar lia.

Salmo Responsorial                                                                                                   Sal. 113B(115): 3-4 ,5-6, 7ab-8, 9-10(R.9ª)

Refrão :  Israel nia uma, tau laran metin iha Na’i. Repete-se

 

Ami nia Maromak iha lalehan,

Na’i halo buat hotu nebe monu ba nia laran!

Nia la hanesan maromak falso sira,

Nebe ema halo ho liman

Husi osan mean no osan mutin. Refrão

 

Sira ibun iha, maibe la ko’alia,

Sira matan iha, maibe la haré.

Sira tilun iha, maibe la rona,

Sira inus iha, maibe la horon. Refrão

 

Sira liman iha, maibe la lamas,

Sira ain iha, maibe la la’o.

Sira be halo sira, sai hanesan ne’e hotu,

No sira be larana metin iha sira. Refrão

 

Israel, ó laran metin iha Na’i ba,

Nia mak ó nia tulun no mahein;

Uma kain Aarão nian, laran metin iha Na’i ba,

Nia mak imi nia tulun no mahein. Refrão

 

Aclamação                                                                                                                                                                                   Jo. 10. 14

Refrão : Aleluia, Repete-se

Ha’u mak bibi atan lós, Na’i lia tun, Ha’u hatene bibi sira nebe

Ha’u nian! Bibi sira nebe Ha’u nian hatene Ha’u! Refrão

 

Evangelho                                                                                                                                                                              Mt. 9. 32-38

Na’i Jesus Cristo nia Evangelho tuir São Mateus

Iha tempo neba, ema lori ba Jesus ema monok ida ho diabo iha laran. Nia duni sai diabo, no ema monok ne’e ko’alia ona. Ema lubun hakfodak hodi dehan: “ Ema ida seidauk haré buat ruma hanesan ne’e iha Israel.” Maibe fariseu sira dehan: “ hodi diabo sira nia ulun mak nia duni sai diabo sira”.

Jesus la’o lemo cidade ho knua sira hodi hanourin iha sinagoga sira no haklaken liafuan di’ak reino nian; fó mós isin di’ak ba ema moras sira no ba sira hotu nebe terus. Haré tiha ema lubun boot, nia hanoin teb-tebes sira basá sira kole no neon nakraik, hanesan bibi sira nebe bibiatan la iha. Tan ne’e nia dehan ba escolante sira: “ To’os boot duni, maibe serbisu na’in uitoan. Ne’e duni imi harohan ba to’os na’in atu haruka serbisu na’in sira ba nia to’os”.

Lia maksoyn.

 

Leave a Reply

Your email address will not be published. Required fields are marked *